CIRCUÍTOS EN 6º DE PRIMARIA

 Ola amiguiños e amiguiñas!! O curso rematou, pero aínda quedan cousiñas por amosarvos. O alumnado de 6º estivo na aula de Polos Creativos fedellando e aprendendo moitas cousas dos circuítos.

As sesións de Robótica en 5º de primaria

 Ola amguiños e amiguiñas!! Como ben sabedes dende a biblioteca promovemos actividades de todo tipo dirixidas a mellorar a lectura, escritura, expresión oral, creatividade, imaxinación,... Este ano dende Biblioteca Creativa e en colaboración con Polos Creativos e a titoría de 5º fixéronse moitas actividades interesantes e dirixidas a completar os traballos de aula. Queredes saber coma traballaron?

Fixenron probas con LEGOS:

Que ocorre cando lle metemos un motor a un LEGO?

Convertéronse en robots por un día para coñecer como funciona o pensamento computacional.

Desenvolveron a súa creatividade eco Kappla:

Crearon xogos de cartón e outros materiais para compartir con todo o cole:

Iniciáronse na programación co xogo “cody roby”

Deron os primeiros pasos de programación cos ordenadores grazas a blockly games:

Tocaron unha canción coas placas makey makey:

Empregaron o Boli 3D (Celebración do 8M)

Experimentaron co Robot matatalab:

E aprenderon moitas cousas de Rosalía de Castro cos Escornabots:

Obradoiro de costura con FÁTIMA a mamá de Sabela de 4º

Ola, amiguiños e amiguiñas!! O luns pasado os nenos e nenas de 4º tiveron a sorte de contar coa visita de Fátima, a nai de Sabela. Participaron nun obradoiro de costura no que coseron un "Xogo de Tres en Raia". Primeiro fixeron unha bolsiña na que bordaron a súa inicial e decoraron coma quixeron. Despois coseron a bolsa coa máquina de coser e recortaron as pezas do seu "Tres en raia". Pasárono xenial e vese que isto de coser non se lles da nada mal!!

"Nós tamén creamos" e Navega Caracol

 Ola, amiguiños e amiguiñas!! Se vos falo de "Nós tamén creamos".... Sabedes de que se trata?

Pois o Programa NÓS TAMÉN CREAMOS é un programa que ten por obxectivo fomentar o uso e a aprendizaxe do galega o través da creación audiovisual, concretamente mediante a realización de curtametraxes de animación coa técnica do STOP MOTION (empregando fotos para que semelle que as figuras, obxectos ou debuxos teñan movemento).

Este ano o alumnado de 2º e 5º de primaria participou neste programa facendo actividades moi distintas e divertidas dirixidas a dar vida ao conto Navega Caracol de Armando Quinteiro publicado en OQO.

Entre as actividades fixeron :

En segundo, aproveitando o Nadal, fixeron un  "Taumatropo de Nadal". Queredes saber que é, e como se fai? Ollade!!

En quinto xogan con obxectos e fotografía, hai algún grupo que escolle o propio corpo... e seguen a experimentar cambiando a velocidade do fotograma:

Xa para facer o conto foi 2º quen debuxou os personaxes:

E quinto fixo as gravacións de audio da man de Izan e entre todos fotografiaron os escenarios:

E este foi o resultado: NAVEGA CARACOL!

María e a gata Sandía

 Ola amiguiños e amiguiñas!! Hoxe Darling de 3º estivo na nosa emisora de Radio Garabullo para ler un conto escrito e inventado por ela. Quixo facer deste xeito un "Audiolibro" para que todos pequenos e grandes poidamos lelo e escoitalo. A ver se vos gusta!!

O gato Mel

Ola amiguiños e amiguiñas!! Hoxe Lía González de 3º estivo na nosa emisora de Radio Garabullo para ler un conto escrito e inventado por ela. Quixo facer deste xeito un "Audiolibro" para que todos pequenos e grandes poidamos lelo e escoitalo. A ver se vos gusta!!

XOGO VASO-PELOTA

 Ola amiguiños e amiguiñas!! Hoxe o alumnado de 2º ensinounos a facer un xoguete empregando produtos de refugallo. Toda infantil e 1º ciclo pasou pola biblioteca a facer o xoguete. Queredes saber como se fai e o divertido que é?

INSTRUMENTOS DA MEMORIA

 Ola amiguiños e amiguiñas!! O pasado luns o 2º e 3º ciclio de primaria contou cun obradoiro moi especial.

A Deputación de Pontevedra, con motivo da celebración das Letras Galegas 2025, dedicadas ás cantareiras e a poesía popular oral,  da man da Fundación Legar ofreceronnos representacións musicais didácticas dirixidas a promover o interese pola música de raíz. 

Ao longo de 2 horas dunha forma activa e participativa realizaron un percorrido pola historia da nosa música de raíz, dende os instrumentos primitivos ata os máis comúns hoxe en día.

LAMBECAZOLAS 2025: Tortitas de plátano

 Ola amiguiños e amiguiñas!! O curso non rematou, así que as actividades do Lembecazolas e as receitas saudables seguen a ser ben recibidas.

A pasada semana a mestra de 6º de infantil, Leticia, fixo unhas tortitas de plátano co seu fillo. Quedaron tan ricas que decidiu ensinarlle a súa clase a facelas e organizar así "Un fantástico e divertido venres de merenda".

Nós aproveitamos para ensinarvos as súas receitas e recomendar un par de libros de receitas que podedes atopar na biblioteca para ampliar as vosas merendas!!

Comezamos con Frutas divertidas de Iryna Stepanova. A creatividade e a froita unidas para facer ricas merendas.

Continuamos con Sin dientes y a bocados de Juan Llorca. Unha guía completa accesible e imprescindible; ideal para axudar a resolver dúbidas frecuentes sobre o paso da lactancia á alimentación complementaria regulada e dirixida polo propio bebé.

Outro podería ser Aventuras e desventuras dos alimentos ultraprocesados de Teresa Benéitez. Algunha vez tivéchedes curiosidade por saber de onde veñen todos os alimentos que aparecen na nosa mesa?

Seguro que estades agardando polas receitas. Aí van:

BIBLIO CREATIVA PARA MELLORAR

Ola amiguiños e amiguiñas!! Seguimos coas actividades de Biblio Creativa. Grazas a aplicacións coma CANVA e as posibilidades da Biblio Creativa estamos a mellorar a nosa cartelería. Que opinades? Vides a crear carteis á Biblioteca?

PANDERETEIRAS. LETRAS GALEGAS 2025

 Ola amiguiños e amiguiñas!! Un ano máis celebramos as "Letras Galegas" no cole. Este ano está dedicado á poesía popular oral, personificada en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandereteiras de Mens (Malpica). É unha representación colectiva que quere recoñecer a importancia da poesía popular oral, que acompaña a nosa sociedade desde sempre.

Nós quixemos recoller un pouco desa tradición oral nas nosas pandeiretas. Escaneando os códigos QR podedes ver como cada aula interpretou a súa cantiga ao seu xeito. Queredes velas?

Pasade polo cole e vide a escanear as nosas pandeiretas!!

Ao escanear os códigos da barras das panderetas podemos ver os vídeos que fixeron as aulas.

4º Infantil

5º  Infantil

6º  Infantil

1º Primaria

2º Primaria

3º Primaria

4º Primaria

5º Primaria

6º Primaria

A NOSA FACHADA

 Ola amiguiños e amiguiñas!! Un ano máis a "Fachada do cole" amanece celebrando as Letras Galegas e aos seus homenaxeados. Queredes ver como loce a nosa fachada? 

LETRAS GALEGAS 2025. Cartelería

 Ola amiguiños e amiguiñas!! Non deixedes de pasar pola entrada do cole para ver aprender cousiñas das homenaxeadas nestas Letras 2025. Este ano a cartelería destinada aos coles é Cantareiras: poesía populara oral, elaborado polo CEIP Celso Emilio Ferreiro, de Cerceda.

BIBLIOTECA CREATIVA CON Carlos Gallego

 Ola amiguiños e amiguiñas!! Este luns a maioría do alumnado de Primaria, tivo a sorte de contar coa visita de Carlos Gallego para facer un obradoiro de Collage.

Carlos Gallego é ilustrador e deseñador gráfico. Entre outras ocupacións ilustra libros de texto para distintos cursos de Educación Primaria e Secundaria; tamén libros de narrativa; proxectos publicitarios... 

Durante o obradoiro os compañeiros e compañeiras de primaria empregaron a técnica de collage como método para comprender e representar o mundo que nos rodea dunha maneira creativa. Mediante distintos exercicios foron descubrindo diferentes estratexias para converter sinxelos recortes de papel en todo tipo de elementos naturais e obxectos cotiáns.

COMO TRABALLAR COA PRENSA

Ola amiguiños e amiguiñas!! Coma ben sabedes, ao longo destes últimos días, xornais e revistas acompañánnos ao longo de toda a xornada. Ademais dos que habitualmente veñen ao cole contamos con outros distintos para facer actividades variadas.

Así puidemos investigar unha nova dende a perspectiva de distintos xornais.

Crear as nosas propias noticias partindo de unha idea ou dunha reflexión de aula.

Facer pequenos editoriais de aula contando o que está a pasar na escola.

Preparar programas de radio para a nosa emisora...

A clase de 5º de primaria decidiu facer a súa propia nova a partir dunha imaxe. Así traballaron por equipos!!

Por outra banda os nenos e nenas de 3º buscaron a información nun medio que xa casi queda esquecido... As revistas!!

Aquí podemos velos comentando as curiosidades que nelas atopan.

Como vedes xornais e revistas, radio e TV,... fan chegar a nós as novas que acontecen no mundo. Ademais de ser un material moi importante para completar as nosas aprendizaxes.

Lede xornais, escoitade a radio e vide a contarnos e comentarnos as vosas noticias.

AS ACTIVIDADES DO DÍA DE ROSALÍA

 Ola amiguiños e amiguiñas!! Xa sei que fai moito que celebramos o "Día de Rosalía". Foron moitas as actividades que programamos e que fomos facendo ben e con tempo. Ben sabemos que Rosalía non se celebra un día so. 

Para aprender moito de Rosalía o seu homenaxe cos mandadiños do Entroido traendo unha flor posta no seu honor. Aprendemos moito da súa faceta literaria e decidimos facer un recital, como xa vistedes nos vídeos do Día de Rosalía que xa publicamos.

Coñecer a Rosalía e achegarse á natureza. Tiña predilección por unhas frores que estudamos pintamos e tamén prantamos: os pensamentos. 

Ademais de traballar a súa vida e a súa obra con moitas propostas que fomos vendo neste Blog. Con todo o aprendido fomos á biblioteca a xogar cos escornabots. As preguntas eran adaptadas aos nosos niveis pero podo asegurarvos que poucos nenos coñecen mellor á nosa autora que vós.

SEMANA DA PRENSA 2025

 Ola amiguiños e amiguiñas!! Ao longo desta semana tivemos a Semana da Prensa. Coma cada ano mercamos xornais para aprender a importancia da Prensa escrita. Pero non debemos esquecer que non é a única forma de acceder ás novas que acontecen ao noso redor. A información pode chegar a través da Radio, dos xornais dixitais e de páxinas serias que dan a información obxectiva e contrastada.

Non deixedes de tentar facer as vosas novas e enviárnolas. Danos igual o medio a empregar e a nova a contar. Agardamos impacientes por saber todo o que podedes investigar e contar!!

OS MANDADIÑOS DO VENRES

Ola amiguiños e amiguiñas!! Xa chegou o venres!! Cada un co seu disfrace e o mandadiño de pasalo xenial!!!

INFANTIL:

1º Ciclo de Primaria:

2º Ciclo de Primaria:

3º Ciclo de Primaria:

OS MANDADIÑOS DO MÉRCORES

Ola amiguiños e amiguiñas!! Que guapos estades cumprindo os mandadiños. Hoxe tocaban colares, garabatas, bufandas,.... Algo de colgar!!

OS MANDADIÑOS DO MARTES

Ola amiguiños e amiguiñas!! Que guapos estades cumprindo os mandadiños. Hoxe tocaba de animaliños!!