QUE PLANTAMOS PARA XANTAR?

Ola amiguiños e amiguiñas. Para rematar este curso 2014-2015 cheo de ilusión e traballo e darlle entrada ao novo curso, decidín publicar o voso traballo de investigación. Un traballo que, o longo do curso, fúchedes facendo nas aulas. Baixo o título de QUE PLANTAMOS PARA XANTAR? cada ciclo tivo que adicarse a investigar sobre distintos temas: 
- Infantil sobre Os froitos de Outono.
- 1º ciclo sobre Os Cereais
- 2º ciclo sobre A Pataca
- 3º ciclo sobre O solo e a auga
Buscamos información na rede, preguntamos na casa, investigamos na biblioteca, e descubrimos e aprendimos moitas cousas.
Relacionamos o noso saber con contos, con cuadros ou arte  e levámolo á aula e aos nosos compañeiros onde lles contamos o aprendido con murais expostos polos pasillos, con power points ou con cancións.
Hoxe sabemos un pouco máis da auga, do solo, da pataca, dos cereais e dos froitos de outono... e o voso saber quedará aquí recollido nas seguintes entradas e nos libros que deixáchedes para a biblioteca.
Grazas polo voso traballo!!!
Un saúdo e xa sabedes... VÉMONOS NA BIBLIOTECA!!!

 Infantil OS FROITOS DO OUTONO

 1º ciclo OS CEREAIS

2º ciclo A PATACA

3º ciclo O SOLO E A AUGA

 

 

O SOLO NO HORTO

Os alumnos de 6º investigaron o solo e amosáronnos a importancia que ten para que as nosas colleitas sexan boas. Non volo perdades.

O Solo No Horto

A AUGA NO HORTO

A proposta de investigación feita polos nenos e nenas de 5º para o PDI foi A auga no horto. Este é o resultado dun traballo moi interesante.

A Auga No Horto.

A PATACA

O alumnado de 2º ciclo investigou sobre a pataca. Aquí tedes un montón de curiosidades sobre a pataca. Incluso algunhas receitas riquísimas!!!

Proxecto a Pataca by GarabulloGarabullo

OS CEREAIS

Cando dende a biblioteca propuxemos o título de QUE PLANTAMOS PARA XANTAR? para buscar temas de investigación que uniran a toda a escola os de 1º ciclo escolleron Que plantamos para xantar? Investigaron sobre este tema e aprenderon moitas cousas. Como peche ao seu traballo cantaron unha canción. Este foi o resultado do seu traballo.

   Os Cereais

PARECE UNHA ROSA

O curso remata e con el as actividades xa comezadas,
Os rapaces e rapazas de 5 anos infantil descubriron a poesía de Rosalía de Castro. Ao longo deste ano foron a biblioteca para coñecer os seus poemas dun xeito diferente. A través da lectura, da interpretación escrita, dos debuxos, das actividades plásticas entenderon mellor o que Rosalía lles contaba.
Hoxe amosámosvos o seu traballo  co poema "Parece unha Rosa".

 

O mesmo pasou na aula de 2º . Este ano tamén quixeron achegarse á figura da poetisa. Participaron na actividade de "Eu son Rosalía cando..." e descubriron a súa poesía. Quedaron engaiolados co libro e poema Parece unha rosa.

 

 

O gusto por un mesmo poema xuntou  a dúas aulas. Así 5 anos infantil e 2º decidiron liberar o seu poema no horto. Había  que honrar á figura de Rosalía de Castro. E fixéronno mellor que ben.

RECOMENDACIÓNS DE LECTURA VII

Os rapaces de 5º fixeron un pequeno club de lectura.

Escolleron o libro O misterio dos fillos de Lúa. Contan que a Lúa, a gata, desaparécenlle os gatiños ó día seguinte de telos. Por iso miaña tristeira e busca compañía. David, que reclama explicación para todo, non entende este misterio. Quen lle leva os fillos a Lúa?  Decide, coa axuda da súa novia Branca, que non ha parar ata ter a resposta.

Este foi o resultado do seu traballo e con el rematamos as recomendacións de lectura dese ano

Agardo que vos gusten.

Un saúdo e xa sabedes... VÉMONOS NA BIBLIOTECA!!!

 

RECOMENDACIÓNS DE LECTURA VI

Ola amiguiños e amiguiñas:
Rematamos as recomendacións de lectura dun xeito moi diferente. Esta vez recomendamos fábulas, chistes e cun contacontos impresionante.

A Pablo de 3 anos infantil encántalle o conto "Loboferoz" da editorial OQO. Recomenda este conto léndolle un anaco aos compañeiros no patio. Non volo perdades!!

A Noelia e a Sara de 2º úneas o seu gusto polas fábulas. Sara prefire "Fábulas con moraleja" de Servilibro Edicións; mentres que Noelia amosa máis interés polas "Fábulas del Mundo" da editorial LIBSA.

E para rematar, un final feliz con Lois de 2º que recomenda ler chistes "365 chistes infantiles" da editorial Susaeta.

Agardo que todas estas recomendacións fosen do voso gusto.
Non esquezades que a lectura lévanos a un mundo imaxinario, a un mundo de fantasía,
Que ler é a única actividade que pode facerse en calquera sitio do mundo, que pode disfrutarse so e acompañado e que grazas a ela pasamos momentos inesquecibles.
Lembrade:

 "LEMOS PORQUE NOS PETA"

"LEMOS ONDE NOS PETA"

FELICES LECTURAS!!!

 

 







RECOMENDACIÓNS DE LECTURA V

E continuamos coas recomendacións. Dende o horto e dende a Biblioteca, sós ou cos compañeiros, para ler todo vale e as lecturas todas distintas e todas maravillosas, dende o conto, a poesía ou libros de sentimentos. Escoitade as recomendacións dos vosos compañeiros e compañeiras.

Axel de 3º recomenda "Os tres Bandidos" de Tomi Ungerer editado por Kalandraka.

 

 

Para Luisa de 2º "La Princesa de las Nieves" editado por Piruleta é un conto fermoso que ten una bonita historia de amor.

Paula de 2º recomenda o conto-poema de Rosalía de Castro "Parece una rosa", primeiro libro da colección de poemas Lúa Lueira de Espiral Maior.



Elena de 2º le coa súa nai todas as noites "El libro de los sentimientos para niños" porque así sabe como se sinte mamá e pode entendela mellor. Está escrito por Marta Montaña e Jesús Ballaz en B de Blok

Para rematar Lía de 2º recomenda "O Rabaño" de Margarita del Mazo e Guridi, editado por la Fragatina. Un conto para pasar un rato moi divertido.

 



 

RECOMENDACIÓNS DE LECTURA IV

E seguimos coas recomendacións!!
Ollade como calquera sitio é válido e todas as lecturas valen.

Mateo de 3º  pasa momentos estupendos co cómic e recomenda "El mal trago de Obelix" de Uderzo e editado por Salvat

 

Xabi de 2º está feliz lendo no horto. O seu conto preferido é "La mariquita perezosa" da  Editorial Zendrera Zariquiey , mirade que ben o pasa...

 

 

Marcos de 3º le historias máis longas e con intriga... "Gerónimo Stilton y sus viajes al Reino de Fantasía" editado por Planeta. Verdadeiras aventuras para disfrutar durante o verán!!!

 





Lucas e Marco de 5º xa teñen un recunchiño onde ler, deixan escapar susurros e  risas. O conto que escolleron son cómics de "Os Simpsom"

 

Contiunuade aconsellándonos contos e non esquenzades que na Bandeira "Lemos porque nos peta" e "Lemos onde nos peta".

 



RECOMENDACIÓNS DE LECTURA III

Seguen a chegar recomendacións de lectura!!!
Hoxe vades a ver como calquera recuncho da biblioteca ou calquera zona de xogo vale para ler un bo libro.
Hoxe as recomendacións veñen da man de:

Pablo e Rubén de 3º recomendan "Mortadelo e Filemón contra Jimmy e Cachondo" de Ibáñez, semella moi divertido e case que da envexa o ben que o pasan!!

 

Para Arón de 2º "El pez que sonreía" De Jimmy Liao, da editora Barbara Fiore é un conto especial de amizade entre un home e un peixe.

Samuel de 2º  prefire aprender máis cousas dos animais con "¿Quién come a quién?" de Andrea Mizielinska da editorial Libros del zorro rojo.

Sabela de 2º busca un momento de risa lendo "A casa da mosca chosca" de Eva Mejuto Rial e editado por Kalandraka.

 Carme de 2º xunto cos protagonistas do conto quere saber o que esconde "O abrigo misterioso" de Jeannette Jenning editado por Kalandraka.

 

Finalmente Silvia de 1º disfruta un montón con "Chivos chivones" adaptado por Olalla González da editorial Kalandraka

 

Haberá aquí un conto que vos guste... podedes levalos para a casa na mochila do verán. Pasade pola biblioteca!!!



ADIÓS RÍOS, ADIÓS FONTES

Ola amiguiños e amiguiñas!!
Os nenos de 5 anos de infantil, ao longo deste ano, estiveron traballando a figura de Rosalía de Castro.
Empezaron a traballar con ela o 24 de febreiro, o Día de Rosalía, homenaxeando a esta muller, interpretaron varios dos seus poemas. Hoxe deixáronnos un dos máis sonados "Adiós ríos, adiós fontes".
Continuaremos con máis sorpresas. Disfrutade con este poema!!

RECOMENDACIÓNS DE LECTURA II

Continuamos coas recomendacións de lectura feitas polos vosos compañeiros e compañeiras.
Hoxe temos as de:

Marta de 4º que escolleu Kika Superbruja de Knister, da editorial Bruño, ideal para pasar unha tarde de verán pensando en facer maravillosos feitizos.

 

Lois, Adán, Mikaela e Aroa de 3º que escolleron: Valores de Oro de Cristina Núñez Pereira, da editorial Palabras Aladas, porque saben que se perseguimos o noso soño podemos acadalo.

 

 

Para Eugenia de 4º, Cereza Guinda de Benjamin Lacombe e publicado en Edelvives é un conto fermoso. Temos que pensar o importante que pode ser unha mascota nas nosas vidas.

 

 

Rocío de 6º escolleu A zorra e as uvas de La Fontaine, da Editorial Susaeta. Dende pequeña disfrutou deste conto e agora tócavos a vós telo na vosa biblioteca

 

 

 

Agardo que vos gusten estas recomendacións. Deixo un vídeo onde contan eles  de primera man o que pensan destes contos.

 

 

 

Un saúdo e xa sabedes... VÉMONOS NA BIBLIOTECA!!!

RAMÓN DE VALENZUELA

Está a rematar o curso. Un curso que comezamos como CEIP de Bandeira e rematamos como CEIP Ramón de Valenzuela.
Somos moitos os que gardamos o nome de CEIP de Bandeira no noso corazón. É o nome co que medramos nesta escola, o nome que berramos cando competimos... o nome da nosa escola e do noso pobo.
O cambio de nome costounos a uns máis ca outros.
Quen era Ramón de Valenzuela? Porqué era importante para nós? Porqué outro nome?
 En Febreiro cambiouse o nome da escolae decidimos investigar. Coñecer a Ramón de Valenzuela un pouco máis e así aceptar este cambio. Cada ciclo centrouse un pouquiño nel para contarlle aos compañeiros algo desta fantástica persoa.
O día da Romaría o presentamos e aquí podedes ver en poucas palabra o que para nós foi, é e será RAMÓN DE VALENZUELA.

LECTURAS COMPARTIDAS

Ola amiguiños e amiguiñas!!
Xa sabedes que me gusta moito ver como ledes.
Para min o Día do Libro é un día de FESTA!!!
A ilusión coa que buscades os contos para as lecturas compartidas; ver como todos os recunchos valen para a lectura e aprender que todas as compañías son boas para ler... fan grande este día
Trocamos ideas por agasallos. As cousas que ten que ter o noso conto ideal a cambio dun conto.
Para agradecer esas lámpadas que iluminan a nosa imaxinación e creatividade deixo este vídeo para que non esquenzades este día de lecturas compartidas.
Un saúdo e xa sabedes... VÉMONOS NA BIBLIOTECA!!!

CONCURSO DE CONTOS DA ANPA

Este ano para celebrar o Día do Libro a ANPA propúxonos un concurso de contos. Cada neno e nena de xeito voluntario tiña que escribir un conto acorde a súa capacidade.
Foi unha actividade moi interesante e saíron contos moi fermosos. A ANPA agasallou a cada neno e nena cun diploma de participación neste primeiro concurso e cunha sorpresa. As gañadoras foron Sabela de 1º ciclo, Aroa de 2º ciclo e Mariña do 3º ciclo que levaron un fermoso lote de libros.
O xurado estivo composto polo director do centro, unha mestra xubilada e a concelleira de educación.
Ao longo da semana colgaremos un anaco do conto das gañadoras e un vídeo dos participantes. De momento aquí quedan as gañadoras.

Os contos quedarán na biblioteca para que todos e todas poidamos gozar deles e ver que coa imaxinación conseguimolo todo.
Un saúdo e xa sabedes... VÉMONOS NA BIBLIOTECA!!!

DÍA DO LIBRO

Ola amiguiños e amiguiñas!!!
Onte celebramos o Día do Libro na escola.
Xa pola mañá aparecía un mural preguntando que cousas tiña que ter un conto... 

Á hora de ler, pequenos e grandes aproveitando as instalacións do cole, a entrada e os pasillos, escollíades a un compañeiro ao que contarlle un conto. Un conto escollido por vós e preparado para lerlle con toda a ilusión do mundo. Todos mirando os contos e lendo os contos. Enchendo a escola de imaxinación, de letras, de debuxos, de vida e de ledicia a través da lectura.
Rematamos esta xornada cambiando unha idea por un libro. 
Que ten que ter un conto? Cada un de vós aportoulle ideas á biblioteca para saber o que máis vos gusta. As cousas que teñen que ter os contos que día a día levades en préstamo para as vosas casas.
Ideas curiosas, novedosas, tradicionais, orixinais,... encheron o mural que quedou así. Amanecía baldeiro e rematou cheo de ideas!!!... 
Agora toca empregar as vosas ideas para escribir os nosos contos!!!
Por que non?

Un saúdo e xa sabedes... VÉMONOS NA BIBLIOTECA!!!

SEMANA DA PRENSA

Xa chega a Semana da Prensa. As xanelas da escola ábrense ao bo tempo e as novas que veñen de fóra.

Os xornais enchen as nosas aulas, os novos xornalistas, de todas as idades,...

... buscan o súa exclusiva nas aulas, nos corredores ou nos patios, na prensa ou nos telediarios. Armados con lapis e papel recollen todo o que na escola ven e no mundo acontece para facer brotar as novas do CEIP Ramón de Valenzuela.

8 DE MARZO

Un ano máis dende a escola sumámonos á conmemoración do 8 DE MARZO: O DÍA INTERNACIONAL DA MULLER.
Por un lado achegámonos ao significado desta data a través da lectura. A importancia da muller na vida da familia, na casa, no traballo...
Por outro lado fixemos un mural entre todos os nenos e nenas da escola onde rendimos unha pequena homenaxe as nosas nais e a todo o traballo que fan. Coas nosas verbas e cos nosos debuxos recoñecemos a importancia da nosa nai e do seu  traballo, rematando a frase "A miña nai traballa...".

GARABULLO QUERE SABER

Ola amiguiños e amiguiñas!!!
Este ano a biblioteca puxo como tema para investigar: Que plantamos para comer?
Trátase dun tema bastante amplo. Hai moito material e moitas posibilidades. Aquí tedes algunhas propostas para os distintos cursos!!
Agardo as vosas respostas!!
Un saúdo e xa sabedes... VÉMONOS NA BIBLIOTECA!!!