#TeCuento

Ola amiguiños e amiguiñas!! Hoxe achégome a vós para ensinarvos outro xeito de contar.

Sabedes que hai nenos e nenas xordos, e que a elas e elas coma a nós encántanlles os contos. Preguntarédevos: "Como fan?".

Pois grazas a xente que traballa para asociacións e fundacións coma a CNSE  conseguiron crear un aplicación gratuita que se chama "tecuento". Grazas a esta aplicación os nenos e adultos poden editar de forma sinxela e divertida os seus propios contos na lingua de signos española. Para personalizar os contos pódense ilustrar as historias con imaxes propias e arquivalas para a súa reprodución tantas veces como se queira. Tamén se incorporan na biblioteca contos xa editados na lingua de signos española e subtitulalos. Coa primeira descarga inclúese o conto de "Platero y yo", a partir de aquí a biblioteca medrará con novas edicións creadas na Fundación CNSE ou por vós mesmos. Esta iniciativa está enmarcada no programa de promoción e fomento da lectura das pesoas xordas, especialmente dos nenos e nenas.

Coma vedes é un xeito novo de contar e, se queredes ver contos xa editados picade na imaxe e poderedes VER/LER/ESCOITAR/DISFRUTAR de este tipo de contos

Cuarentena SEMANA SANTA

Ola amiguiños e amiguiñas!! Non vos animades a mandarnos nada para que colguemos no blog. Agardamos as vosas fotos, os vosos contos, os vosos vídeos, un recitado de poesía, cousas de plástica entretidas e divertidas,... Un montón de cousas que seguro facedes todos os días.
Xa sabedes que tedes o correo de conversascongarabullo@gmail.com para contarnos todo o que queirades.
De momento seguimos mandando suxestións e enlaces de lectura. Lecturas en rede gratuítas para que vos entreteñades e tamén música e debuxos en galego.
Agardo que o pasedes moi ben. Premede nas imaxes e enlaces e xa poderedes ler, cantar e bailar ou simplemente ver debuxos en galego.
Xa sabedes que aínda que estamos na casa... SEMPRE estamos para vós.
#EuQuedoNaCasa 

Nos seguintes enlaces tamén podedes atopar:

VIDEOCLIPS DE CANCIÓNS INFANTÍS EN GALEGO

Escolma de videoclips infantís con subtítulos realizada polo Departamento de Galego da EOI de Pontevedra.

SERIES DE DEBUXOS ANIMADOS EN GALEGO

Estas series están aloxadas na páxina Programas de Xabarín da TVG /CRTVG

#EuQuedoNaCasa

Ola amiguiños e amiguiñas!!!
Xa sabedes que a profe Blanca lanzou un reto. "Facer un molinete" tinguindo as nosas casas de azul. Era un xeito de amosar o noso apoio aos nenos e nenas con autismo que tamén teñen que quedar na casa, pese a todas as dificultades que implica.
Nós, todos os profes e os que formamos parte da familia do cole, tamén quixemos sumarnos a este reto pero pensando tamén en vós e no moito que vos botamos de menos.
Agardamos que este vídeo vos guste moito. Foi feito con todo o noso cariño e admiración a vós, os nosos nenos e nenas, que sabedes adaptarvos a todas as situacións.
Seguide a mensaxe do "Día Mundial do Autismo"

PODO APRENDER, PODO TRABALLAR.

Parabéns a todos polo voso esforzo

#EuQuedoNaCasa

Día do Libro infantil de Xuvenil e DÍA MUDIAL DO AUTISMO

Ola amiguiños e amiguiñas!!
A profe Blanca na páxina web, dentro da parte que dedicamos a aula de Música, lembrounos a importancia dunha data coma a de hoxe para achegarnos e facernos recomendacións músico literarias.
Tamén rétanos a tinguir este día de cor azul facendo un molinete.
Se picades na foto podedes acceder directamente á páxina web e ver as recomendacións de Blanca.
Aproveitando os seus consellos nós tamén queremos propoñervos un reto:
Cada un de vós pode facer o seu molinete azul ou decorar os nosos balcóns de cadenetas azuis, pancartas, coma propón Blanca, tamén podemos facer vídeos pequechos cunha mensaxe para conseguir un mundo máis inclusivo e compartídeo con nós. Enviade un foto ou un vídeo pequeno ao noso correo conversascongarabullo@gmail.com
Unha vez cheguen iremos facendo un vídeo que será publicado aquí e na páxina de cole e neste Blog. Unidos todos
#DiaMundialAutismo
#EuQuedoNaCasa

Coma tamén é o Día do Libro infantil e xuvenil sumámonos á proposta que Cristina a mestra de 1º de primaria lle fixo aos seun nenos e nenas. Unha foto cun libro da súa biblioteca persoal. Mándovos un exemplo de coma fixeron Xoan de infantil e Sara e Xabi de 1º. Tamén podedes contar por que elexides ese libro ou ler un cachiño do mesmo. Lembrade o correo conversascongarabullo@gmail.com.

E coma lectura recomendamos:

Páxinas do Diario de Simón

Páginas del Diario de Simón é unha aproximación ao autismo a través dos ollos dun neno, que narra en primeira persoa, a súa vida escolar e a influenza dun compañeiros que lle moveu o seu mundo. Cóntanos a historia de Simón, un neno de Primaria que empeza un diario que comeza coa chegada á clase de Héctor un rapaz con autismo que rematará sendo o seu amigo inseparable.

CONTOS CONTADOS

Ola amiguiños e amiguiñas!! Coma levades o de quedar na casa?
Nestes días chegan propostas desde distintos medios para que aproveitedes e fagades actividades relacionadas coa música, a pintura, traballos propostos polos vosos mestres e mestras...
Pois neste caso dende unha editorial de contos que vos gustan moito: KALANDRAKA chegounos unha proposta que queren compartir con todos nós "Contos Contados".
Queren transmitirnos e compartir con nós  o seu amor polos libros e a lectura.
Se premedes na imaxe poderes acceder á sección da canle de Kalandraka, na que irán aparecendo algúns contos contados. Comezamos recomendando "Versos e viceversos"para conmemorar o Día da Poesía que celebramos o pasado 21 de marzo.
Agardamos que escoitedes moitos contos e poidades divertirvos moito neste obrigado tempo de lecer.
Tamén vos reto a que sexades vós os que fagades os vosos "Contos contados" e os mandedes ao noso correo conversascongarabullo@gmail.com.
Encargarémonos de ilos colgando aqui no blog para que todos poidamos divertirnos con esta inciativa de Kalandraka.
Rétovos a todos e todas os que formades parte da familia do cole de Bandeira. Os que estamos hoxe e os que pasáchedes polas nosas aulas.
Agardo as vosas colaboracións.
Premede na imaxe para acceder aos contos!!
Un saúdo e xa sabedes... Agardo os vosos contos!!

ALTO INFANTIL 2020

Ola amiguiños e amiguiñas!! Un ano máis os compañeiros e compañeiras de 6º participaron no "Alto dos Xenerais Infantil". Como ben sabedes para nós é un acontecemento moi agardado. Tamén para os que participan xa que dende decembro empezan a buscar as teimas e as debilidades do centro, e dos compañeiros e compañeiras, para compoñer as  Arengas. Logo un traballo de interpretación e de ensaio durante os recreos para ese dia tan ansiado. O sábado do Entroido: "O Alto dos Xenerais Infantil". Unha tradición que no pobo é tan agardada por todos coma o resto das actividades programadas para ese día.

Aínda que moi nerviosos, os vosos compañeiros xa interpretaron as arengas en Vila de Cruces nos Encontros de Entroido Escolar e para nós o público máis crítico pero que máis os queremos.

Agora toca amosarlles a todos coma o fixeron no Entroido de Bandeira. no Alto dos Xenerais Infantil. Subidos a cabalo e vestidos coma auténticos Xenerais. Queredes velos? Pois premede no vídeo!!!

TODAS SOMOS ROSALÍA

Ola amiguiños e amiguiñas!!

Hoxe toca o agasallo que non se esquece!! Comezamos a enfocar as actividades do 8 de Marzo cunha muller grande e admirable, a nosas Rosalía, continuamos cunha Exposición interactiva que non podía pasar de largo, concertos e entrevistas de artistas, unha obra de teatro e somentes quedaba facer algo material para non esquecer esta data tan representativa nin a nosa muller de ferro. Xuntamos todo e creamos as NOSAS ROSALÍAS.

Grazas a impresora 3D creamos pequenos chaveiros para todos e todas os que formamos a pequeña familia do CEIP Ramón de Valenzuela. Gústanvos??

Axudantes da Biblioteca escollen libros para mercar

Ola amiguiños e amiguiñas!!
Como xa sabedes os compañeiros e compañeiras de 6º son os axudantes da biblioteca. Son moitas as labores que fan para que a biblioteca estea sempre agardando por todos nós.
Ademáis de axudar a coidar a biblio nos recreos, facelo préstamo, colocar libros, axudar cos ordenadores e xogos e manter un ambiente tranquilo nos recreos... O pasado martes axudáronnos a escoller entre varios libros moi bonitos que trouxo un profe do equipo de biblioteca. Coma todos os contos nos gustan e os cartos non chegan os axudantes da biblioteca escolleron uns poucos tendo en conta moitas cousas: os vosos gustos, as ilustracións, posibles utilidades, tipos de letra,...
Ollade!! Semella que os escoitamos deliberar!!

Semana da Prensa

Ola amiguiños e amiguiñas!! A pasada semana celebramos a Semana da Prensa na Escola.
Na escola temos o convencemento de que o xornal é unha ferramenta útil e beneficiosa para todos os nenos e nenas. Non só traballamos a lectura senón que desenvolvemos tamén o noso espíritu crítico.
Aínda que moitas aulas traballan coa prensa todo o ano (5º e 6º están dentro do programa "Prensa-Escola") a semana do 9 ao 13 de Marzo prestámoslle unha atención especial para falar das novas e... Como non? Converternos en pequenos xornalistas, creando as nosas novas para emitilas na nosa radio "Radio Garabullo".

Pouco a pouco iremos emitindo o resultado do voso traballo. Non deixedes de escoitar os Podcast de "Radio Garabullo".
Polo de agora se picas na foto poderás ver coma o alumnado de infantil foi achegándose ao mundo da Prensa!!

"María Pita" por Cristina Collazo

Ola amiguiños e amiguiñas!! Nesta ocasión foron os nenos e nenas de 1º de Primaria os encargados de preparar un pouco máis unha data tan importante coma é o 8 de Marzo "Dia Internacional da Muller". Ademáis do concerto de infantil e da Exposición interactiva a aula de primeiro invitou á nosa escola a CRISTINA COLLAZO unha muller do noso pobo á que entrevistaron na radio e  que, dun xeito moi doce, achegounos á vida das artistas mulleres e contounos cousiñas que está a facer na actualidade. Tamén tivemos a sorte de vela interpretar a obra "María Pita".
Aquí podedes escoitar a súa entrevista e picando na foto podedes ver un resumo do que foi un día na escola con CRISTINA COLLAZO.
GRAZAS CRISTINA pola túa visita!!!