AXUDANTES DA BIBLIOTECA na Semana do Libro

 Ola amiguiños e amiguiñas!! A pasada semana celebramos a "Semana do Libro" e os nenos e nenas de 6º amósannos algunhas das actividades que están a facer.

APADRIÑAMENTOS LECTORES (Día do Libro 2025)

Ola amiguiños e amiguiñas!! Esta semana celebramo o "Dïa do Libro" e coma cada ano fixemos unha das actividades que máis nos gusta a todos: Os "Apadriñamentos Lectores". Grandes e pequenos compartimos lecturas no patio. Encántamo o marmurio que se escoita cando estades todos contando os vosos contos aos vosos compañeiros e compañeiras.

E OS LIBROS ALIMENTAN...

Ola amiguiños e amiguiñas!! Despois dunha semana de libros e intercambios solidarios de contos por alimentos non perecedeiros, conseguimos unha boa cantidade de alimentos, que foron doados á concelleira de Benestar Ánxela Troitiño. Así foi recollido nos xornais deste venres e así de guapos saídes. Picade na foto se queredes ler a nova.

FARO DE VIGO

LA VOZ DE GALICIA

APADRIÑAMENTOS LECTORES

 Ola amiguiños e amiguiñas!! Como cada ano celebramos o "Día do Libro" con Apadriñamentos Lectores. Lecturas que pequenos e non tan pequenos compartides lecturas e momentos de imaxinación, lectura e aventura.

É un ratiño moi especial para todos e así o demostrades. Ollade!!

LECTURA E FAMILIA con Mariela

 Ola amiguiños e amiguiñas!! O mércores 24, os nenos e nenas de infantil celebraron a Semana do Libro con Mariela, a nai de Martina Blanco. Achegous a nosa biblioteca a contarlles un conto moi divertido e moi bonito: Por catro esquiniñas de nada. A verdade que estivo moi entretido e o pasamos moi ben. Queredes escoitalo?

As Recomendacións Lectoras da Semana do Libro 2024

Ola amiguiños e amiguiñas!! Acabamos de rematar a Semana do Libro e que mellor xeito que facendo recomendacións lectoras. Ao longo da semana moitos dos vosos compañeiros e compañeiras pasaron pola biblioteca durante os recreos para falar das súas lecturas favoritas. En tres pequenos vídeos poderedes ver recomendacións de todo tipo. Dádelle ao "play" e gozade con estes consellos.

AGASALLOS MARABILLOSOS

Ola amiguiños e amiguiñas!! A pasada semana tivemos a sorte de compartir unha tarde con catro persoas moi semellantes e moi distintas. Xosé Luna mestre, poeta, narrador, dramaturgo, ensaista, editor,... Con Charo Golmar mestra e poeta, con Luchi ilustradora de contos de nenos e adultos e con Manoele de Felisa que coa súa guitarra dalle vida aos poemas e ilustracións  dos nosos artistas. 

Viñeror a contarnos o fermoso de ler, de compoñer e de crear. De ser quen de debuxar os sentimentos e as emocións a través da palabra, da imaxe, do ritmo,... 

Afúfaros foi a palabra coa que nos agasallaron. Unha palabra que ten que acompañarnos ao longo da nosa vida, e que implica sentimento de alegría, sensación de risa, capacidade de ser e de crear. Unha palabra que so pertence aos nenos e nenas do CEIP Ramón de Valenzuela e que será o noso amuleto para acadar os nosos soños.

Pero os seus petos aínda gardaban máis sorpresas:

Xosé Luna recitounos e fíxonos chegar este poema para os "pereiriños" do CEIP Ramón de Valenzuela e todos os que formamos parte desta escola. 

Charo Golmar tamén tivo unha sorpresa para nós. Ademáis de compartirnos os seus "Nobelos de Luz" agasallounos cun poema composto, escrito e dedicado a todos nós. A todos e todas as que formamos parte do CEIP Ramón de Valenzuela, do que ela tamén forma parte.

Para rematar agradecer outra sorpresa da man de Luchi, antiga alumna do cole, que trouxo dúas láminas de dous libros ilustrados por ela, cuns versos que as acompañan. Un agasallo que xa loce na nosa biblioteca.

Grazas por tanto cariño e por tan bos ratos en nome dos pereiriños e pereiriñas do CEIP Ramón de Valenzuela.

CREACIÓNS DO DÍA DO LIBRO

Ola amiguiños e amiguiñas!! Como xa sabedes a  Semana do Libro estivo marcada pola elaboración de varias actividades nos diferentes cursos: vídeos, recitados, programas de radio, caligramas, composicións plásticas, e mesmo a edición dun libro propio! 

Hai que ver todo o que traballades!! E que ben o facedes!!

Empezachedes as semanas previas á visita de Xosé Luna e Charo Golmar,.... Un gusto ver como todos e todas estivestes traballando cos distintos poemarios propostos polas vosas titoras.

De Xosé Luna traballamos: Sol Rebulideiro en primeiro e segundo de primaria; Libro dos Bicos en terceiro e cuarto e Camiñando, Camiñando en quinto. Xa en sexto decantáronse por Nobelo de Luz, de Charo Golmar 

Como facer cando todo nos gusta tanto? Pois primeiro fixémolos nosos. Os distintos cursos escollemos poemas.... Poemas que foron brotando na árbore que preside a entrada do cole. Unha árbore que precisa de nós e nós dela. Durante a Semana do Libro agromaron follas enormes de carballo cheas dos poemas froito do voso traballo, semente do noso lema: “FORTES COMA CARBALLOS”.

Pero, pensando e pensando… por que non facer algo máis?

Os nenos e nenas de PRIMEIRO, con Sol Rebulideiro, practicaron a memoria e o recitado e gravaron varios vídeos no patio do cole. Moito traballaron estes pequenos, non si?

 

O alumnado de SEGUNDO utilizou a radio para darlle visibilidade ás composicións poéticas que eles traballaron.

As nenas e nenos de TERCEIRO  encarcáronse de coller o Libro dos Bicos e reescribilo todiño, utilizando símbolos para representar as palabras e así conseguiron facer a súa propia versión.

O alumnado de CUARTO, xa polo Día da Poesía, o 21 de marzo, acudiron tamén á radio para deixar a súa pegada. Ademais, crearon un fermoso caligrama do poema Bicos de Flores.

Os nenos e nenas de QUINTO, escolleron dous poemas de Camiñando, camiñando: Camiño ao corazón e Camiños de amor, e recitáronos en distintas partes do cole.

Finalmente, o alumnado de SEXTO, aproveitando a lectura de Nobelo de Luz, quixo darlle visibilidade ao Día Mundial do Autismo, o 2 de abril. Escolleron dous poemas do libro de Charo Golmar e, mediante un recitado, ilustraron os poemas con imaxes, porque cando as palabras non son capaces de expresar o sentir, debemos observar moi ben os xestos, a mirada, axudarlles ás persoas con TEA a comprender o seu entorno, a organizar mellor o mundo no que viven e darlles orde e estrutura, e non caos.

De todos xeitos, como no cole nos gusta moito traballar, decidimos converternos todas e todos en AUTORAS E AUTORES. Si, si, así como o ledes. Escribimos unha BIOGRAFÍA e publicámola no cole. E non unha biografía calquera, a biografía da gran poeta ROSALÍA DE CASTRO. Entre todos fixemos un percorrido pola súa vida e plasmámolo en papel, para que, se algunha vez precisamos saber onde naceu, que libros publicou e a que lugares viaxou, só temos que ir á biblio e alí estará á nosa disposición (Picade na imaxe para ver o libro resultado do voso traballo).

DÍA DO LIBRO

Ola amiguiños e amiguiñas!! Aínda que a Semana do Libro queda atrás, para nós aínda está presente. O pasado xoves tivemos a sorte de contar coa visita de Xosé Luna e Charo Golmar dous grandes poetas da nosa contorna. Con Luchi ilustradora de contos e antiga alumna desta escola e
con Manoele de Felisa que ten o don de coller un poema e darlle vida coa súa guitarra. 

Foi unha tarde marabillosa na que tanto Xosé Luna coma Charo Golmar traían unha pequena sorpresa. Cada un compuxo un poema para nós, para a familia do CEIP Ramón de Valenzuela. Luchi tampouco quedou atrás e deixounos dúas ilustracións moi fermosas que compartiremos no Blog para que todos vexades. Con Manoele de Felisa cantamos e bailamos ao son da súa guitarra os poemas dos nosos convidados.

Todos prestáronse a visitar a nosas radio e aceptaron ser enttrevistados polos compañeiros e compañeiras de 6º.  Isto foi o que nos contaron: 

Despois de tanto tempo separados pola pandemia foi un acto fermoso e entrañable que abreu a nosa imaxinación e a creatividade e dende aquí queremos agasallar aos nosos convidados coas nosas interpretacións da súa obra, que ao longo da semana deixaremos aquí plasmada.

De momento deixamos un pequeno vídeo dun día que xa non esqueceremos. Queredes velo?

Un saúdo e xa sabedes... VINDE A BIBLIOTECA!!

DÍA MUNDIAL DO LIBRO 2021

O Día Mundial do Libro e dos Dereitos de Autor

é unha celebración para promover o goce dos libros e da lectura. Cada 23 de abril, sucédense celebracións en todo o mundo para dar a  coñecer o poder máxico dos libros... Para nós o mellor xeito de facelo e poñer ós nosos pequenos en contacto con libros. Deixarllos mirar, ulir, tocar e ser eles os que, por un día,

escollan os libros e merquen os libros da nosa biblioteca.

Así comezamos unha semana dedicada ó libro. Fixemos unha pequena feira. Cada aula pasou pola entrada do cole para escoller dous libros. Dúas novidades que segundo eles non deberían faltar na nosa biblioteca. Dende infantil á sexto pasamos todos. Tocamos os libros, sentimos as súas historias e ulimos a súa maxia e despois de moito debater escollemos os dous libros por aula. A moitos soubolles a pouco e tiveron que ir á biblioteca a pedirlle a Garabullo algún imprescindible que non puideron escoller...

En Radio Garabullo estivo presente a lectura. Houbo radio en directo todos os días para o comedor, e o día 23 durante os patios de recreo. Nesta emisións fixéronse recomendacións de Libros CD. Libros co poder de axudar a combater o aillamento do COVID, reforzar os lazos entre as personas, amosar outro xeito de lectura e coma todos os libros estimular as nosas mentes e a nosa creatividade.

Tamén houbo un apadriñamento lector moi fermoso unhas nenas de 2º aproveitaron esta data para ler un conto para todos os compañeiros e compañeiras do cole. Un conto para o comedor. Un apadriñamento lector común a todos e todas moi emocionante. Sara e Yesica de 2º dedicáronlle a toda a comunidade educativa o conto A escaleira no comedor do luns axudadas por Candela e Carla de 6º

Aproveitamos esta semana para traer ós nenos e nenas de infantil á biblioteca. Todos puideron aprender como funciona agora e como facer para levar o seu contiño porque o COVID non pode acabar coa lectura nin coas bibliotecas.

Para rematar pequenos e maiores decidiron contar, cantar e bailar un conto para todos. Un conto moi divertido e entretido no que todos participamos. Un conto para ver, para bailar, para cantar, para ler, para rir!! Pete el gato: I love my white shoes

MARÍA FUMAÇA

A recomendación do libro CD que traemos hoxe é María Fumaça!!

María Fumaça naceu do amor e a loita por axudar e facer feliz a Ruí, un neno con parálisis cerebral. O que xurdiu coma un agasallo de Nadal para o pequeno Ruí da man da súa madriña, a cantante galega Uxía Senlle, e un grupo de amigos músicos, convertieuse nunha das propostas musicais infantís máis coñecidas en Galicia.

Escoitade a Uxía e Esther en Radio Garabullo falando de María Fumaça

UXÍA LAMBONA E A BANDA MOLONA

Ola amiguiños e amiguiñas!! Nesta semana dedicada ao libro CD ou á música das nosas bibliotecas non podíamos deixar pasar de largo as propostas de Uxía Lambona e a Banda Molona.

Uxía Lambona e a Banda Molona é unha formación musical que naceu cun obxectivo preferente, facer música en galego. Os seus concertos trunfan entre o público familiar e algúns temas, como “A Carolina” ou “Parabéns”, son xa auténticos himnos.

“Uxía Lambona e a Banda Molona” caracterízase, entre outras cousas, por recoller os clásicos populares galegos para darlles o seu toque particular, facendo versións tan inesperadas, pero ao tempo tan acaídas, como “A Carolina” rapeada, “O GhatoPaco” rockeiro ou "O Sacristán de Coimbra" reggae. Pero incluso se atreven a adaptar cunha letra moi pegañenta o mítico tema “Thunderstruck” de AC/DC ata convertelo no seu divertido e movido “Fame” ou coller o “Greased Lightning” de Grease para transformalo no seu coñecido “Muxía & Roll”.

Na biblioteca contamos cos tres CDs que teñen editado ata o de agora. 

UXÍA LAMBONA E A BANDA MOLONA

UXÍA LAMBONA: A BAILAR COMA TOLOS

UXÍA LAMBOBA: ASTRONAUTA SIDERAL

Esther e Uxía as nosas locutoras de radio favoritas falaron desta banda no seu programa especial dedicado ó "Día do Libro". Escoitade:

OS RETOS DO DÍA DO LIBRO.

Ola amiguiños e amiguiñas!! Estamos na semana do "Día do Libro" nunha época moi especial que quedará marcada en nós para sempre. As redes sociais e as novas tecnoloxías mantéñennos unidos. Unha das formas de manter a moita xente unida son os retos (animar a alguén a que faga algo do que pensa que non é capaz).
Pois un reto é o que propoño. Que contedes unha pequena historia cos títulos dos contos/libros que tedes na casa. Podedes facelo sós ou con alguén da familia que viva con vós.
Reina Esther de 4º aceptou o reto de Marga e enviáronnolo.
Lembrade que podedes  envialo ó correo do blog: conversascongarabullo@gmail.com
Todos os retos que cheguen serán publicados nesta entrada.
Ánimo enviade os vosos retos!!!
Reina mandou o seu agora seguimos con Ana de 5º
Veña que siguen chegando.
Agora Noa de 5 anos. Todos fermosos!!
Agora dous retos o profe José de EF e Jorge de 5º
Dous novos retos, a mestra de 5º Marisa e o seu alumno Martín. Animádevos para facer un en familia!!
Agora son unha nai e unha filla. Mariña de 5 anos e a profe Cristina. Tamén o de Merchi e a súa nena
Un reto con libros de Música de Blanca, ata aquí chegamos mañá máis!!
Hoxe é a teacher Lucía a que envía o seu reto.
Outro reto que nos chega, a profe Esperanza. Xenial!! Seguide enviando!! Lembrade que o podedes facer en familia!!
Estamos contentos porque seguen chegando retos coma o da profe Mª Jesús.
Que ben!! O alumnado de 5º segue animándose, son os campións do reto. Agora é o turno de Carla.
E seguen chegando os retos. Veña animádevos que seguiremos colgando as vosas aportacións. Agora toca ir con Xulia de 3º e unha pequena aportación da súa mamá. Estou encantada con os contos tan bonitos que tedes.
Reto de Xulia:

Reto de Carla:

Reto de Mª Jesús:

Reto de Esperanza:

Reto de Lucía:

Reto de Blanca:

Reto de Merchi:

Reto de Mariña de 5 anos:

Reto de Cristina:

Reto de Martín de 5º:

Reto de Marisa:

Reto de Jorge de 5º:

Reto de José:

Reto de Noa de 6º de infantil:

Reto de Ana de 5º:

Reto de Reina de 4º:

Reto de Marga:

RADIO GARABULLO E O DÍA DO LIBRO. XUNTOS NAS ONDAS 5

Ola amiguiños e amiguiñas!! Hoxe é o "Día do Libro", e en Xuntos nas Ondas tiñamos que participar dalgún xeito nesta conmemoración.Os pequenos de 5 anos déronnos a idea ao contarnos contos para a radio, e Alba de 6º prestouse coma locutora; o resultado: Un programa de Radio que non podedes deixar de escoitar!!
Fala de dous libros moi chulos que xa recomendamos e voltaremos a recomendar neste Blog.
Escoitade!! Escoitade!!

DÍA INTERNACIONAL DO LIBRO

Ola amiguiños e amiguiñas!! Hoxe é o "Día Internacional do Libro". Unha celebración importante para a Biblioteca porque moitos de vós mandástedes moitas cousas para lembrarnos o importande que é a lectura neste momento, cando temos que quedar na casa.
É divertido ver como ensinades a ler e xogar cos contos, a buscar aqueles contos que xa tiñamos esquecidos e "rescatalos" para lelos outra vez, a facer marcapáxinas, a contar os contos lendo ou dar pistas do "chuli" que é un libro ou outro. Falades de moitos libros. De libros de maiores con moita letra e libros ilustrados con apenas letra, de libros que cantan e de libros de animais, de libros de aprender e de cómics,...
Falades de moitos contos. Cada un de vós contoullo á súa titora, dende as vosas casiñas, porque a lectura é esa aventura que nos acompaña sempre... e cando semella que xa non podemos facer nada... volven os contos para xogar con nós, para ensinarnos moitas cousas, para levarnos a mundos descoñecidos,... Os contos nunca nos abandonan, nin nós a eles.
Hoxe celebramos o "Día Internacional do Libro" aínda que para nós os libros se celebran sempre!!!
Felices Lecturas nesta corentena!!!

XUNTOS NAS ONDAS 4

Ola amiguiños e amiguiñas!! 
Coma nos conta Euxea de 6º achégase o "Día do Libro" está a chegar, e os nenos e nenas do cole empezan a falarnos dos contos que máis lle gustan, os contos que marcan a nosa vida, os contos que rescatarían,... 
Son moitas as achegas e moi variadas así que comezamos hoxe cun conto na radio: "Corre, corre cabaciña" de Eva Mejuto e contado por Noela de 1º de Primaria.
Agardamos que vos guste e seguide contando e recomendando contos porque o "Día do Libro" é mañá pero nós o celebramos todo o ano.

23 de abril. DÍA MUNDIAL DO LIBRO

Ola amiguiños e amiguiñas!! O tempo corre e un ano máis chegou unha das festas máis agardada nas bibliotecas. "O DIA MUNDIAL DO LIBRO"

Un ano máis o celebramos cos nosos Apadriñamentos Lectores, nenos e nenas de todas as idades mesturados e compartindo un conto. Imaxes que nos acompañan todos os anos tal día coma hoxe, converténdose nunha doce tradición que forma parte xa da nosa escola.

Tamén a idea de traer unha libraría para axudarnos a coñecer os contos e achegarnos a eles presentándonolos. Onte achegámonos aos contos tradicionais e aos contos distintos, os que falan de historias de ficción, e os que están cheos de curiosidades ou de intriga. Aqueles que presentan pequenos retos ou aqueles de consulta nos que nos sumerximos para aprender de todo un pouco. Contos! Libros! que Lola da libraría Aenea de Santiago trouxo para todos. Deixóunolos tocar, ulir,  acariñar e así puidemos escoller aquel que tiñamos que ter na nosa aula.
Unha fermosa xornada onde grazas a ela coñecemos moitos contos, que dende hoxe, están na biblioteca e moitos que pronto estarán.
E... como non? Fixémoslle unha entrevista. Os nenos e nenas de 5º aproveitaron a ocasión e preguntáronlle cousas da libraría e dos contos que aquí deixamos para que escoitedes. 

Grazas Lola! Xa saber que sempre será benvida na nosa biblioteca!!!

Día do Libro

O pasado martes celebramos o Día do Libro. Seguindo coa tradición tivemos os apadriñamentos lectores. Nenos e nenas de todos os cursos mesturados por idades compartindo lecturas.
Encántame ver como ledes maiores e pequechos, tanto os que gardades algo en común coma os que non vos coñecedes. Toda una aventura para os novos e para os maiores un exercicio de responsabilidade. Como cada ano é fermoso ver como voan as lecturas polo patio, deixándose acariñar polo sol.



E tras unha fermosa mañá de lectura veu unha atarefada tarde de compras. Grazas á "Libraría Vagalume" de Lalín que non tivo problema para achegar os libros ao centro e foran os nenos e nenas de todo o cole os encargados de mercar os libros. Eles son os nosos lectores, eles deben mercar os seus contos. Pero... coma non podemos mercalos todos cada aula mercou tres. Tivemos moitas dúbidas pero ao final as aulas escolleron os tres libros que a biblioteca ten que ter para eles.
Mirade como tocan, len e valoran os distintos contos e discuten para chegar a un consenso. Xa son todos uns fenómenos escollendo.

LIBERAMOS SEIS CONTOS

Os libros precisan liberdade!! Non só teñen que estar nas bibliotecas, nin nos andéis das nosas casas. O Día do Libro démoslle liberdade a seis libros. Tres de Ramón de Valenzuela que foron liberados por unha nai, umha mestra e a conserxe, e tres contos que foron liberados por Almudena, Xoana e Brais de 6º.
Son libros que queren coñecer mundo. Queren chegar a calquera parte do mundo trasladando a ilusión da lectura a aquelas masn as que chegue.
Ían acompañados dunha carta e dunha pegatina que aclaraba a súa condición de libros-libres.
O día 23 comenzaron a súa aventura e agardamos poder seguila dende esta entrada do Blog
Aquí deixo a carta, a pegatina e as fotos dalgúns libros que camiñan libres polo mundo
VOA VIAXE!! FELIZ LECTURA!!!

Carta que acompaña os libros

Pegatina que acompaña aos contos

PRIMEIRA FOTOS DOS LIBROS LIBERADOS

AS NOVAS DE GARABULLO

Día do Libro presentando "As novas de Garabullo"

Ola amiguiños e amiguiñas!!! Xa sabedes que durante a semana da prensa estivemos recollendo moitas novas tanto dos xornais que chegaban á escola, coma as creadas por vós, froito das vosas actividades e vivencias. Esas novas foron recollidas e agrupadas nun xornal. Todas as aulas da escola estades representadas. Durante unha semana fúchedes auténticos reporteiros e aquí tedes o voso premio. O primeiro xornal impreso do CEIP Ramón de Valenzuela!!

Gústavos?