VIVIMOS OS SENTIDOS

Ola amiguiños e amiguiñas!! Como xa falamos noutras entradas, os nenos e nenas de 6º de infantil propuxéronnos un reto no ximnasio. Tiñamos que xogar cos sentidos. Foi unha actividade que decidiron tendo en conta o libro Los 5 sentidos de Nacho e tamén para dar a coñecer o valor dos sentidos nunha data tan sinalada coma foi o 3 de decembro: " O Día Internacional das Persoas con Discapacidade. Foron unhas propostas moi divertidas e aquí tedes o resumo.

DÍA INTERNACIONAL DAS PERSOAS CON DISCAPACIDADE

Ola amiguiños e amiguiñas! Hoxe celebramos o "Día Internacional das Persoas con Discapacidade" e o alumnado de 6º de infantil, despois de ler Os cinco sentidos de Nacho, pensou en axudarnos a entender esta data falando dos sentidos e vivenciando as situacións nas que poden faltar algúns deles. Tamén fixeron mini-vídeos para contarnos curiosidades dos mesmos.

OLLADE!!! 

O SENTIDO DA VISTA por Martín:

O SENTIDO DO GUSTO por Florentino:

O SENTIDO DO OÍDO por Manu:

O SENTIDO DO OLFACTO con Xiana e Fabiola:

O SENTIDO DO TACTO con Hugo e Youssef:

RADIO GARABULLO E O 3-12-2024

 Ola amguiños e amiguiñas!! O alumnado de 4º achegouse a Radio Garabullo para falar da actividade que están organizando os nenos e nenas de 6º de Infantil para conmemorar o "Día Internacional das Persoas con Discapacidade"

COMEZAMOS PARABÉNS curso 2024-2025

 Ola amiguiños e amiguiñas!! Xa temos nas ondas o novo programa de RADIO GARABULLO. Parabéns á hora de comer e curiosidades do tempo de lecer.

Este podcast foi emitido por Martina, Henar, Carmen e Lola de 4º. Unhas auténticas locutoras de radio. Escoitade todo o que nos teñen que contar e parabéns a todos os nados nos meses de agosto, setembro, outubro e novembro.

A PORTA VIOLETA

Ola amiguiños e amiguiñas! O pasado 25 de novembro celebramos o "Día Internacional da Eliminación da Violencia contra a Muller" creando unha PORTA VIOLETA entre todos e todas.

Un "Porta" simbólica para eliminar os signos de violencia e crear un mundo mellor.

A nosa inspiración os amigos e amigas, as aprendizaxes positivas, os libros e a música.

DÍA MUNDIAL DA INFANCIA 20-11-2024

Ola amiguiños e amiguiñas!! Ao longo desta semana celebramos o "Día Munidal da Infancia". 

Cada vez que vides á Biblioteca ollades os contos e ledes as súas historias e vivides as aventuras dos seus protagonistas. Este ano os nenos e nenas de 1º de Primaria encontraron uns contos que falaban dos nenos e nenas e dos seus DEREITOS.

Qué era iso dos DEREITOS? Como é que os nenos e nenas teñen DEREITOS e eles non os coñecen... Nin sabían o que significa a palabra DEREITO.

Agora que están a aprender moitas cousas cos libros da biblioteca, fixeron unha proposta para aprender máis dos DEREITOS DOS NENOS E NENAS. Aquí tedes unha das súas propostas:

- UN ENCRUCILLADO:

Aquí tedes o Encrucillado para quen queira xogar:

 
TAMÉN DEIXARON UNHA PROPOSTA DE  XOGO EN POLOS CREATIVOS:

E para que poidades gozar da lectura deixamos algúns dos libros que escolleron os nenos e nenas de 1º.

FELIZ LECTURA:

 Tengo derecho a ser un niño de Alain Serres:

 Un mundo mejor; derechos del niño de edicións jaguar feito por varios autores

E outros que tamén vos poden axudar coma:

CONTO DE SAMAÍN

Ola amiguiños e amiguiñas!! O xoves pasado celebramos o Samaín no cole. Decoramos a entrada con motivos medorentos feitos con produtos do outono. Escribimos un conto entre todos dende infantil a 6º de primaria: "O Souto da Retorta". Trouxemos as roupas máis medorentas que tiñamos para celebrar este día. Vimos aos compañeiros e compañeiras de 6º como escenificaban o conto e rematamos este día de festa e tradición saboreando unhas riquísimas castañas.

Queredes ver o conto?

E se alguén quere ler o conto aquí o deixamos:

CELEBRACIÓN DO DÍA DAS BIBLIOTECAS 2024

 Ola amiguiños e amiguiñas!! O xoves 24 de outubro celebramos o "Día das Bibliotecas". Todas as aulas pasamos pola biblioteca para facer distintas actividades: vimos o vídeo de presentación da biblio feito polo alumnado de 6º; buscamos pistas pola biblioteca, xogamos con "True True", con scratch e a placa "tecla tecla" fixemos circuítos e escoitamos as normas da biblio; xogamos cos escornabots,... Pasamos un día moi divertido e neste vídeo podedes ver todo o que fixemos e o ben que o pasamos.

DÍA DAS BIBLIOTECAS ESCOLARES 2024

 Ola amiguiños e amiguiñas!! Hoxe é o Día das Bibliotecas Escolares. Como cada ano os nenos e nenas de 6º prepararon un vídeo para dar a coñecer a Biblio e para lembrar algunhas das normas máis importantes.

FESTA DA BIBLIOTECA

Ola amiguiños e amiguiñas!! O xoves celebraremos o "Día das Bibliotecas Escolares" e con este motivo, Mariña de 5º, aproveitando unha sesión de "CANVA" fixo este cartel para anuncialo.

Lembrade o 24 de outubro celebraremos a festa da nosa biblioteca!!