AS NOSAS ÁRBORES NAS PORTAS

Ola amiguiños e amiguiñas!! Xa podemos decir que a semente do noso proxecto FORTES COMA CARBALLOS empeza a agromar. De todos os traballos que fixemos este foi un dos máis bonitos. Decorar as portas da escola coas fotos das "Nosas árbores".  As árbores dos nenos e nenas do cole de Bandeira. Todos e todas as plantamos e coidamos e hoxe podemos ver o CARBALLO na porta da Biblioteca; o CEDRO e A SOBREIRA nas portas do comedor, o CASTIÑEIRO na porta da aula de 1º e o TOXO na de inglés. 

Pero este proxecto non remata aquí. Prometemos seguir coidando o COTO DA GAITEIRA e todas as árbores da escola. Tamén prometemos manter vivo este proxecto de levar as árbores ao resto das portas o vindeiro ano e seguir investigando, aprendendo e medrando coas nosas árbores, sempre, FORTES COMA CARBALLOS!!

FELICES VACACIÓNS!!

SAÍDAS MEDIO AMBIENTE

Ola amiguiños e amiguiñas! Hoxe falareivos das saídas que tivemos ata o momento neste curso. Nas últimas semanas, o alumnado de primaria foi en dúas ocasións ás instalacións da Semana Verde en Silleda. Contareivos algo de cada unha delas!

A primeira delas foi ó taller de Arqueocampo, no que todo primaria aprendeu a entender e tratar con coidado os restos do pasado, así como datos moi interesantes como utilidade da proba do Carbono 14. Resumindo... a importancia da labor dos arqueólogos.

Uns días despois, os nenos de 3º a 6º curso de primaria aproveitaron uns obradoiros que se ofrecían dentro da programación da Semana Verde de Galicia (aberta do 2 ó 5 de xuño). Fixeron manualidades relacionadas coa flora e fauna autóctona de Galicia: co martiño peixeiro, co paxaro carpinteiro ou co carballo.

Vouvos contar unha cousa que me dixeron uns nenos. Seica cando lle quitarono pó ós cocos dos carballos estaban cheos de formigas. Vaia susto levou algún! Por certo, preguntádelle en realidade que son os cocos desta árbores, veredes que interesante! Xa sabedes que nunca está demais aprender sobre o Medio Ambiente para conservalo mellor posible. Xa sabedes... non hai planeta B!!

FORTES COMA CARBALLOS: Unha guía das árbores da contorna dende a escola

 Ola amiguiños e amiguiñas!! Xa chegamos ao remate do noso proxecto. Un proxecto que quixo darnos azos para iniciar un curso que comezamos con mascarillas e restriccións, onde seguiamos separados por grupos e onde non podíamos facer actividades conxuntas. Propuxémonos ser "Fortes coma Carballos". Conseguímolo!! O voso sorriso, as vosas gañas de aprender e gozar, de non deixarvos entristecer pola situación que viviamos, sen decaer cando fomos enfermando,... sempre con ilusión fixo que o noso proxecto medrara e conseguira o noso obxectivo: Ser "Fortes coma Carballos".

Estamos rematando e non podemos esquecer falar das outras árbores que nos rodean e que tanto nos aportan. Todas importantes e todas coidadas por nós na nosa aula da natureza. 

Hoxe comezamos un ficheiro que prometemos completar e facer medrar día a día. Este é o pequeno proxecto que acompañará á sorpresa final do proxecto: Que pasará para fin de curso que formará parte de nós para sempre...? Que será? 

O DÍA MUNDIAL DO MEDIO AMBIENTE: O sentir dos peixes

Ola amiguiños e amiguiñas!! O "Día Mundial do Medio Ambiente" é unha data moi marcada para nós nesta escola. Pois non é só unha data a traballar na aula. É unha data que traballamos todos os días modificando as nosas conductas. Dende o noso proxecto "Fortes coma Carballos" perseguemos despertar inquedanzas de preocupación pola natureza e de responsabilidade ante o seu coidado tomando medidas coma a reciclaxe dos residuos, a reutilización, o consumo responsable, a redución de lixo,...

A importancia que ten o noso comportamento hoxe reflectirase no futuro. É algo que nos custa entender porque pensamos que o que un fai unha soa persoa non pode ser tan malo... Pero cando todos fan o mesmo?

Os compañeiros e compañeiras de 5º e 6º decidiron facernos pensar... Sabedes que é o "Mar de Plástico"?

Pensade na cantidade de plástico que se fabrica en todo o mundo... Pensade na bolsa de chuches que vemos voar polo patio e ninguén tira na papeleira. A donde vai voando? Pois moitos dos plásticos que xeneramos van a parar ao mar. Isto está provocando a formación de grandes illas de lixo... Illas de plásticos máis grandes que toda España e Portugal xuntas.

O océano está a converterse nun vertedoiro, nun MAR DE PLÁTICO que afecta a saúde da fauna e da flora mariños. Aquí é onde os maiores do cole fixeron un pequeno mural dándolle voz e vida aos peixes que nos contan coma se sinten, dannos consellos, e fannos pensar... Se queremos ser "Fortes coma Carballos" e as nosas árbores ver medrar... o mar temos que coidar...

As árbores no Día Mundial do Medio Ambiente

Ola amiguiños e amiguiñas!! Cada 5 de xuño celébrase en todo o mundo o "Día Mundial do Medio Ambiente". Dende as distintas fundacións, asociacións ecoloxistas,... estase a buscar fórmulas para contribuír  á protección do medio ambiente e a loita contra o cambio climático.

Nós como escola tamén nos sumamos a esta celebración con distintas actividades que fomos levando a cabo ao longo do curso grazas ao noso PDI "Fortes coma Carballos" e que remataremos ao longo desta semana con distintas propostas. 

Queremos comprometernos no coidado do Medio Ambiente e concienciar  sobre a importancia de coidar os nosos entornos naturais para garantizar a saúde dos seus habitantes.

O mellor xeito de coidar o nosa contorna é coñecela, e por iso, o noso carballo da entrada encheuse de libros de contos e de información sobre as árbores. Con estes faremos unhas fichas que nos permitirán coñecer mellor as nosas fragas e bosque, as nosas árbores en xeral e aprender a valoralas e coidalas.

DÍA DE EUROPA

Ola amiguiños e amiguiñas!! Onte foi o 9 de maio "Día de Europa", unha data moi sinalada no calendario no que se celebra a paz e a unidade de Europa.

O alumnado de 4º proponnos traballar esta data dun xeito distinto. Achegarnos a Europa a través das árbores que identifican cada país, unindo así a importancia desta data e o proxecto deste ano da biblioteca. O Carballo da entrada amenceu con fotos das distintas árbores que máis identifican aos distintos países europeos, e con follas coa información máis relevante dos mesmos. 

Non deixedes de pasar a ver esta fantástica exposición que nos axuda a coñecer algo máis da Europa da que formamos parte e que completa un pouco máis o noso proxecto: ser "Fortes coma Carballos". 

A BICICLETA SOLIDARIA

Ola amiguiños e amiguiñas!!

Hoxe vimos a falar dun libro peculiar que leva por título BICICLETAS de Fleur Daugey e Karine Maincent. Este libro amosa a bicicleta coma un invento extraordinario! Un medio de transporte ecolóxico e revolucionario que liberou ás mulleres e substituiu ao coche en épocas de escasez de combustible. Buscádo pola biblioteca. 

Aproveito tamén para falarvos da Asociación Cultural Recycling. É unha asociación galega que loita pola igualdade de oportunidades dos nenos e nenas de comunidades africanas. Esta Asociación propúxose coma obxectivo axudar a mellorar as súas  condicións de vida mediante a recollida e transporte de diferentes tipos de materiais... Entre eles destaca a figura da bicicleta. Invitan a asociacións, escolas... a decorar unha bici para expoñer en distintos lugares, así aproveitan e dan a coñecer a súa iniciativa: Recoller bicis vellas que xa non usamos e despois do seu reacondicionamento envialas a estes países para darlles unha segunda vida.

Nós contribuímos coa iniciativa tuneando unha bici e facendo rodar con ela o noso proxecto "Fortes coma Carballos" embregando un Carballo coma elemento importante da decoración. Neste vídeo deixamo o proceso reflexado paso a paso.

8M Galegas na Ciencia

Ola amiguiños e amiguiñas!! Hoxe celebramos o "Día Internacional da Muller". Xa sabemos que cada aula a traballa de xeito distinto dependendo da idade e os intereses de cada un. Os nenos e nenas de 2º quixeron deixarnos unha proposta para chegarnos as "Galegas Científicas" tan pouco coñecidas por nós.

Tamén aproveitaron para contarnos o que saben do 8M e para falarnos de María Tarsy Carballas, xa que está relacionada co noso proxecto. Tarsy era edafóloga, é dicir, unha investigadora dos solos e buscaba a pronta recuperación destos despois dos incendios.

Ollade o que vos propoñen os vosos compañeiros e compañeiras de 2º

FORTES COMA CARBALLOS

Boas amiguiños e amiguiñas!! Chegou o momento agardado. Cun pouco de pintura de cor azul e madeira fixemos un recuncho ben bonito para seguir co proxecto. A nosa árbore, o noso carballo xa preside a entrada do cole. Chama a atención xa así, sen máis. Pero esta árbore asentou as raíces e chegou para quedarse. Servirá de expositor para os nenos e nenas e os seus traballos.

Agradecer a Ensé, artesán local, facer realidad o noso soño. É evidente que non hai que ir moi lonxe para atopar o que buscamos. Valoremos os servizos que a contorna nos ofrece.

ROSALÍA DE CASTRO, O CARBALLO COMA SÍMBOLO DE GALICIA

Ola amiguiños e amiguiñas!! Hoxe que celebramos o "Día de Rosalía" aproveitamos para falarvos dun bosque que fascinou á nosa poeta: O Bosque do Banquete de Conxo. Rosalía era unha amante dos bosques e xa en 1881 denunciaría corta incontrolada de carballos. Fíxoo nun poema titulado "Los robles", recollido no seu libro En las orillas del Sar, e na súa novela El primer loco, que ten coma escenario este bosque. Podemos dicir que a súa obra é hoxe unha das primeiras proclamas ecoloxistas e de defensa das árbores de toda España.

Neste bosque hai un Carballo que se está a facer moi famoso nas redes sociais por participar nun concurso con outras árbores famosas para converterse na Árbore Europea do Ano.

Nós sumámonos a esta inciativa e animamos ás familias a votar polo Carballo do Banquete de Conxo pola súa importacia histórica e pola súa simboloxía. Neste ano en que o noso proxecto leva o lema "Fortes coma árbores" sexamos "Fortes coma Carballos" e votemos polo Carballo do Banquete de Conxo.

Premede na imaxe para ampliar a información.

 

DÍA INTERNACIONAL DA NON VIOLENCIA E A PAZ

Ola amiguiños e amiguiñas!! Hoxe é 30 de xaneiro: "Día Internacional da non violencia e a PAZ" unha data agardada por todos nós. Símbolo de algo que está agromando na entrada do noso cole. Somos "Fortes coma árbores" e hoxe máis que nunca "Fortes coma Carballos".

Un carballo forte que une a todo o cole nunha follaxe de corazóns e desexos de unión, paz, ecoloxía, coidado do noso ambiente, empatía, solidaridade, colaboración...
Unhas pombas que levan a nosa mensaxe e fannos lembrar a importancia e o valor da xente e do que nos arrodea,...

Unha canción que nos une a todos e todas, aínda que separados no espazo unidos nunha soa voz...

Un símbolo de Paz que foi tecido entre todos. O noso traballo individual de aula pasou a ser unha representación conxunta, amosando ao mundo que a colaboración é o camiño para vencer á realidade que estamos a vivir.

 

Hoxe comeza un Día da PAZ que estará envolto en música e lecturas e que pouco a pouco, ao longo do ano irá dando paso a que este "Fortes coma Carballos" que está agromando na entrada do noso cole, siga megrando e aproveitando as fortalezas de cada un de nós, para converse nun "FORTES COMA AS ÁRBORES".

Calendario 2022

Ola amiguiños e amiquiñas!! Aquí deixo unha pequena sorpresa!! O noso calendario do 2022, que coma sempre está relacionado co noso proxecto.

Este ano que centramos a nosa atención nas árbores grazas ao proxecto "Fortes coma Carballos" decidimos dedicar cada mes a un froito! Grazas aos códigos QR podedes achegarvos a algunhas curiosidades dos amorodos, limóns, laranxas, uvas...

Queredes poder descargar o calendario? Aquí o deixamos para que llo regaledes a avoas, tías, primos, padriños,...

LEMOS EN PAZ

Ola amiguiños e amiguiñas!! Chega o Día da Paz e coma sempre preparámonos coas lecturas.

Cada ano temos unha selección de lecturas para "Ler en Paz" coa nosa aula de primaria e outras máis sinxelas que os compañeiros e compañeiras de 6º prepararon para infantil.

Son lecturas fermosas aínda que este ano como novidade están relacionadas, tamén, co noso PDI: Fortes coma Carballos.

En primaria propoñemos:

Paso a paso:

Un bosque en mí:

Unha longa viaxe:

El cielo de Afganistán:

Abajo los muros:

Para infantil propoñemos un Kamishibai de Wangari e o conto Nadarín:

ADORNAMOS O COLE

Ola amiguiños e amiguiñas!! Xa entramos no mes do Nadal e que mellor xeito de sentir esta época de festa que decorando o noso cole. Este ano, partindo do proxecto "Fortes coma Carballos" decidimos decorar o cole aproveitando ramiñas caídas, polas rotas,... e todo aquelo que atopamos cando imos de paseo polo monte... E, a verdade, que deixamos o cole ben fermoso. Este ano os adornos eram máis fermosos que os comprados. Ollade!!