AS NOVAS DE GARABULLO

Día do Libro presentando "As novas de Garabullo"

Ola amiguiños e amiguiñas!!! Xa sabedes que durante a semana da prensa estivemos recollendo moitas novas tanto dos xornais que chegaban á escola, coma as creadas por vós, froito das vosas actividades e vivencias. Esas novas foron recollidas e agrupadas nun xornal. Todas as aulas da escola estades representadas. Durante unha semana fúchedes auténticos reporteiros e aquí tedes o voso premio. O primeiro xornal impreso do CEIP Ramón de Valenzuela!!

Gústavos?

CONCURSO DE CÓMIC

Algúns dos nenos e nenas de 5º e todos os de 6º participaron nun concurso de cómic proposto polo Concello de Silleda. Ben de xeito autónomo, ben seguindo os consellos das súas mestras ou buscando información nos libros da biblioteca fixeron uns fermosos cómics.
O seu esforzo é admirable e dende aquí os meus parabéns polo voso esforzo.
Aquí deixo o que puiden gardar do voso traballo.
Un saúdo e xa sabedes...VÉMONOS NA BIBLIOTECA!!!

FEIRA DA ENERXÍA

O pasado venres, os compañeiros de 4º, 5º e 6º tiveron a sorte de poder ir a Silleda.
Celebrábase una Feira da Enerxía e a compañía REPSOL propúxolles unha actividade para dar a coñecer distintas fontess de Enerxía. Os nenos e nenas coas súas batas brancas viviron por unha mañá unha experiencia científica inesquecible.
Hoxe decídín agasallarvos con as fotos dese pequeño achegamento ao mundo científico e lembrándovos que tedes moitos libros na biblioteca para seguir investigando na casa e na aula.
Un saúdo e xa sabedes... VÉMONOS NA BIBLIOTECA!!!

DÍA INTERNACIONAL DO LIBRO INFANTIL E XUVENIL

Ola amiguiños e amiguiñas!!
Onte celebramos o Día internacional do libro infantil e xuvenil. A organización internacional do libro infantil e xuvenil escolleu esta data por coincidir co nacemento de Hans Christian Andersen. Con esta conmemoración quérese promocionar os bos libros infantís e xuvenís e a lectura entre os máis xóvenes.
Por este motivo deixaremos na entrada do cole todos aqueles contos clásicos que acompañaron a infancia dos vosos país, avós e tamén a vosa..., para que poidades ler na aula, nos tempos de lecer ou na biblioteca.
Tamén deixo unha mensaxe escrita por Luciana Sandroni e ilustrado por Ziraldo para todos os nenos e nenas do mundo co fin de pormover esta festa dos libros.

Érase Una Vez by Margarita

DÍA MUNDIAL DE CONCIENCIACIÓN SOBRE O AUTISMO

Ola amiguiños e amiguiñas!!!
Hoxe 2 de abril celébrase o día mundial de concienciación sobre o Autismo. Búscase poñer de relevo a necesidade de mellorar a calidade de vida dos nenos e nenas autistas para que poidan ter unha vida plena e digna. Baixo tres palabras moi importantes que nós estamos aprendendo “Inclusión, tolerancia e respecto”, lánzase esta campaña. Dende a nosa escola contribuímos publicando o noso testigo e querendo coñecer un pouco máis o AUTISMO.

SEMANA DA PRENSA

Atrás queda a semana da prensa. Foron moitas as vosas reportaxes. Novas curiosas, divertidas, imaxinativas, reais, irreais,... sodes uns magníficos reporteiros!!. Aquí deixamos unha mostra do voso traballo.
Saúdos e xa sabedes... VÉMONOS NA BIBLIOTECA!!!

Día Internacional da Muller

Ola amiguiños e amiguiñas!!!

Isabel Ruíz Ruíz

Hoxe celebramos o Día Internacional da Muller. Que significa esta data para nós os nenos e nenas de 3 a 12 anos?
Ao longo do día escoitamos que hoxe é un día para resaltar a importancia da actuación da muller en todos os ámbitos da vida.
Acordamos que un día é pouco para celebrar unha loita constante, diaria e sen descanso. Pero que neste día debemos lembrar a aquelas mulleres que demostran e demostraron a súa valía e loitaron por elas e por o futuro dos nenos e nenas de hoxe.
Investigamos ás mulleres do noso ámbito. Mulleres galegas que deron un paso adiante, rompendo tradicións, no mundo do deporte, da literatura, da música, do cine, da ciencia, do ensino,... marcando un antes e un despois na súa especialidade.
Parabens a esas mulleres que loitaron, que loitan e que nos animan a loitar polos dereitos, pola igualdade e pola liberdade de todas e todos.
Un saúdo e xa sabedes... VÉMONOS NA BIBLIOTECA!!!

Postais Día de Rosalía

E... para conmemorar o día de Rosalía sumámonos á proposta da AELG. Levamos as nosas casas unhas fermosas postais cos versos de Alborada. Esta é a mostra dos vosos traballos.
Un saúdo e xa sabedes... VÉMONOS NA BIBLIOTECA!!!

DÍA DE ROSALÍA

Hoxe na escola celebramos o Día de Rosalía!!
Para conmemorar esta data fixemos unha postal que lle daremos as nosas familias como agasallo "Rosaliano"
Dende a biblioteca enviamos, tamén, a nosa postal. Unha postal para todos os nenos e nenas da escola,  para todos os compañeiros e compañeiros que formamos esta gran familia da escola da Bandeira, para as familias e para as bibliotecas.

FELIZ DÍA DE ROSALÍA.

UNHA LONGA ESPERA

Ola amiguiños e amiguiñas!! Aquí tedes o voso conto. O que fixechedes todos e todas. Unindo historias e debuxando. Dende hoxe podedes lelo na rede cando queirades!!
Un saúdo e xa sabedes... VÉMONOS NA BIBLIOTECA!!!