El sueño de Lu Shzu

      Como xa sabedes este é o conto co que colaboramos no BUBISHER. Tamén o mercamos para a nosa Biblioteca. Sería bonito que viñerades a ler este conto e poder pensar que nalgún lugar do Sahara haberá un neno ou unha nena ou incluso un papá ou unha mamá lendo o conto ao mesmo tempo ca nós. Dalgún xeito conectaremos todos a través dun mesmo conto.

Este conto fala de Lu Szhu unha nena dagonmei que traballaba nunha fábrica de xoguetes. Antes, cos seus dediños montaba pezas pequenas para as bonecas. Co tempo, medrou e levárona a unha mesa a empaquetar. Cando a pequena viu aquelas bonecas enteiras, tan bonitas, con aqueles vestidos de cores... entón quixo ter unha! e....
Se queredes saber o que pasou... xa sabedes! o conto espéravos na Biblioteca, como todos, desexando ser ollado, tocado,  gozado... por todos os nenos e nenas do cole.

BUBISHER

En saharaui BUBISHER significa paxaro de boa sorte. Bubisher é tamén o nome dun autobús-biblioteca que circula entre os campamentos do Sahara para acercarlles o mundo da lectura, dos contos, da información... a nenos, nenas e maiores. É o que nós chamamos unha Biblioteca con rodas.
As Bibliotecas de moitos centros educativos colaboran co BUBISHER enviando algún conto. A nosa biblioteca regaloulle o conto El sueño de Lu Shzu.

Con iso enviamos tamén a nosa ilusión aos rapaces e rapazas saharauís para que coñezan o marabilloso mundo la lectura.

Se queredes saber algo máis do BUBISHER mirade este video explicativo. É moi interesante e axudaranos a entender a labor tan bonita de tantos voluntarios e voluntarias que queren levar a lectura, neste caso, aos campamentos de refuxiados do Sahara.

UN LIBRO POLO NADAL

Ola nenos e nenas!!! Un ano máis chega o Nadal. Ven un tempo frío... Apetece quedar na casa quentiños e cun chocolate... Estamos xa tumbados no sofá e... Que facemos? LER. Siiii ler!!!
Aquí deixo unhas recomendacións de lectura para todas as idades. Libros de todo tipo. Libros que nos van a levar a vivir historias preciosas. Lede os libros e contádeme á volta das vacacións que vos pareceron, se foron divertidos ou cal vos trouxeron os Reis. Agárdovos na Biblioteca para saber das vosas experiencias.

BO NADAL  FELIZ LECTURA A TODOS !!!

Os MEDOS do SAMAÍN

Tendo en conta a proposta feita por GARABULLO dos MEDOS, amosamos o seguinte vídeo. É unha resume de todos os medos que foron recollidos no MURAL DO SAMAÍN.
Agardo que vos guste

ME MUERO DE RISA

Me muero de Risa así é o título do conto que inventaron os nenos e nenas de 1º para aportar algo ao SAMAÍN. Agardamos que vos guste moito. Nós pasamolo en grande escribindo este pequeno conto e dándolle unha visión máis graciosa aos contos de medo.

Open publication - Free publishing - More divertida

Este conto foi inventado tendo como referencia o conto que tedes na Biblioteca

Contos de Medo

Tomando como referencia a historia de "Marcelino Pardo", pertencente ao libro Os outros feirantes de Álvaro Cunqueiro, algúns nenos e nenas de 6º escribiron uns contos. En todos eles aparece un ou máis personaxes fantásticos, "estraños" o que por outra banda fai que sexan unha interesante lectura de SAMAÍN
Agardamos un fantástico e divertido intre de lectura.

Open publication - Free publishing - More contos

Rimas e Lendas

Os nenos e as nenas de 5º deixan aquí recollidas unhas rimas e lendas do SAMAÍN.
Un simpático esqueleto volas vai amosando!
Son moi divertidas!

Open publication - Free publishing - More contos

ONDE VIVEN OS MONSTRUOS

Ola somos os rapaces de primeiro. Garabullo prestounos este conto medorento..... É un conto chulísimo e ARREPIAAANNNTTEEE:
Onde viven os monstruos
Escrito por Maurice Sendak.
Para todos os que estedes interesados o conto é precioso e para os que non o podades atopar deixámosvos un enlace
Agardamos que vos guste!!!!

E ti de que tés medo?

Chegou o Samaín!!! Coma sempre Garabullo anda a argallar cousiñas para facer divertida a Biblioteca. Despois de buscar entre os libros proponvos unha chea de contos de medo....
Son medorentos!! Terroríficos!! Arrepiantes!!! e moi, moi.... DIVERTIDOS.
Esperamos que vos gusten!
Por certo, non esquezades deixar o voso papeliño contándolle a Garabullo os vosos medos!!!

Feliz Samaín!!!! Feliz lectura medorenta!!!!

LIBERA UN POEMA

Algúns dos nosos libros de poesía

No mes de maio, como en anos anteriores, adicaremos unha semana ao recitado de poemas en lingua galega. Todos os días, ao entrar no centro, os nenos e nenas de cada nivel recitarán os seus versos.