Ola amiguiños e amiguiñas!! O alumnado de 4º leva moito tempo invetigando e aprendendo moitas cousas sobre Luísa Villalta. Muller creadora e intrépida loitadora pola cultura e os dereitos das mulleres.
Con todo o aprendido fixeron unha entrevista ficticia a Luísa Villalta. Un pequeno guiño, onde a través das preguntas imaxinaron as respostas que daría a nosa homenaxeada.
Así fixeron un programa de radio que aquí deixamos para todos e todas. Este programa máis curto e simplificado foi presentado ao VI Concurso de Podcast-Radio na Biblio.
Nesta ocasión non gañamos... Pero o programa está xenial e nós temos toda a vida para seguir intentando gañar o premio.
Parabéns 4º de primaria e FELIZ DÍA DAS LETRAS GALEGAS!!
Ola amiguiños e amiguiñas! Hoxe en Radio Garabullo tivemos un novo programa de "Parabéns á hora de comer e curiosidades do tempo de lecer". Os vosos compañeiros de 4º Uxía, Antía, Yeray e Emilia coa axuda de Izan e Cova subiron á emisora para felicitar a todos e todasaos que naceron nos meses de marzo, abril e maio, ademais de aproveitar para contar todo o que no cole está a pasar.
Ola amiguiños e amiguiñas!! Sabíades unha das cousas coas que
eu, Garabullo, gozo? É ollándovos na biblioteca collendo contos, xogando,
debuxando, facendo chapas, investigando... En definitiva dádolle vida ao
meuespazo preferido: A biblioteca!! Pero cando sodes vós, os nenos os que
creades cousiñas aínda estou máis feliz e orgulloso.
A pasada semana os nenos e nenas de 2º pediron ir á radio para
gravar contos e receitas creadas por eles. Fun a mascota da biblioteca máis
feliz que poidades imaxinar e aquí tedes un dos contos. O conto de Blue escrito
e lido por Clara, Hugo e Gabriel de 2º.
Ola amiguiños e amiguiñas!! Nesta ocasión quen se achegou aos estudos de Radio Garabullo foi Daniel de 2º para aconsellarnos unha merenda saúdable e moi fácil de facer. Ademais penso que estará boísima. Escoitade!!
Ola amiguiños e amiguiñas!! Sabíades unha cousa? Cando os mestres e mestras do cole traen a alguén para falar con vós e contarvos cousas sobre o seu traballo, sexa ilustrador, escritora ou investigadora... Sempre teñen medo de que algo falle, de que non vos guste ou de que vos aburra. Aínda así arriscan e pasan cousas e momentos tan bonitos coma o do pasado 9 de maio con Érica Esmorís.
Érica Esmorís é unha grande escritora que conduce unha furgoneta e a que lle encantan os animais. Se non fose escritora traballaría de veterinaria. É unha muller moi alta e cos cabelos longos. Fala despacio e claro e dende que empezou a súa conversa con 3º e 4º enganchounos de tal xeito que cando rematou a súa charla e marchou.... Todos os nenos e nenas de 3º e 4º voltaron a coller os libros en préstamo desta muller máxica que desprende creatividade por todos os lados.
Nesta ocasión falamos de Patio de luces e de Nena e o mar.
Patio de luces, XI Premio de Narrativa Infantil Cidade de Málaga
Lea pasa as tardes dos venres co seu avó, que é porteiro dun edificio. Unha profesión en perigo de extinción! O baixo do avó parécelle moi aburrido, agás polo patio de luces, ao que lle está terminantemente prohibido saír. En canto o avó volve ao traballo, Lea desobedece e vai ao patio para observar a roupa dos tendais e fantasiar con como será a vida deses veciños aos que nunca viu. Serán tal e como Lea os imaxina?
Nena e o mar Premio Merlín de Literatura Infantil 2015
Puerto Ballena es una villa marinera en la que todos sus habitantes perdieron la esperanza. Solo Otto, el último hombre joven de la villa, sigue saliendo al mar a diario mientras deja a Nena, su hija y huérfana de madre, al cuidado de los habitantes de la villa acantilada. Pero un día Otto no regresa. Nena luchará contra la desidia y el cansancio de los viejos habitantes y, con toda la fuerza de voluntad, el empeño y la valentía que le coge en su cuerpo menudo, emprenderá, en un pequeño bote, una aventura temeraria y fantástica para rescatar a su padre.
Ola amiguiños e amiguiñas!! O alumnado de 4º representado por Izan, Martín e Uxía decidiron facerlle unha entrevista a Érica Esmoría aproveitando unha visita ao centro.
Gañadora do Premio cidade de Málaga polo libro "Patio de Luces", libro que está a ler o alumnado de 3º. e Premio Merlín 2025, pola novela "Nena e o mar" que están a ler os nenos e nenas de 4º.
Foi unha charla moi amena e divertida onde Érica abriuse aos nosos reporteiros e contoullo moitas cousas dos seus libros e dos seus futuros proxectos.
Ola amiguiños e amiguiñas!! Ao longo deste mes celebrarmos o "Día de Europa". A data clave é o 9 de maio xa que celebramos a Paz e a unidade en Europa. O alumnado de 6º escolleu esta data como eixo central das súas investigacións. Ao longo de todo o curso foron vendo como os distintos países que formamos Europa conservan a súa identidade a través da súa cultura, costumes, tradicións... Fixeron unha fermosa exposición na entrada do cole que non podedes deixar de visitar.
Entre tanto déixovos aquí un vídeo resumo do seu traballo.
Ola amiguiños e amiguiñas!! Xa temos á volta da esquina o "Día das Letras Galegas". Este ano está dedicado a Luísa Villalta. Para homenaxeala decidimos facer unha coreografía do seu poema "Cruel Filosofía" interpretado pola "Banda da Loba e Tomé Mouriño".
Algunhas compañeiras de 3º foron as encargadas de inventala e deixáronnos este vídeo para que a aprendamos.
Ola amiguiños e amiguiñas!! Como cada ano o Seminario Galán e Primavera das letras fan unha selección de xogos, actividades e textos para axudarnos a coñecer mellor á persoa homenaxeada polas Letras Galegas. Podedes acceder a Seminario Galán picando aquí ou A Primavera das Letras picandoaquí.
Nós coma cada ano facemos unha selección de actividades que deixamos aquí no blog para que sexa moito máis accesible e para que aprendamos moito. Xogamos?
Ola amiguiños e amiguiñas!! Despois dunha semana de libros e intercambios solidarios de contos por alimentos non perecedeiros, conseguimos unha boa cantidade de alimentos, que foron doados á concelleira de Benestar Ánxela Troitiño. Así foi recollido nos xornais deste venres e así de guapos saídes. Picade na foto se queredes ler a nova.
Ola amiguiños e amiguiñas!! O pasado 24 de abril tivemos unha xornada de portas abertas ás Familias. Recomendacións lectoras, falar dos nosos contos favoritos e dos seus personaxes e facer chapas para facer deste día unha xornada inesquecible. Aquí tedes un resumo!!
Ola amiguiños e amiguiñas!! Hoxe é o 2 de maio, o "Día Mundial contra o Acoso Escolar".
Neste curso escolar, o alumnado de 2º de primaria fai fincapé nesta data promovendo pautas para unha boa convivencia e para evitar situacións non favorecedoras. Amósanlle a todo o colexio un decálogo a ter en conta e tamén unha pequena historia coa que reflexionar: "A historia de punto"
Ola amiguiños e amiguiñas!! Como cada ano celebramos o "Día do Libro" con Apadriñamentos Lectores. Lecturas que pequenos e non tan pequenos compartides lecturas e momentos de imaxinación, lectura e aventura.
É un ratiño moi especial para todos e así o demostrades. Ollade!!
Ola amiguiños e amiguiñas!! Ao longo da pasada semana celebramos a Semana do Libro. Houbo moitas actividades dende recomendacións de libros ata apadriñamentos lectores. Unha das que fixemos todos os recreos da semana foi o intercambio de alimentos non perecederos por libros froito do expurgo. Conseguimos moitos alimentos que pronto serán entregados ao Concello para repartir entre as familias que o precisen. Tamén fixemos un photocall onde posábades co voso novo conto así de guapos e guapas.
Ola amiguiños e amiguiñas!! O mércores 24, os nenos e nenas de infantil celebraron a Semana do Libro con Mariela, a nai de Martina Blanco. Achegous a nosa biblioteca a contarlles un conto moi divertido e moi bonito: Por catro esquiniñas de nada. A verdade que estivo moi entretido e o pasamos moi ben. Queredes escoitalo?
Ola amiguiños e amiguiñas!! Acabamos de rematar a Semana do Libro e que mellor xeito que facendo recomendacións lectoras. Ao longo da semana moitos dos vosos compañeiros e compañeiras pasaron pola biblioteca durante os recreos para falar das súas lecturas favoritas. En tres pequenos vídeos poderedes ver recomendacións de todo tipo. Dádelle ao "play" e gozade con estes consellos.
Ola amiguiños e amiguiñas!! A biblioteca está presente en todas as facetas do cole. Non só nos momentos de estudo, tamén nos de lecer. Incluso para aprender a xogar e obter propostas de xogos para os tempos de recreo. Hoxe que os nenos e nenas de 3º organizan os xogos do patio, a biblioteca recoméndalles o libro Chirlosmirlos de Antón Cortizas e ilustrado por Cuchi Souto.
Chirlosmirlos é unha enciclopedia de xogos populares, resultado dun labor de investigación e de organización realizado ao longo de varios anos. Reúne máis de catrocentos xogos, coas súas variantes e propostas de adaptación ou renovación nalgúns dos casos.
Tédelo na Biblioteca para dinamizar máis e mellor o voso tempo de lecer.
Ola amiguiños e amiguiñas!! Un ano máis chega a Semana do Libro. As recomendacións lectoras chegarán da vosa man pero... aquí deixamos uns libros novos e suxerentes para as vosas lecturas. Dádenos a vosa opinión.
Ola amiguiños e amiguiñas!! O alumnado de 4º comezou hoxe unha aventura. Na biblioteca había uns libros de Érica Esmorís para completar o itinerario lector de 3º e 4º para este trimestre. Decidiron axudarnos a catalogar. Pediron poder ter unha charla coa escritora e chegar a ter todos unha charla con ela. Chegaremos a conseguilo?
Os libros son:
Patio de luces, unha obra que promete humor, emoción e aventura, onde o extraordinario habita nun edificio de cinco andares. As fermosas ilustracións son de Juan Berrio
Nena e o mar ilustrado por Dani Padrón.
Porto Balea é unha vila mariñeira na que todos os seus anciáns habitantes perderon a esperanza. Só Otto, o último home novo da vila, segue a saír ao mar a diario mentres deixa a Nena, a súa filla e orfa de nai, ao coidado dos habitantes da vila acantilada.
Ola amiguiños e amiguiñas!! Hoxe vimos a falar dunha fermosa experiencia que estiveron a facer os nenos e nenas de 6º de infantil durante o 2º trimestre.
Estiveron a facer un PROXECTO SOBRE A AUGA, coa axuda de Eva a profe de prácticas. Investigaron e fixeron un montón de experimentos para aumentar as súas aprendizaxes e entender mellor o que aprenderon.
Este proxecto rematou o día 22 de marzo "Día Mundial da Auga" coa elaboración dun LapBook para cada un dos nenos e nenas cun resumo de todo o aprendido.
Ola amiguiños e amiguiñas!! O pasado 1 de abril celebramos o "Día das Artes Galegas".
O Día das Artes Galegas foi establecido pola Real Academia Galega de Belas Artes en 2015 para exaltar e promover a creación galega. Escolleuse como data de celebración o 1 de abril, xa que esa data de 1188 aparece na epígrafe dos linteis do Pórtico da Gloria.
A Academia escolle cada ano un homenaxeado cuxa figura se considere transcendental na historia da arte galega e da que pasasen polo menos dez anos do seu pasamento. Este ano o homenaxeado foi Francisco Asorey,un dos renovadores da arte galega e da escultura no século XX. Autor de esculturas en madeira policromada como A Santa ou San Francisco, coa que gaña a primeira medalla da Exposición Nacional de Belas Artes de Madrid; ou os monumentos a Ramón Aller e a Xoaquín Loriga en Lalín.
Os compañeiros e compañeiras fixeron unha exposición para falarnos da súa vida e da súa obra, pero non quixeron rematar o seu traballo, sen probar as súas posibilidades creativas, e facer as súas propias creacións.
Ola amiguiños e amiguiñas!! Coma cada semana os nenos e nenas de infantil pasan os mércores pola biblioteca. Coas súas bolsiñas azuis deciden os contos que queren levar e que despois se recomendan entre eles para que leven os compañeiros e compañeiras. Mirade como escollen e que contentos van!!
Ola amiguiños e amiguiñas! Hoxe en Radio Garabullo tivemos un novo programa de "Parabéns á hora de comer e curiosidades do tempo de lecer". Os vosos compañeiros de 4º Izan, Mathías, Martín e Andrés subiron á emisora para felicitar a todos os que naceron nos meses de xaneiro e febreiro ademais de contar as novas do cole.
Ola amiguiños e amiguiñas!! O pasado luns os nenos e nenas de infantil tiveron unha visita. Raquel, a nai de Martina Bahamonde de 4º de infantil, veu a contarnos o conto de Cocorico. Encantounos!! E ademais trouxo un agasallo. Un conto para cada un!!
Ola amiguiños e amiguiñas!! O pasado 7 de marzo o alumnado de infantil e 1º ciclo tivo unha visita: David Rodríguez.
David é escritor, ilustrador, músico e contacontos. Aproveitou a súa visita para contarlle aos nosos compañeiros e compañeiras o conto Superavoa, escrito e ilustrado por el. Unha fermosa historia dunha avoa, que podería se a nosa, capaz de facer mil cousas, e todas a un tempo, coma se tivesen poderes máxicos. As avoas son supermulleres, son as nosas superavoas.
Ola amiguiños e amiguiñas! O vindeiro 1 de abril celebraremos oDía das Artes Galegas. Este día foi establecido pola Real Academia Galega de Belas Artesen 2015 para exaltar e promover a creación galega. Escolleuse como data de celebración o 1 de abril, xa que esa data de 1188 aparece na epígrafe dos linteis doPórtico da Gloria.
Cada ano a Academia escollerá un homenaxeado cuxa figura se considere transcendental na historia da arte galega e da que pasasen polo menos dez anos do seu pasamento. Este ano está dedicado a Francisco Asorey e para que vaiades aprendendo algunha cousiña déixovos este xogo feito pola colaboración de moitos coles.
Ola amiguiños e amiguiñas!! Os nenos e nenas de infantil saben moi ben o que é un xornal e así nolo explican. Incluso lanzan algunha nova relacionada co tempo e coas novas do cole. Non volo podedes perder!! Temos uns auténticos reporteiros!!
Ola amiguiños e amiguiñas!! Achégase o 8 de marzo e na Biblioteca estivemos cociñando unha actividade pola igualdade. Nenos e nenas, pais e nais unidos nun mesmo obxectivo crear "Cometas Literarias" para facer voar con elas os nosos desexos de Igualdade.
Ola amiguiños e amiguiñas! O alumnado de 5º estivo na biblioteca traballando na procura dunha proposta de traballo para conmemorar o 8M. Despois de buscar nos libros e nos ordenadores e aproveitando os recursos que ofrece a biblioteca creativa decidiron facer un xogo empregando os Escornabots. Se queredes probar pasade pola biblioteca!! Picade na imaxe e veredes o seu traballo!!
Ola amiguiños e amiguiñas!! Hoxe é o Día Internacional da Muller. De distintos xeitos imos abordando esta data nas nosas aulas. A lectura é unha forma de chegar a calquera temática, este ano as Axudantas da biblioteca de 6º pediron seleccionar e facer unha mostra de lecturas de Igualdade para todos nós. E este é a súa proposta e unha representación das que nesta actividade participaron.
Ola amguiños e amiguiñas! Estamos na SEMANA DA PRENSA!! Ao longo desta semana haberá distintas actividades cun xornal por medio. Polo de pronto o alumnado de 3º e 4º invitou a dous periodistas do Faro de Vigo, a Xan Salgueiro (redactor) e a Javier Lalín (fotógrafo) para facerlles unha entrevistas. Eles sacáronnos na prensa e nós fixemos unha páxina de xornal dedicada a eles. Se picades na imaxe podedes ver a nova no Faro de Vigo.
Ola amiguiños e amiguiñas!! Como ben sabedes o pasado 23 de febreiro celebramos o "Día de Rosalía" e coma cada ano decidimos plantar pensamentos, flor preferida da poetisa, na súa honra. Hoxe están decorando as fiestras da nosa biblioteca.
Ola amiguiños e amiguiñas!! O pasado venres, 23 de febreiro, celebramos o "Día de Rosalía". Nas aulas aprendemos moitas cousas desta poetisa tan marabillosa. Decidimos homenaxeala lembrando aspectos importantes e curiosos da súa vida, recitando, cantando, bailando os seus poemas e incluso lanzando algunha arenga lembrando a importancia e o valor da poeta de Padrón. .
Ola amiguiños e amiguiñas!! Chegou o "Día de Rosalía". Un día especial que celebraremos no cole cunha homenaxe a nosa poetisa. Recitaremos e cantaremos os seus versos máis coñecidos, plantaremos pensamentos, coma cada ano, para honrala e decorar as fiestras da nosa biblioteca e aprenderemos moitas cousas de Rosalía para entender mellor a importancia dunha das galegas máis famosas do mundo.
Este ano a proposta de aprendizaxe ven da man dunha colaboración entre o noso cole e o "CEIP Ramón Otero Pedrayo" de Amoeiro. Queredes aprender máis cousas de Rosalía ? Pois adiante!!
Ola amiguiños e amiguiñas!! Gustáronvos os "Baldréus" ? Foi unha visita moi emocionante... Gozamos moito correndo diante das súas vasoiras, mais un pouco de medo tamén pasamos.
Os compañeiros e compañeiras de 6º fixeron un estupendo traballo de presentación, e xa foron introducindo a estas figuras que, dende o pasado ano, forman parte do Entroido de Silleda. Os Baldréus chegaron coas súas chocas, enchendo de festa e ruído o pavillón, e fixeron que corréramos e pasáramolo moi ben. Finalizaron contándonos as curiosidades da súa vestimenta e tamén de dúas novas figuras, dúas novas máscaras inspiradas non só no riquísimo románico trasdezao, senón tamén na natureza que rodea aos templos.
Ola amiguiños e amiguiñas!! Familias e escola traballamos da man para conseguir medrar todos xuntos en positivo. Hoxe na Biblioteca tivemos unhas charlas do Plan Director sobre Violencia de Xénero e Igualdade que tiveron moi boa acollida.
Ola amiguiños e amiguiñas!! Como ben sabedes, todos os anos, temos a sorte de ser os primeiros en poder gozar do "Alto dos Xenerais Infantil". Un alto protagonizado por alumnos e alumnas desta escola. É moi divertido ver como empregan as arengas para facer broma de todo o que rodea a vida da escola e de Bandeira. Coma sempre o deixamos por aquí para que poidades volver a velo.
Tamén queremos aproveitar para darlle as grazas a todos e todas os que están implicados nesta actividade e fan que ano tras ano poidamos disfrutala. Grazas.
Ola amiguiños e amiguiñas! Unha vez máis estamos aquí para agradecer ás familias as súas visitas as aulas para contar contos de amizade e paz. Tamén para compartir coas aulas dos pequenos lecturas, parladoiros e xogos relacionados con todo aquelo que dominan. Así ao longo destes meses tivemos a sorte de ter na nosa biblioteca a :
Fátima a nai de Martín de 2º. contoulles o conto Un huevo muy bueno de Jory John. unha historia divertida e encantadora para lembrar a importancia e o coidado de cada un de nós e a aceptación dos que queremos.
Tamén estivo por aquí Bea a nai de Eloi de 6º. Falaron do Entroido e mantiveron un parladoiro dos perigos que esconden as redes sociais.
Outra visita que nos gustou moito foi a de Iago, primo de Noela de 5º. Achegouse a nosa radio para falarnos dunha das súas aficións e case traballo: O Balonmán. fixémoslle unha entrevista en Radio Garabullo e despois recibiron unha sesión de entrenamento.
A nosa última visita. ata o de agora, foi Yolanda a nai de Laura de 1º de primaria e de Lucía de 3 anos. compartiu con todo o alumnado de infantil e 1º La gran fábrica de las palabras de Agnes de Lestrade e de Valeria Docampo da editora Tramuntana. Unha lectura de amor e amizade que nos engachou ata o último momento.
Ola amiguiños e amiguiñas!! O pasado 13 de febreiro foi o "Día Mundial da Radio" e a nosa radio: Radio Garabullo, celebrouno moito co Entroido e os seus programas foron emitidos tanto en Radio Voz coma en Ponte nas Ondas. Para Radio Garabullo é un orgullo poder escoitarvos noutras radios. Sodes os mellores locutores do mundo e se queredes ver os vosos programas picade na imaxe:
Radio Voz no programa de Amelia Ferreiroa "Voces do Deza" emitido o luns 12 de febreiro, tedes que picar aí, no 12 de Febreiro de 2024:
Ponte nas Ondas, non esquezades picar na imaxe e na parte que se corresponde co noso cole:
Ola amiguiños e amiguiñas!! Chegou o día . Hoxe en Radio Voz no programa de Amelia Ferreiroa "Voces do Deza" podedes escoitar dúas entrevistas. Unha feita por Mariña e Izan de 4º a Xosé Filloy para saber máis dos Baldréus. Outra feita polo alumnado de 6º a Xosé Casal acerca do Alto dos Xenerais de Bandeira. Ambas podedes escoitalas a partir da unha.
Ola amiguiños e amiguiñas!! Como todos os anos o alumnado deste cole participa no Alto dos Xenerais Infantil. Coma todos os anos mañá temos o Alto en primicia para nós. E coma todos os anos José axuda a asociación do Entroido á preparación do Alto Infantil. Se ademais temos en conta que o vindeiro día 13 de febreiro é o Día Mundial da Radio e piden que fagamos algún programa de radio relacionado co Entroido... Xuntamos todo e invitamos a José para facerlle unha entrevista sobre o Entroido. Os encargados de facela foron os nenos e nenas de 6º e foi unha mañá moi divertida e entrañable na que aprendemos moito do Entroido. Non deixedes de escoitala!!
Ola amiguiños e amiguiñas!! Un ano máis entramos no Entroido acompañados de investigación e creación. Non só recreamos os sombreiros e máscaras de Entroidos moi famosos coma son o de Cobres, Laza, Verín ou o noso de Bandeira, senón que tamén investigamos e quixemos contar en Radio Garabullo todo o que descubrimos. Non volo perdades!!
Ola amiguiños e amiguiñas!! Como ben sabede estamos dentro dun proxecto que se chama "Ler en Familia" e unha das vosa compañeiras, Noela de 5º, invitou ao seu primo Iago a vir a falar con nós do que sabe: Do balonmán.
Os nenos e nenas de 5º pasaron unha xornada estupenda falando e practicando balonmán e como non aproveitando a ocasión para entrevistar a este porteiro tan divertido. Escoitade:
O Ceip de Bandeira convídavos a coñecer, coa axuda de Garabullo, a nosa Biblioteca e a mergullarvos no fascinante mundo dos libros. Neste curso viaxaremos a miles de experiencias inesquecibles... AGARDÁMOSVOS!!!!
Buscar este blog
PDI "Retallos"
Actividades feitas para apoiar o Proxecto da Biblioteca e VOZ NATURA
BIBLIOTECA CREATIVA 2023-2024
Premendo na imaxe podedes ver as actividades de Biblioteca Creativa
LECTURA E FAMILIA
Premendo na imaxe poderedes acceder ás actividades relacionadas con este proxecto
Bibliotecas Escolares
RADIO NA BIBLIO
Preme na imaxe e poderás ver todos os "Podcast" de Radio Garabullo para RADIO NA BIBLIO
.jpg)
.jpeg)
.jpeg)
.jpeg)
.jpeg)
