LECTURAS POLA PAZ

Ola amiguiños e amiguiñas!!! Achégase o "Día da Paz" e xa temos un montón de contos na entrada do cole para que levedes ás vosas aulas e leades cos vosos compañeiros.
Contádenos se vos gustan as lecturas!!!

Carta aos Reis Magos e Chocolate

Os maiores escribiron as súas cartas aos REIS MAGOS, despois axudaron aos máis pequenos, e xa todos puideron ir ao buzón a deixar os seus desexos de Nadal. Unha entrañable xornada que rematou cun riquísimo chocolate con churros.

Non deixedes de buscarvos neste vídeo. 

FELICES FESTAS!!!

CALENDARIO 2019

E seguindo co PDI  "O noso Monte", decidimos apadriñar unha árbore da escola e dedicarlle un mes.
Este foi o resultado!!!

Voluntariado

Un ano máis os vosos compañeiros e compañeiras de 5º e 6º asinaron o seu compromiso como VOLUNTARIOS e AXUDANTES da BIBLIOTECA.
Non dubidedes en achegarvos a eles para pedirlles axuda en calquera tema relacionado coa biblioteca.
Aquí tedes a algúns dos vosos compañeiros asinando o seu compromiso.
Un saúdo e xa sabedes... VÉMONOS NA BIBLIOTECA!!!

LECTURAS DE NADAL

Ola amiguiños e amiguiñas!! Xa chega o Nadal. Tempo de lecer, de divertimento e de lectura.
Chega o tempo dos agasallos e se queredes pedir un conto entre todos os vosos regalos aquí deixamos unhas recomendacións de contos fermosos, divertidos e entretidos. Contos cos que ademáis de pasar un bo rato tamén aprenderedes trucos na cociña, a resolver algún enigma, descubriredes ata onde pode chegar unha carta ou vivir historias inesquecibles.
Xa sabedes... Non esquezades pedir un conto polo Nadal!!
FELICES FESTAS AMIGUIÑAS E AMIGUIÑOS!!! BO NADAL!

5º de infantil investifa o Castiñeiro

Este ano dedicamos o noso proxecto de biblioteca a "O NOSO MONTE". Os nenos e nenas de 4 anos xa se puxeron a investigar sobre árbores típicas do noso monte. Escolleron o castiñeiro. Deixáronnos algunhas propostas do seu traballo neste libriño. Tamén van a facer o seu propio viveiro de árbores autóctonas cos demais compañeiros de infantil. Serán quen de conseguilo? Levaran algunha árbore para casa?
De momento mirade que ideas para traballar "O Castiñeiro"

O NOSO MONTE

Ola amiguiños e amiguiñas!!

Non esquezades que este ano no cole estamos a traballar nun Proxecto Documental Integrado que leva por título "O noso monte".

Como vedes moitas das actividades deste curso están xirando entorno a este eixe. Dende a celebración do "Día da Biblioteca" onde plantamos a nosa árbore mural, e naceron follas cos poemas que vós fixestes para que comezara a cobrar vida.

No Magosto a nosa árbore trouxo castañas cos seus refráns, adiviñas e ditos:

E xa no Nadal cobrou colorido cunha "bolas" de Nadal moi especiais, onde cada aula aparece apadriñando unha árbore. e... Xa sei, que moitos de vós estades, agora, aprendendo moitas cousas de esa árbore que, dende xa, é a vosa árbore do cole.

10-12-2018 Día Universal da Declaración dos Dereitos Humanos

Ola amiguiños e amiguiñas!!
O luns as nenas e nenos de 5º reuníronnos na aula de usos múltiples para lembrarnos a importancia

deste data. Deixáronnos unha mensaxe que nunca debemos esquecer: "Todos os seres humanos nacen libres e iguais en dignidade e en dereitos" e isto debemos telo sempre presente: TODOS E TODAS SOMOS IGUAIS E TODOS E TODAS TEMOS OS MESMOS DEREITOS.
Moi bo traballo rapaces. Aquí deixo un resumo da actividade.
Un saúdo e... xa sabedes VÉMONOS NA BIBLIOTECA!!!

XOGANDO COS SCORNABOT

Ola amiguiños e amiguiñas!! Xa podedes vir á biblioteca a xogar cos scornabot e as árbores.

Lembrade que hai varios niveis, segundo a cor que escollades o xogo será  máis ou menos difícil. Para calquera dúbida tedes aos axudantes da biblioteca para axudarvos.

Ánimo e vide á biblioteca a xogar e a aprender cos scornabot.

25-11-2018

Un ano máis xuntámonos todas e todos para conmemorar o 25 de novembro. "Día Internacional da eliminación da Violencia contra a Muller".
Nesta ocasión foi o alumnado de 6º o que fixo unha performance compartindo imaxe e vídeo para amosar que todas e todos somos iguais. Que a liberdade é un valor de todas as persoas. Que todos xuntos e xuntas temos o mesmo obxectivo: Medrar en IGUALDADE.
Aquí deixo os vídeo da xornada que tivemos hoxe xuntos e do vídeo feito polo alumnado de 6º. Agardo que vos guste!!