DIGICRAFT

Ola amiguiños e amiguiñas! Hoxe chegou ao noso cole un agasallo de DigiCraft. Un agradecemento pola nosa participación neste proxecto que tanto gusta e que tanto nos engancha a todos e todas.

Grazas DigiCraft por este recoñecemento, por dotarnos de materiais didácticos e divertimos, cos que puidemos achegarnos ao mundo do videoxogo, da realidade aumentada, da intelixencia artifial e da robótica. Unha aprendizaxe moi motivante que doutro xeito nunca chegaría aos nosos nenos e nenas.

Agardamos poder continuar con esta iniciativa o vindeiro ano. Agora toca descansar e marchar para a casa con este doce agasallo. FELIZ VERÁN.

ATA SEMPRE 6º

Ola amiguiños e amiguiñas!! Hoxe achégome ata aquí para pechar este curso. Dende o Equipo da Biblioteca dicímosvos adeus e Felices Vacións a todos e todas.

Acabamos con certa tristura por ter a Biblioteca pechada e non poder despedirnos de vós coma nos gusta "Lendo porque nos peta".

Gustaríanos vervos un día máis xogando cos cubos de rubik, intercambiando opinións sobre as lecturas, debuxando ou facendo esas tarxetas de lettering que tanto vos gustan. Pero as obras e as inclemencias do tempo ofrécennos un imaxe máis melancólica dunha biblioteca anegada, desordenada, triste...

Aínda así de todo sacamos tallada e estamos seguros de que o vindeiro ano empezaremos con máis forza e ilusión, sedentos de lecturas e de novas vivencias neste recunchiño do cole, tan acolledor e familiar. Nesta nosa Biblioteca.

Non queríamos despedirnos sen antes felicitarvos a todos e todas pola paixón pola lectura e a ilusión e o sorriso coa que vides cada recreo.

Desexamos a todos e todas unhas felices vacacións e en especial ao alumnado de 6º: axudantes incondicionais da Biblioteca. Non esquezades que esta sempre será a vosa biblioteca e agardamos a vosa visita sempre. Sede felices e aprendede moito nesta nova andaina.

EN MAIO, PONTE... A XOGAR!

Ola amiguiños e amiguiñas!! En maio, Ponte... a xogar!! Esta foi unha proposta que chegou a Radio Garabullo de Ponte nas Ondas. Popón converter, durante o mes de maio os patios dos coles galegos e portugueses en grandes espazos de xogo no que , durante os tempos de lecer, se deixe ver a nosa cultura revivindo os xogos tradicionais. 

Como xa sabedes os nenos e nenas de 4º acolleron esta idea con moitas gañas e decidiron ir un pouco máis alá. Prepararon os xogos froito desta proposta e xogaron cos pequenos de 1º de Primaria que non coñecían ningún xogo dos propostos. 

O mellor de todo é que pouco a pouco todos fomos sumándonos ás propostas de 4º e o que máis e o que menos escolleu seguir o lema de PNO "En maio, Ponte... a xogar!!"

CONCURSO DE LOGOS NATURARTE

Ola amiguiños e amiguiñas!! Como ben sabedes o proxecto de investigacion "Naturarte" estivo acompañándonos todo o curso. Primeiro asomando nas distintas actividades para lanzarnos á investigación no 2º trimestre.

Foron moitas as cousas que fixemos baixo este lema e que hoxe pechamos, nesta data tan sinalado como é o 5 de xuño o "Día Mundial do Medio Ambiente".

A protección do Medio Ambiente implica a todos. O lema proclamado pola ONU é "Sin contaminación por plásticos" e seguindo este lema ao longo do ano traballamos a redución, reutilización e reciclaxe deste tipo de material. 

Ademais de colaborar con este tema participando na "Patrulla de Patios" encargada da limpeza do mesmo e a reciclaxe do lixo recollido, buscamos a utilización de materias da  natureza para crear arte e creamos recunchos bonitos. Todo dentro dun proxecto chamando Naturarte que hoxe damos por rematado.

Non podíamos dar peche a este proxecto sen escoller un logo para identificalo. Fixemos un concurso onde a vosa participación foi moi gratificante. Resultou duro escoller aos finalistas que foron : Uxía de 3º, Aloia, Nina e Lía Enriquez de 4º e Érika de 6º.

Todos os logos presentados foron fermosos e deixan ver o voso amor pola Natureza. Había que sinalar un gañador e por maioría gañou Aloia de 4º. 

Parabéns a todos e todas pola vosa participación.

NATURARTE 5º: Cestos con xornais e tintes naturais

Ola amiguiños e amiguiñas!! Hoxe toca presentar o proxecto de 5º. Como ben sabedes foron os encargados de formarnos e falarnos sobre o día 15 de marzo o "Día Mundial dos Dereitos do Consumidor". Unha data que deixou moi preocupados aos vosos compañeiros coa idea de reutilizar e reparar os produtos antes que tiralos e mercar outros novos.

Polo programa de Prensa Escola eran conscientes da cantidade de xornais que se tiraban. Buscando unha idea para colaborar co Proxecto Naturarte e aproveitalos decidiron xuntar a idea de reutilizar a prensa e facer cestos, que logo serían decorados con tintes naturais feitos con col, limón, remolacha... e unha gran variedade de materiais. E así xurdiu esta proposta que hoxe nos fan chegar. Ollade!!

NATURARTE Infantil: Escultura con Elementos Naturais

Ola amiguiños e amiguiñas!! Aquí estamos de novo para seguir falando de Naturarte un gran proxecto de investigación que ten cabida para todos. Nesta ocasión tocoulle a Infantil que crearon auténticas obras de arte con elementos naturais. 

Aproveitando os tempos de lecer foron recollendo todo tipo de materiais para as súas composicións: pedras, paus de madeira, follas, piñas, herbas,... todo o que os patios do cole ofrecían. Coma auténticos artistas foron mesturando os materiais e a súa creación e imaxinación e pega que pega foron saíndo un montón de fermosas obras que hoxe adornan a entrada do cole. Un aúténtico traballo de escultura, imaxinación e creatividade!!

NATURARTE 4º: Estampación en Arxila

Ola amiguiños e amiguiñas!! Seguimos presentando o resultado dos vosos traballos de investigación que unen a natureza e a arte. Hoxe tócanos falar do alumnado de 4º. Colaboraron con este proxecto converténdose en expertos artesáns, empregando como material de traballo, a arxila. Aproveitaron as múltiples posibilidades que ofrece este material para experimentar a técnica de estampado, con follas da nosa contorna, creando pezas únicas.

Os vosos compañeiros de 4º contáronnos que esta actividade resultou moi interesante para experimentar con diferentes combinacións de cores e formas fomentando a creatividade, a imaxinación e estimulación sensorial e o desenvolvemento de habilidades de coordinación. Unha posibilidade de aprendizaxe activa que serviu como espazo de relaxación e xestión emocional para todos e todas.

NATURARTE 6º: Pinturas, cunchas e sal

Ola amiguiños e amiguiñas!! Os compañeiros e compañeiras de 6º aproveitaron o proxecto de Naturarte para facer varias cousas e así nolo fixeron saber.

A parte dos proxectos comúns ó longo do curso, centráronse en tres actividades de xeito específico: a decoración de cunchas de vieira, o puntillismos na paisaxe e a decoración de sal con xiz. Dixéronnos que foi sorprendente descubrir a técnica de "decourage": existen auténticos artistas na decoración de cunchas que fan debuxos realistas. Interesante tamén foi ver a pintores como Van Gogh baseándose na técnica do puntillismo, e así o intentaron aplicar a unha paisaxe primaveral ao igual que o alumnado de 5º. Pero contan, que o que máis lles entretivo foi colorear o sal con xices e logo ver o resultado no bote de cristal. De paso aprenderon un pouco sobre a reciclaxe deste material, como se forma e tamén como se obtén a sal. Dan grazas á natureza  por ofrecernos tanto e así poder crear beleza.

NATURARTE 2º: Escultura

Ola amiguiños e amiguiñas!! Continuamos con as actividades levadas a cabo nas aulas como froito da investigación do proxecto Naturarte. Neste caso foi o alumnado de 2º.

A súa proposta partiu dunha necesidade de facer da natureza parte da súa obra. Que os materiais que a natureza aporta se convertisen en ferramentas non so de construción senón tamén de concienciación.

Os nenos e nenas de 2º empregaron arxila, pedras, paos e pétalos de rosa e camelias para facer as súas creacións.

Coma Andy Goldsworthy, escultor escocés, que fai a súa obra con materiais naturais coma follas, ramas, xeo, pedras ou neve; os nosos compañeiros e compañeiras de 2º puxeron a súa creatividade a funcionar e crearon cousiñas fermosas conscientes de que unha vez realizadas a luz do sol, o aire ou simplelmente o paso do tempo terminan devolvéndoas á terra.

Son obras agarimosas e fermosas as que fixeron, incluso algunha nai lanzouse a intentalo e enviounos unha fermosa bolboreta feita con pétalos de rosa.

O motivos para facer este tipo de obras que duran tan pouco é entender a Natureza e o cambio continuo ao que está sometida.

Obradoiros de HABILIDADES SOCIAIS e EMOCIÓNS!!

Ola amiguiños e amiguiñas!! Ao longo deste curso María Jesús, a mestra de PT, en colaboración coas titoras de 4º e 5º traballou habilidades sociais aplicadas a distintas situacións.

Traballando en pequenos grupos foron creando contos e cómics que implicaban a exposición e representación dos contos empregando imaxe, xestos,... Buscaban situacións de conflicto onde poder entender as emocións dos implicados e ao mesmo tempo pór en práctica as habilidades adquiridas durante os obradoiros.

Con esta actividade buscaban abrir un espazo para a comunicación, a reflexión e a actuación ante os distintos conflictos e situacións de desigualdade que se dan na nosa vida diaria.

Unha vez feitos os Obradoiros decidiron representar as súas creacións ao resto dos compañeiros do cole. En distintos momentos e durante a "Hora de Ler" foron pasando por todas as aulas. Queredes ver o seu traballo?

NATURARTE 1º: ESTAMPACIÓN

Ola amiguiños e amiguiñas!! Continúan saíndo actividades resultado do proxecto de investigación que propuxemos: Naturarte

Os nenos e nenas de 1º investigaron como podían facer debuxos coa froita e chegou a eles o concepto de ESTAMPACIÓN; é dicir o proceso de impresión en distintos materiais: telas, coiros ou papeis entre outros.

O alumnado de 1º escolleu a "Estampación" de elementos que tiñan ao seu redor e probaron con froitas, verduras, follas, flores,... impregnados en témpera, acuarela, pintura de mans, tinta... para ver cal quedaba mellor. Tamén probaron con moitos materiais variados entre eles pedras, foam e gomas...

Cos resultados da súa investigacion decidiron sorprender ao alumnado do CEIP Plurilingüe de Oca facéndolles un marcapáxinas como agasallo para conmemorar o "Día das Letras Galegas".

No vídeo podedes ver todo o proceso e o resultado. Os nenos e nenas de 1º anímanvos a probar esta técnica moi rápida e divertida.

RECUNCHO RIQUIÑO

Ola amiguiños e amiguiñas!! O "Recucho Riquiño" precisaba dunha entrada especial polo valor que ten para nós. Foi un proxecto que naceu, coma ben sabedes na aula de 3º e que abriu unha zona de desafogo e un espazo de conversa.

Cando os vosos compañeiros empezaron co proxecto pensaron en pintar un banco do patio. Pero ao investigar algo do Land Art para o proxecto de Naturarte decidiron facer unha pequena intervención no patio do cole. Inspiráronse en Ugo Rondinone, un artista que ten unha obra no Deserto de Mojave, ao sur das Vegas, denominada “Seven Magic Mountains” e trátase de sete torres de rocas de pedra caliza pintadas con cores fluorescentes. 

Así naceu o "Recuncho Riquiño", un grupo de tres pedras pintadas con cores suaves e debuxos, convertido nun lugar para relaxarse, desafogarse, charlar e divertirse. Aseguramos que funciona e que algún problemas do patio foron solucionados neste espazo.  Cando un neno ou nena senta nestas pedras alguén de 3º corre a axudalo ou semplemente a escoitar. Este é o noso Recuncho Riquiño.

Se picades na imaxe podedes ver a proposta de Ugo Rondinone:

NATURARTE 3º: FOTOS FERMOSAS

Ola amiguiños e amiguiñas!! Como ben sabedes andamos a voltas co proxecto Naturarte. Terceiro finalizou o trimestre presentándonos un proxecto moi interesante que está pensado para facer en familia.

Propóñennos saír a pasear pola contorna e aproveitar xuntos o tempo de lecer, un paseo pola natureza para observala e descubrir formas, cores, detalles pintorescos... e inmortalizar eses momentos nunha fermosa foto.

Así o fixeron eles. Cada un trouxo as súas fotos e crearon o seu propio "instagram" de aula. As comentaron e contaron a historia da súa foto. Queredes velas?

DÍA INTERNACIONAL CONTRA O ACOSO ESCOLAR

Ola amiguiños e amiguiñas!! Coma sabedes o pasado 2 de maio foi o "Día Internacional contra o Acoso Escolar".

Durante este mes a clase de terceiro estivo traballando sobre esta temática e buscando ideas para loitar todos xuntos contra o bullying.

Un gran proxecto foi transformar un espazo do cole nun lugar para relaxarse, desafogarse, charlar, divertirse... este é o recuncho riquiño! Entre todo o cole estaremos atentos a se algún compañeiro ou compañeira acode ao lugar e precisa axuda.

Obradoiro con Paola Guimeráns

Ola amiguiños e amiguiñas!! A pasada semana contamos coa visita de Paola Guimeráns que, grazas a Bibliotecas Creativas, estivo no noso centro fancendo obradoiros co alumnado de infantil, 2º e 3º de primaria.

En terceiro empezaron cosendo con fío condutor para crear distintos bonecos, personaxes de historias inventadas. En segundo empregando scratch para programar e en infantil crearon contos coas placas makey makey e con plastilina condutora. Os máis pequenos achegáronse ao mundo da arte. 

No seguinte vídeo podedes ver un pequeno resumo do que aprendemos e vivimos.

FESTIVAL LETRAS GALEGAS 2023

Ola amiguiños e amiguiñas!! O pasado 19 de maio celebramos o "Festival das Letras Galegas". Escollemos A cantiga tradicional coma tema para homenaxear a Francisco Fernández del Riego tendo en conta o moito que lle gustaban.

Pero gardamos unha pequena sorpresa para comezar o Festival.  O alumnado de 4º fixo unha representación de "Garabullando" . A modo de "Concurso Radiofónico" foron interpretando unha situación moi divertida de xogo onde dous equipos concursaban para gañar o máximo número de Garabullos, amosando todo o seu coñecemento sobre as Letras Galegas e o seu homenaxeado.

E despois deste programa tan instructivo, divertido e cheo de curiosidades chegou o momento das Cantigas Tradicionais... Pero non só sabedes cantar!! Tamén bailades e tocades. Aceptades calquera reto. Sodes marabillosos!! Queredes ver coma o fixechedes? Aí van o vídeos:

INFANTIL:

1º de Primaria:

2º de Primaria:

3º de Primaria:

5º de Primaria:

6º de Primaria:

CONCURSO FRANCISCO FERNÁNDEZ DEL RIEGO

Ola amiguiños e amiguiñas!! Un ano máis celebramos a Semana das Letras Galegas con actividades na aula aprendendo cousas sobre Francisco Fernádez del Riego e celebrando a nosa "Festa das Letras" cun pequeno festival.

Os compañeiros e compañeiras de 4º empezaron facendo un pequeno podcast sobre a figura de Francisco Fernández del Riego. A través dun concurso de preguntas e respostas foron achegándonos moita información deste grande personaxe ao que este ano lle dedicamos as Letras Galegas. Con este podcast participaron no "V concurso de podcasts-Radio na biblio" e aínda que non gañaron estamos moi satisfeitos e orgullosos deste traballo. Aquí deixamos o concurso que gravaron na Radio para que escoitedes e aprendades moito de Francisco Fernández del Riego.

Obradoiro de Radio para 4º con Cristina Collazo

Ola amiguiños e amiguiñas!! Como ben sabedes a radio esixe de determinadas habilidades físicas, emocionais, mentais... Non somos capaces de velo ata que poñemos os cascos e queremos gravar un podcast.

Ao longo de varias sesións os vosos compañeiros e compañeiras de 4º tiveron a sorte de participar nun "Obradoiro de Radio" da man de Cristina Collazo. Ensinoulles a importancia de coidar e quentar a voz, de preparar o corpo e de estar fisicamente ben preparados para empezar a gravar. Pero tamén amosoulles a importancia da respiración e de modular a voz, de ser rápidos mentalmente, de ser activos, de coñecer as emocións e ser quen de amosalas en distintas situacións, o valor da creatividade e da improvisación. 

Foron sesións moi divertidas e nas que aprenderon moitísimo. Queredes ver o ben que o pasaron? Ollade!!

FEGADACE con 1º e 2º de PRIMARIA

Ola amiguiños e amiguiñas!! O pasado mércores os nenos e nenas de 1º e 2º tiveron unha charla moi interesante. FEGADACE A Federación Galega de Dano Cerebral. Esta asociación persegue a defensa dos intereses e a mellora da calidade de vida dos galegos e galegas con dano cerebral adquirido e dos seus familiares. 

Grazas a Andrea que nos trouxo o conto dos Bolechas : "Mireia conta que é o dano cerebral adquirido", os nenos e nenas de 1º e 2º de primaria foron aprendendo cousas máis que interesantes sobre este tema. Xa tedes o conto na biblioteca para revisar e ver as cousas tan interesantes que os vosos compañeiros aprenderon. 

NATUREZA

Ola amiguiños e amiguiñas!! Natureza é un poema de Gloria Fuertes que escolleron Cova, Antía, Gaia e Mariña de 3º para levar á radio.

Para Radio Garabullo vai a ser o poema de referencia e orgullo xa que as vosas compañeiras aproveitaron os recreos para facer a escaleta nos ordenadores da biblioteca; e despois foron soas á  radio a facer o programa para todos.

Tamén queremos destacar que estamos a falar dun poema moi fermoso que  está moi unido ao noso proxecto da Biblioteca "NATURARTE".  Unimos a arte de recitar coa temática do proxecto e temos o recitado que as vosas compañeiras fixeron de Naturaleza.

A PRIMAVERA DAS LETRAS. LETRAS GALEGAS 2023

 Ola amiguiños e amiguiñas!! Un ano máis achégase o "Día das Letras Galegas" e se queredes aprender moitas cousas máis sobre Francisco Fernández del Riego podedes achegarvos a páxina creada pola Real Academia Galega para nós os nenos. "A primavera das letras"

Se queredes saber o que contan do noso homenaxeado premede na imaxe:

ACTIVIDADES LETRAS GALEGAS 2023

Ola amiguiños e amiguiñas!! Xa estamos en maio e na rede paseniño, paseniño están a colgar actividades relacionadas coas Letras Galegas. Este ano están dedicadas a Francisco Fernández del Riego, un dos impulsores desta festa das nosas letras.

Dende o Seminario Galán sempre se fan propostas moi divertidas e didácticas para aprender cousas moi interesantes dos homenaxeados, para facilitarvos a busca das actividades aquí deixamos algunhas colgadas. Agardo que xoguedes moito e aprendades máis (premede nas imaxes).

Para comezar o Vídeo da vida e obra de don Francisco e despois actividades de Genially. Grazas Seminario Galán!!

Para Educación Infantil: 

A súa Biografía:

 A Ruleta de Francisco Fernández del Riego:

 O Rodicio:

Que sabes de Francisco?

Xogo da Memoria:

Canto coñeces á persoa:

Desde o vello cabo do mundo:

O xogo do detective:

A Expo de Don Paco:

Pontedeume:

DÍA MUNDIAL DA SAÚDE

Ola amiguiños e amiguiñas!! Como ben sabedes o pasado 7 de abril celebrouse o "Día Mundial da Saúde" un tema que tiñan que preparar os nenos e nenas de 1º para contarvos a vós cousas moi interesantes de saúde. Pero coma aínda son pequeniños pediron axuda a unha nai que é enfermeira.

O pasado venres tivemos a sorte de contar con Raquel (mamá de Hugo de 1º) e a súa amiga Silvia que son enfermeiras.  Contáronnos moitas cousas dende como curar unha ferida, como temos que cargar a mochila ou como sentarnos. Ademais ensináronnos a escoitar o noso corazón, a facer unha RCP básica ou a "Maniobra de Heimlich" para cando atragantamos, pasando por aprender a posición lateral de seguridade... Foi unha xornada marabillosa onde todos e todas aprendemos algo e se o dubidades... Ollade!!

LIBROS QUE ALIMENTAN

Ola amiguiños e amiguiñas!! Xa estivemos falando das actividades do "Día do Libro". De todas as que fixemos, unha das que máis nos gustou foi a de "Libros que alimentan". Cambiar libros froito do expurgo por alimentos non perecederos.  

Fixemos unha boa colleita!! Sodes moi bos lectores e moi xenerosos, xa que estes alimentos foron entregados ao Concello para axudar ás familias que o precisaran. Unha vez máis sacamos os LIBROS da biblioteca para darlles novos valores de empatía, solidariedade, respecto, ilusión,...

APADRIÑAMENTOS LECTORES

Ola amiguiños e amiguiñas!! Atrás queda a "Semana do Libro" que coma, cabe esperar, enche de actividade as bibliotecas: Recomendacións lectoras, libros que alimentan, booktubers,... Todas elas encamiñadas a fomentar o gusto e o hábito de ler.

Neste cole traballamos o "Día do Libro" cada día. Gústanos ler, xogar e crear na biblioteca. Neste espazo compartimos moito de nós con outros compañeiros e compañeiras. Cando chega a Semana do Libro facermos algo máis. Sacamos os LIBROS da biblioteca. Aprendemos que as lecturas que son importantes para nós tamén o son para os nosos compañeiros e compañeiras. Aprendemos que os libros poden chegar a alimentar e encher os pratos dalgunha casa que o precise.

Tamén gustamos de compartir momentos de lecer e lectura, e poder volver a facer os "Apadriñamentos lectores" coma faciamos antes da pandemia. Fíxonos moita ilusión volver a encher o patio do recreo de lecturas compartidas entre maiores e pequenos. É unha actividade que sempre nos gustou e voltou para quedar para seguir perdurando no tempo... Unidos pola lectura e lendo porque nos peta.

Booktubers de 5º: "Un cruceiro moi pendenciero"

Ola amiguiños e amiguiñas!! Xa temos unha nova recomendación dos Booktubers de 5º. Nesta ocasión son Fabiana, Sebastián, María e Diego os que se achegaron a nosa emisora para recomendarnos un novo libro: "Un cruceiro moi pendenciero", un dos libros da colección das Aventuras dos Simpson. Un libro moi divertido e seguro que con moitos enredos. Escoitade o que os nosos compañeiros nos contan.

RECOMENDACIÓNS LECTORAS

Ola amiguiños e amiguiñas!! O mes de abril é un mes de celebración da lectura. Aínda que para nós a lectura está presente todo o ano, o 23 de abril convértese nunha data especial, sucédense celabracións en todo o mundo para dar a coñecer o poder máxico dos libros. A través dos libros aprendemos e podemos viaxar a outros mundos e lugares, transportarnos ao pasado e ao futuro e vivir outras vidas a través dos distintos personaxes.

Nas escolas preparamos actividades encamiñadas a fomentar a lectura e nós tamén. Que mellor xeito de animar a alguén a ler que recomendarlle un conto? Ao longo da pasada semana os recreos da biblioteca estiveron visitados por moitos nenos e nenas que quixeron recomendar aqueles contos que máis lles gustaron, os que máis lles ensinaron ou os que máis lles emocionaron. Contos importantes para eles e por que non para nós?

Libros recomendados por 1º:

Libros recomendados por 2º:

Libros recomendados por 3º:

Libros recomendados por 4º:

Booktubers de 5º: "Futbolísimos"

Ola amiguiños e amiguiñas!! Xa temos unha nova recomendación dos Booktubers de 5º. Nesta ocasión son Manuel, Patricia e Eloi os que se achegaron a nosa emisora para recomendarnos un novo libro: Os Futbolísimos. O Misterio dos árbitros dormidos. Un libro moi entretido e intrigante. Escoitade o que os nosos compañeiros nos contan.

OS CREBACABEZAS

Ola amiguiños e amiguiñas!! Unha vez máis os nenos e nenas de 3º buscaron un novo tema para investigar e traer ata nós as súas achegas. Nesta ocasión aproveitaron a gran aceptación que tiveron os cubos de Rubik para falarnos dos "crebacabezas".

Queredes descubrir todo o que averiguaron?

Escoitade o podcast resumo de todo o que aprenderon!!

DÍA DAS ARTES GALEGAS

Ola amiguiños e amiguiñas!! Mañá lle daremos a benvida ó terceiro trimestre cunha nova conmemoración no noso colexio: o Día das Artes Galegas. A clase que o fixo posible foi a de sexto. Que pouco lles queda a estes nenos para acabar a primaria...

Todos eles, convertidos nuns auténticos periodistas de investigación, levaron a cabo un mural e unha reportaxe. Anúnciannos todo Bruno e Samuel na nosa radio. Desfrutade e aprendede do vídeo!

O ALUMNADO DE 4º ENTREVISTA ÁS COCIÑEIRAS

Ola amiguiños e amiguiñas!! O pasado mes de marzo celebramos a Semana da Prensa. Analizamos os xornais. Observamos a importancia das noticias e das súas partes, os distintos tipos de noticias e as distintas seccións dun periódico e con todo o aprendido fomos refacendo ou creando novas adaptadas a nosa realidade.

O alumnado de 4º foi un pouco máis alá. Centráronse na entrevista e todo o que rodea esta parte do periodismo para todos xuntos poder facer unha que levantara o interese do cole.

Tiñan que achegarse a alguén que todos os nenos e nenas do cole coñeceran. Alguén moi importante que espertara a curiosidade non só dos reporteiros senón tamén da comunidade educativa.

O resultado do seu traballo foi unha entrevista a Susana e Mari, as nosas cociñeiras. Unha entrevista moi interesante que non podedes deixar de escoitar!!

PACO NOGUEIRAS visita a Biblioteca

Ola amiguiños e amiguiñas!! O pasado luns 27 de abril tivemos a sorte de contar coa visita de Paco Nogueiras. Paco Nogueiras é un músico convertido a actor e un actor convertido en músico. Nestes momentos desempeña a súa actividade cos espectáculos “Brinca Vai!”, “Radio Bulebule”  e “Extra!” baseados nos libros editados coa Editorial Kalandraka. Ao mesmo tempo compaxina esta actividade co labor de contacontos na Campaña de Animación á Lectura que realiza Kalandraka, e grazas a  iso tivemos a sorte de podelo escoitar nós na nosa biblioteca.

Entrou na biblioteca cos seus instrumentos e trouxonos un montón de contos fermosos, emocionantes e divertidos. Ollade que ben o pasaron os pequenos de infantil, 1º e 2º. Ollade!!

AS REPORTEIRAS DE GARABULLO e o coro Vales Mahía

Ola amiguiños e amiguiñas!! O pasado sábado 18 de marzo as nosas reporteiras Irene de 5º e Uxía e Xulia de 6º participaron no "Concerto do décimo aniversario do Coro Vales Mahía".

Quixeron achegarnos un pouco do que alí viviron e animarnos a asistir ao seguinte evento que será o 8 de marzo no Autitorio Manuel do Pazo con motivo da Gala da Empanada.

Booktubers de 5º "Policán"

Ola amiguiños e amiguiñas!! Xa temos unha nova recomendación dos Booktubers de 5º. Nesta ocasión son Antía, Aitor e Raúl os que se achegaron a nosa emisora para recomendarnos un novo libro. Neste caso en formato cómic: Policán. Queredes sabe de que vai? Pois escoitade aos nosos compañeiros e compañeiras de 5º

DÍA MUNDIAL DOS DEREITOS DO CONSUMIDOR CON 5º

Ola amiguiños e amiguiñas!! O pasado 15 de marzo celebramos no cole o "Día Mundial dos Dereitos do Consumidor". É unha data encamiñada a recoñecer e defender os dereitos do consumidor.

O alumnado de 5º achegouse a todas as aulas para invitarnos a conmemorar esta data dun xeito máis responsable. Falounos do consumo responsable dirixido a adquisición de produtos sostibles e necesarios. Un consumo solidario que xenere menos residuos e respecte o medio ambiente.

A través de distintas actividades baseadas na reciclaxe, reutilización de produtos e coidado do medio ambiente foron facendo obradoiros moi interesantes e moi divertidos.

Aprendemos moitas cousas coma que debemos evitar as compras por impulso, coidar os nosos xoguetes e roupas para que duren máis, procurar reparar o que rompe, comprar produtos locais,... En definitiva invitáronnos a fomentar o consumo responsable e a reutilización de materiais e produtos dirixindo as nosas actuacións ao coidado do medio natural. A deixar un mundo mellor.

Ollade o que co alumnado de 5º fixemos!!

SEMANA DA PRENSA

 Ola amiguiños e amiguiñas! A pasada semana celebramos a Semana da Prensa.

Cada día chegaban ao cole varios xornais cos que estivemos a traballar. Tanto o periódico e as súas seccións en xeral coma as noticias e as súas partes máis en particular.

Como a Semana da Prensa coincidiu co 8M "Día Internacional da Muller" decidimos resaltar, criticar, valorar ou refacer noticias que levaran coma protagonistas as mulleres.

Outro tema proposto para a elaboración das novas foi o Coidado do Medio para apoiar o proxecto do cole deste ano "NATURARTE".

Cos vosos traballos creamos un periódico do cole "As novas de Garabullo". Queredes lelo?

Grey Newspaper Simple Announcement Press Release Document de Margarita Faílde Porto

Escribir a Biblioteca con 2º polo "DÍA INTERNACIONAL DA MULLER"

Ola amiguiños e amiguiñas!! Como ben sabedes 2º escolleu o 8M "Día Internacional da Muller" para aprender con nós o que esta data simboliza. Despois da interpretación de Maruxa , deixáronnos unha sorpresa na Biblioteca.

En nome de todo o alumnado do cole, e en honor a todas as MULLERES que loitaron e loitan pola IGUALDADE, achegáronse á BIBLIOTECA para, dun xeito simbólico, "deixar voando" as palabras ESCRITAS que simbolizan os logros dos nosos antepasados, e a nosa promesa de continuar con este cambio.

Escolleron a Biblioteca coma lugar simbólico de aprendizaxe e, a realidade aumentada para apoiar a proposta da ONU para a celebración do 8M que leva por lema: Por un mundo dixital inclusivo: innovación e tecnoloxía para a igualdade de xénero

DÍA INTERNACIONAL DA MULLER! Maruxa

Ola amiguiños e amiguiñas!! Esta semana celebramos o "Día Internacional da Muller". Cada aula traballa esta conmemoración de distintos xeitos: A través da investigación, do conto, da prensa, da creación...

O alumnado de 2º decidiu escoller esta data para compartir con nós o que aprenderon do 8 M. A través da interpretación de Maruxa buscan axudarnos a visualizar unha situación que era moi habitual antigamente e que empeza a cambiar grazas a loita das mulleres do noso pasado e presente pola igualdade.

Maruxa é un conto escrito por Eva Mejuto. Neste conto Maruxa decide dar unha lección ao seu marido. Astuta, e cunha gran habilidade no manexo da retranca, logrará que Pepiño tome consciencia de que o traballo da casa está mal repartido e consegue que cambie de actitude.

OBRADOIRO DE LETTERING

 Ola amiguiiños e amiguiñas! Sabedes o que é o "lettering". O letering é a arte de debuxar as letras. Empregando os vosos rotuladores ou incluso con lapis e goma, podedes aprender as técnicas básicas de lettering para poder "Escibir a palabra".

Tamén, aproveitando que estamos na semana do 8 de marzo, animámosvos a facer un pequeno deseño dunha tarxeta, marcapáxinas.... para agasallar a UNHA MULLER IMPORTANTE  para vós.

Cando teñamos todos os vosos traballos iremos colgándoos aquí neste blog para que chegue a todas as mulleres importante do mundo. Porque a Biblioteca sabe crear, debuxar, ler e escribir a palabra.

DÍA DE ROSALÍA

Ola amiguiños e amiguiñas!! O pasado xoves 23 de febreiro foi o "Día de Rosalía". Xuntos celebramos o nacemento dunha muller que loitou pola súa terra, pola súa lingua e pola súa condición de muller que amaba escribir.

Un dos seus temas favoritos era a Natureza da que era defensora. A súa planta favorita os pensamentos e a súa árbore o roble.

Nós tamén quixemos rendirlle o seu merecido homenaxe. Limos os seus poemas e creamos distintas composicións para entre todos facer nacer a Flor de Rosalía que loce na entrada do cole.

O día 23 estivo cheo de actividades dende ver un vídeo da Biografía de Rosalía de Castro (picade no enlace para voltar a velo), facer chapas propias decoradas por vós e con a palabra que máis vos achegaba a Rosalía. Tamén fixemos a visita virtual á casa de Rosalía de Castro situada en Padrón e rematamos a xornada plantando pensamentos, a flor preferida da nosa autora homenaxeada, que agora locen nas fiestras da biblioteca.

Un fermoso día moi especial recollido neste vídeo:

MÁSCARAS NATURARTE

Ola amiguiños e amiguiñas!! A natureza está presente en todo o que nos rodea e a nosa labor é coidala, respectala e valorala. A natureza é vida e a súa esencia está presente en todo. Este ano dedicamos o proxecto da biblioteca a combinar Natureza e Arte. Estamos aprendendo que dunha pedra temos un símbolo de paz, dun pau ou dunha tora dun tronco un adorno para Nadal, de papeis vellos corazóns de amizade....

Seguindo esta idea decidimos facer os nosos antefaces para o Entroido aproveitando o que imos encontrando no patio, nos camiños ou de camiño ao lixo. A verdade que fixemos antefaces ben bonitos e para mostra este resumo!!

OS CACHARELOS

Ola amiguiños e amiguiñas!! O pasado mércores 15 de febreiro contamos coa visita de dous cacharelos. Tapando a cabeza unha careta que lembra a obra "O Mascarón de Laxeiro", o traxe cheo de cintas de cores amarelas, laranxas e vermellas que lembran as lapas das lumieiras de San Xoan, na cintura catro ou cinco chocas que marcan o paso do Cacharelo e dan ese aire de festa, sorpresa e medo. Correndo co seu son acompasado e na man un toxo "Os Cacharelos de Lalín" chegan ao patio chamando a atención de maiores e pequenos. Pouco a pouco os nosos cacharelos paran o seu xogo para dar a coñecer o seu pequeno Entroido. Un Entroido de barrio que está a nacer e que pouco a pouco está a gañar gran recoñecemento na vila e na comarca.

Despois dunha mañá de carreiros e xogos cos cacharelo
s tivemos a sorte de poder facerller unha pequena entrevista. Escoitade!!

E se queredes... Aquí podedes ver que ben o pasamos...

OS DISFRACES DO ENTROIDO

Ola amiguiños e amiguiñas!!! Chegou o Entroido cargado de risas, de emoción e de gañas de pasalo ben. Todos disfrazados e cada un ao seu xeito. Uns  máis inxeniosos, outros máis divertidos e outros máis tradicionais. Pero todos disfrazados e con gañas de pasalo moi ben e de comezar a festa e a parranda. Queredes lembrar o guapos que íbades todos? Ollade!!

ALTO DOS XENERAIS INFANTIL 2023

Ola amiguiños e amiguiñas!! Un ano máis tivemos a sorte de poder ser os primeiros en disfrutar do Alto dos Xenerais Infantil. Dende hai moitos anos, o noso querido José, creaba as arengas co alumnado do cole e os preparaba para o Alto Infantil. 

Este ano cambiou un pouco, pero o traballo foi o mesmo. José apoiando á organización do Entroido de Bandeira formou, un ano máis aos nenos e nenas do Alto. Coa gracia que os caracteriza e os conselliños que el sabe dar, foron compoñendo as súas arengas para darlle vida ao "Alto dos Xenerais Infantil". Un espectáculo emocionante e divertido que nos encanta ver cada ano.

Grazas a todos e a todas as que fixechedes posible este momento!!

OS MANDADIÑOS DE GARABULLO do xoves

Ola amiguiños e amiguiñas!! 

Xa toca mandar 

o xoves está a chegar 

e o mandadiño hai que acatar

Cunha gravata

ou unha bufanda

tapa a garganta

para saír de parranda.