MULLERES CIENTÍFICAS E GALEGAS - 8M & 11 F

 Ola amiguiños e amiguiñas!

Esta semana celebramos no cole o 8M "Día da Muller" que, decidimos unir co 11F "Día da Nena e da Muller na Ciencia" para formar o "DÍA DAS MULLERES CIENTÍFICAS E GALEGAS"

Da man do alumnado de 5º de Primaria e do seu mural entramos en contacto con MULLERES GALEGAS fundamentais para o desenvolvemento do mundo actual.

Coma o que máis nos gusta é xogar... E os nenos e nenas de 5º, diso saben moito, fixeron unhas cartas de pararellas das "Mulleres científicas galegas" para facer xogos de memoria. Por outra banda para primaria ampliaronas con datos biográficos. Deixáronnas no espazo de xogo e calma das escaleiras.

O martes tivemos a presentación de todo o traballo que rematará cun programa de radio especial. Unha entrevista a Marisol Soengas. Nacida en Agolada, Marisol é unha cientírfica bióloga galega, especializada na microbioloxía.  É unha prestixiosa investigadora a nivel mundial na loita contar o cancro de pel menos común paro o máis letal, o melanoma. É directora do grupo Melanoma, no Centro Nacional de Investigacións Oncolóxicas.

As reporteiras de Radio Garabullo tiveron a sorte de poder facerlle unha entrevista no mes de xaneiro en Lalín. A entrevista pronto a poderedes escoitar, mentres deixámosvos cun resumo da nosa celebración do 8M & 11F.