UNHA PAUSA NA BIBLIOTECA

Este ano seguimos dándolle voltas á nosa biblioteca. Chegou a tele e así a aproveitaron os nenos e nenas de 5 anos nun intre de relax despois do traballo.

O CARBALLO CON BOTAS

No mes de novembro os nenos e nenas de 5 anos estiveron a traballar un libro que conectaba horto e natureza con lectura.
Traballaron un conto de Anxo Moure. O CARBALLO CON BOTAS

Deixáronme esta nota na biblioteca para contarnos o que fixeron:

 Nas seguintes fotos deixamos un resumo da súa actividade

E para rematar o seu traballo con este conto viñeron á biblioteca a contalo no noso blog de VOZ NATURA  

 
Un traballo moi fermoso!!!!
Seguide así e non esquenzades de contarme o que facedes!!!
Un saúdo e xa sabedes... VÉMONOS NA BIBLIOTECA!!!

 

ARTUR E CLEMENTINA

A Violencia de xénero é un tema que ao longo desta semana estase a tratar nas aulas. Son moitas e moi variadas as formas de tratar este tema. Os nenos e nenas de 5 anos tamén traballaron o día 25 de novembro co conto de Artur e Clementina. Unha forma amena, divertida e adapata para entender o que esta data significa. Dun xeito ilustrado vemos o traballo feito polos nenos e nenas de 5 anos. 

Estas son as verbas que nos deixaron:

 ARTUR E CLEMENTINA
O pasado 25 de novembro celebrouse o Día Contra a Violencia de Xénero, e os nenos e nenas de 5 anos estivemos traballando o conto de “ARTUR E CLEMENTINA” de Adela Turín.
Todas as actividades desenvolvéronse a partires da historia fabulada de dúas tartarugas que se coñecen e namoran. Ela ten multitude de soños, ilusións e plans de futuro para a súa vida.
Cando casan, Artur decide que será el quen traballe, e que ela quede na casa. Isto a ela abúrrelle moito e a el parécelle que é tonta por aburrirse. Ela planea moitas actividades para entreterse, pero el en vez de permitirllo, traíalle cousas e poñíallas atadas ó seu lombo.
Un día ela decide saír do seu caparazón e dar un pequeno paseo, para voltar antes de que el regresara á casa. Esta costume, que lle facía sentirse moi leda, foise convertindo nalgo necesario, ata que un día decidíu marchar para non volver e poder realizar os seus soños. El nunca comprendeu por qué se fora, con todas as cousas que lle dera…
Porque aínda se precisan obras sobre coeducación e igualdade!!

Saúdos e xa sabedes... VÉMONOS NA BIBLIOTECA!!!
 

Recomendacións de Infantil

Ola amiguiños e amiguiñas!!
Máis recomendacións de lectura. Ata a biblioteca achegáronse nenos e nenas de infantil de 5 para recomendarvos os contos que máis lles gustaron.

Son lectores que veñen moito cos papás á Biblioteca e levan moitos contos.
Teñen moi bo gusto escollendo contos!!
Eu paseino xenial lendo estes contos!!.
A ver se vos gustan a vós!!



Un saúdo e xa sabedes... VÉMONOS NA BIBLIOTECA!!

Chocolata

Os rapaces e rapazas de 5 anos amósannos un novo xeito de ver os contos. O elexido foi Chocolata un conto de Marisa Núñez & Helga Bansch. Aquí queda o resultado dun precioso e interesante traballo. Agardamos que vos guste.