Ola amiguiños e amiguiñas!! Xa temos aquí o 2º programa de "Parabéns á hora de comer e curiosidades do tempo de lecer".
Darío, Carla, Noa e Anny de 4º achegáronse aos estudos de Radio Garabullo para felicitar a todos os nados no mes de novembro e decembro e para contar as últimas novas do cole.
Queredes saber que contaron? Pois dádelle ao play!!
Ola amiguiños e amiguiñas!! A través do programa "Ler en Familia" chegaron a nós momentos de lectura en familia.
Tamén algunhas recomendacións, coas qye Aloia, Noela e Sara fixeron un pequeno podcast de "Lecturas de Nadal"
Ola amiguiños e amiguiñas! Coma todos os anos ao chegar o Nadal facemos o noso calendario. Este ano a temática do PDI da Biblioteca é RETALLOS xa que traballamos pequenas cousas para obter un fin común. Os xogos é un dos apartados que temos en mente e estanse a traballar no 2º ciclo, así que aí vai o noso calendario con suxestións de xogos tradicionais. Felices Festas e Feliz Ano.
Ola amiguiños e amiguiñas!! Os compañeiros e compañeiras de 2º decidiron ir á emisora de Radio Garabullo para facer as súas primeiras incursións na Radio e deixar uns conselliños de cara ao Nadal. Deixaron uns consellos moi interesantes. Non deixedes de escoitalos!!
Ola amiguiños e amiguiñas!! Remataron os exames e comezamos xa a sentir o Nadal. Estamos emocionados polo festival e polas vacacións.
Chegan días longos de divertimento e agasallos, cheos de momentos en familia e moito tempo de lecer. Un fantástico tempo para ocupar en xogos, paseos e lectura.
Dende a biblioteca querémosvos a animar a ler en familia e por iso fixemos estas recomendacións lectoras para todos e todas. Animádesvos?
Ola amiguiños e amiguiñas!! Chegou o tempo de Nadal. Hai que decorar o cole e a casa... Aproveitando os recursos da Biblioteca Creativa creamos adornos verdaderamente fermosos.
Colaboraron grandes e pequenos. Así os nenos e nenas de 6º traballaron cos de 5º de infantil e fixeron fotos para crear fermosas postais en canva coas tablets.
Os nenos e nenas de 2º e 4º de infantil fixeron chapas, os de 4º de primaria circuítos con leds para as súas postais e 3º de primaria empregou a impresora 3D para facer os adornos da árbore de Nadal. 1º de primaria usou o lapis 3D e 5º de primaria a máquina de coser. Xa en 6º de infantil aproveitaron a reciclase e a innovación. Ollade o vídeo de como quedou.
Ola amiguiños e amiguiñas!! O programa de "Lectura e Familia" xa está en funcionamento. Ao longo do mes de novembro abrimos os mércores, e algún xoves, as portas da biblioteca para vivir unhas xornadas de coñecemento da Biblioteca.
Pais, nais, avoas, achegáronse con vós á Biblioteca para compartir xogos cos escornabots, emprego de tablets para escanear códigos QR e ver vídeos feitos polo alumnado de 6º e busca de pista por todos os espazos da Biblioteca. Incluso os nenos e nenas de infantil ensinaron aos papás e mamás a colocar os libros e a xogar cos escornabots e moitas outras actividades.
Grazas Familias pola acollida tan boa! Grazas pola vosa participación e colaboración!!
Ola amiguiños e amiguiñas! Nesta semana estivemos a celebrar o "Día Internacional da Eliminación da Violencia contra a muller". Fixemos pequenas curtas onde imaxinamos situacións violentas onde se critica, controla, insulta.... a unha muller/nena na vida diaria polo feito de ser muller/nena e como poñendo uns lentes de cor violeta as mesmas imaxes cambian e esa crítica, insulto, control pasa a ser admiración, valoración, apoio,...
Foi unha semana na que aprendemos que este día é para celebrar AS MULLERES E AS NENAS que son FORTES E VALENTES e que DEFENDEN OS SEUS DEREITOS.
Para entender mellor esta data a través dos contos, tivemos a sorte de contar con SARA BLANCO, nai de Xano de 1º e de Cova de 4º, que pasou con nós a "Hora de Ler" e contou "A historia dos bonobos con lentes". Tívonos moi enganchados, aprendemos moito e pasámolo xenial. Agora para conmemorar esta data compartímolo con todos vós. Agardamos que vos guste!!! Grazas Sara!!!
Ola amiguiños e amiguiñas!! Hoxe é o día de "Santa Icía" patrona da Música. A nosa compañeira Irene de 6º, como boa reporteira de "Radio Garabullo", e moi boa música, saíu as rúas a facer unha entrevista a dous músicos e compositores moi vencellados a Bandeira. A entrevista garda tamén a súa pequena sorpresa. Queredes escoitala?
Adiante Radio Garabullo!!
