SUSA HERRERA visita o CEIP de Bandeira

Ola amiguiños e amiguiñas!!!!
Estamos de sorte!!! A semana pasada tiñamos con nós a Anxo Moure, que fixo que pasásemos unha tarde moi divertida... Pois mañá temos unha sorpresa.... Mañá ven a facernos unha visita a escritora e compositora Susa Herrera.
Aquí deixo recollida a noticia en forma de xornal para celebrar ao mesmo tempo esta semana da prensa así como unha pequena mostra do que fai Susa Herrera.

Aquí tedes unha a Susa Herrera nunha presentación dos seus "contos musicados" neste caso Animales enCantadores-El camaleón


Agardo que vos guste e mentres...
Xa sabedes... VÉMONOS NA BIBLIOTECA!!!

Conversas con Garabullo

Ola amiguiños e amiguiñas!!!
Que tal de fin de semana? Supoño que preparando exames para afrontar estas últimas semanas antes das vacacións de Semana Santa.
Para que descansedes un intre de clases e estudo déixovos aquí unha recomendación de lectura que deixou Yago de 2º na caixa de conversascongarabullo da biblioteca.

Tanto Yago como Claudia deixaron un conto que amoso aquí para que leades no voso tempo de lecer.

 

Como punto final ensínovos o debuxo que me regalou Antía de 3º cando aconsellou que mercase películas de Barbie para a Biblioteca. Tal e como solicita Antía tratarei de traervos algunha.

Gozade cos vosos traballos e seguide deixándome unha chea de cousas na caixa de conversascongarabullo ou mesmo na dirección de correo: conversascongarabullo@gmail.es

Un saúdo e xa sabedes... VÉMONOS NA BIBLIOTECA!!!

ANXO MOURE

Ola amiguiños e amiguiñas!!!
Teño unha marabillosa sorpresa. O xoves un atrapador de contos un defensor dos ríos e dos montes... vén visitarnos.

 

 Anxo Moure vive en Garabelos, unha pequena aldea á sombra das montañas da Serra do Faro, e non moi lonxe do río Miño. Enriba dun castiñeiro e un carballo, na Casa das Árbores. Esta casiña é un lugar de lecer, onde escoitar os contos que viven nas árbores. Un lugar para coñecer a Graciano Zoqueiro, trasniño Gaiteiro, que anda na procura da música das árbores e a quen vós podedes axudar.
 Viaxa no seu ciclocarro para que así, os libros percorren rúas, bosques, praias, prazas,... Para engaiolar a grandes e pequenos, para reivindicar a lectura e a escoita como ferramenta cultural e para descontaminar o mundo cunhas simples pedaladas culturais. 
Entre outros libros de consulta e de lectura a ciclobiblioteca leva os libros escritos polo atrapador de contos: O Carballo con Botas, As Árbores da Paz, a Xacia Luviñas ou Plantarse...
Esta é a maxia que o xoves imos a descubrir. Grazas a Anxo Moure imos a gozar e a aprender a pedalear entre poesías, contos, historias, ilustracións, fotografías... 
Poñámoslle rodas a nosa imaxinación!!!

Un saúdo e xa sabedes... VÉMONOS NA BIBLIOTECA!!!

Semana adicada á Muller Traballadora

Ola amiguiños e amiguiñas!!
Dende hoxe na entrada do cole hai uns libros aconsellados para ler nesta semana. Semana na que imos a celebrar o Día Internacional da Muller Traballadora.
Pero... Que é eso do Día Internacional da Muller Traballadora?
A verdade que a min paréceme un pouco lioso entender esta conmemoración. Podédesme axudar a entendela ben?
Propóñovos que me vaiades contanto cousiñas para que o Día 8 de Marzo coas vosas aportacións publiquemos algo no Blog relacionado con esta celebración e que sexa feito por todos e todas.
Como punto de partida, eu propoño, este video feito polos nenos dun instituto onde fan referencia a un montón de mulleres Galegas que tiveron grande sona, non só en Galicia, senón que tamén fóra das nosas fronteiras.
Agardo as vosas aportacións.
Un saúdo e xa sabedes... VÉMONOS NA BIBLIOTECA!!!

Día de Rosalía

Ola amiguiños e amiguiñas! Sabedes que data imos a celebrar o vindeiro día 24 de febreiro?
Moi ben!! O DÍA DE ROSALIA.
Durante esta semana escoitei como alguén recitaba os versos de "Vente, rapasa" na Biblioteca. Eran os nenos e nenas de cuarto de Educación Primaria. Con motivo da celebración do "Día de Rosalía" e do 150 aniversario da publicación de "Cantares Gallegos" decidiron preparar estes versos para todos nós. A verdade gustoume tanto que dende aquí eu súmome a proposta dos vosos compañeiros e compañeiras e publico o vídeo para que o poidamos gozar coas nosas familias.



Rascando na goma da miña cabeza acordáronme unha páxinas onde, outras mascotas de bibliotecas, lles deixaron cousas aos rapaces e rapazas para que coñeceran un pouco máis a esta fantástica muller. Aquí deixo tamén o enlace para que, se queredes, poidades achegarvos a vida e a obra de Rosalía de Castro.

 http://biblioandrade.blogspot.com.es/

 http://bloguesquio.blogspot.com.es/

 http://www.edu.xunta.es/centros/ceipnosasenhoradexuvencos/node/436

 Aprendede e lede moito!!!
Un saúdo e xa sabedes... VÉMONOS NA BIBLIOTECA!!!

DÍA INTERNACIONAL DA LINGUA MATERNA

Ola amiguiños e amiguiñas!!!
Sabedes que día é hoxe? É o día internacional da Lingua Materna. Desde o ano 2000, a UNESCO celebra cada 21 de febreiro o Día Internacional da Lingua Materna, orientada a promover a transmisión de pais a fillos das linguas non dominantes co fin de promover a variedade de linguas e, da súa man, a diversidade cultural. Nós os  galegos contribuimos coa nosa lingua: o galego.
A lingua materna é aquela coa que os nenos e nenas aprenden a falar. A miña é o galego. Sabedes a miña historia? Non?
Teño unha idea. Hoxe é o día da lingua materna e as escolas conmemoran este día lendo poemas, facendo obras de teatro ou contando contos. Dende aquí hoxe eu dende a Biblioteca vou a celebrar o día internacional da Lingua Materna contando como nacín e como a miña lingua é o galego.
Gústavos a idea?
Velaí vai a miña historia:

Xa sabedes que son Garabullo pero antes era un lapis como todos.
 

Un saúdo e xa sabedes... VÉMONOS NA BIBLIOTECA!!!
 

LIBROS CON AMOR

Ola amiguiños e amiguiñas!!
Xa deixamos atrás o entroido, os disfraces, o cocidiño, os desfiles... Que festa tan divertida!!!
Agora empezamos unha nova etapa antes das vacacións de Semana Santa e que mellor xeito para empezar a coller forzas que a través da lectura de LIBROS CON AMOR?

 Xa sei que a data de hoxe fai que moitos miredes os libros con pouca confianza e arrepío. Eso do Día dos Namorados non lle gusta a todos nin a todas... Pero non pensedes so no amor a unha parella. Pensade no amor que lle tendes á vosa familia, amigos,... Un amor moi importante, unha lealtade e un cariño que está por riba de todo.
Hoxe 14 de Febreiro presentamos Libros con Amor. Atopade nelas o amor que a vós vos fai sentir ben. Ademáis se sodes quen de contarme algo positivo e bonito destas datas farei que vos chegue un pequeno agasallo da miña parte.
Entre tanto disfrutade e aprendede con os contos propostos. Agardo que vos gusten.

 Un saúdo e xa sabedes... VÉMONOS NA BIBLIOTECA!!!

E OS GAÑADORES SON...

E os gañadores son...
Estades nerviosos? e nerviosas?
Ola amiguiños e amiguiñas... xa tardaba moito... pero o  xurado emitiu o seu voto e aquí temos os premios.
Pensade que a decisión foi dura e que todos e todas merececiades o premio pola vosa participación, por aportar a vosa ilusión e os vosos disfraces,... pero había que escoller e o resultado foi...


Premio ao mellor disfrace individual e creativo é para... 

 Carrapuchiña Vermella.

Premio ao mellor disfrace individual e orixinal é para...

 O ROBOT

Premio ao mellor disfrace en parella e creativo é para...

As camareiras

Premio ao mellor disfrace en parella e orixinal é para...

Os bonecos Potato

Premio ao mellor disfrace en grupo e creativo é para...

As rockeiras

 

Premio ao mellor disfrace en grupo e orixinal é para...

As Cheerleaders

Noraboa a todos e todas pola vosa participación.

Os premiados preguntade na Biblioteca para recoller o voso agasallo.

Un saúdo e xa sabedes... VÉMONOS NA BIBLIOTECA!!!

ENTROIDO 2013

Ola amiguiños e amiguiñas!!
Que tal de vacacións? Eu estiven disfrutando moito lendo na biblioteca, vendo o alto dos xenerais da Bandeira, a neve...
Hoxe, deixo aquí unha mostra dos disfraces que as cámaras do cole foron recollendo ao longo do día.
Tal e como amosaban os carteis os vosos disfraces foron orixinais e creativos, deixaban mostras da vosa imaxinación e da vontade de pasalo ben e disfrutar do entroido. A verdade que é moi divertido ver pasillos e aulas cheos de risas e cor.
Gozade coas fotos!! Coincidiredes co xurado? Cales serán os disfraces que leven o premio?
Mañá o descubriredes!!! Agora toca rir coas fotos. Mañá a celebrar os gañadores!!!!


Saúdos e xa sabedes... VÉMONOS NA BIBLIOTECA!!!

A MOCHILA VIAXEIRA VISITA AS NOSAS CASAS

Ola amiguiños e amiguiñas:
Onte cando estaba na biblioteca, asexando, escondido, vin como diferentes nenos e nenas das distintas aulas achegábanse de un en un ou en grupiños a recoller a mochila viaxeira que tan agarimosamente preparou o Equipo da Biblioteca.
Este ano vai chea: contos, albumes, películas, libros que falan da nosa comarca, outros dos animais, outros con música ou incluso receitas de cociña. Van cheíñas de lectura e diversión. Case daba envexa ver como os nenos e nenas saían correndo coas súas mochilas para as súas aulas.
Vin que andaban a facer unhas fotiños do momento... Decidín deixalas aquí para que disfrutedes do momento de entrega da mochila, que hoxe 7 de febreiro sae as casas dos nenos e nenas de Bandeira.
Espero que disfrutedes con elas. Agradecería que me deixásedes moitas anotacións na folliña que se manda para que todos os da familia aportedes algo novo á mochila viaxeira.

Un saúdo e xa sabedes... VÉMONOS NA BIBLIOTECA!!!