Ola amiguiños e amiguiñas!! Hoxe en Radio Garabullo naceu un novo programa: "As tres Maruxas" da man de Irene, Patricia y Antía de 4º. Cada mes "As tres Maruxas" abordarán unha conmemoración con entrevistas e investigacións creando un programa do máis divertido e interesante.
Nesta ocasión abordaron o 25 de novembro "Día Internacional da Eliminación da Violencia contra a Muller". Un fantástico programa que non debedes deixar de escoitar.
Ola amiguiños e amiguiñas!! Somos fortes e libres así di o retrouso que se repite na canción "Que non mo neguen" das TANXUGUEIRAS.
As tanxugueiras son mulleres fortes, valentes e empoderadas. Cantareiras dunha nova década. Olaia Maneiro, Aida Tarrío e Sabela Maneiro, son as máximas expoñentes dunha xeración aberta á evolución e reformulación das músicas de creación colectiva galega.
Ola amiguiños e amiguiñas!! Esther de 6º e Jaime de 5º seguen emitindo en directo os martes para o comedor da escola dende Radio Garabullo. Como cada semana, encárganse de traernos as novas do que estamos a facer na escola e de todo o que acontece na nosa contorna.
Ola rapaces e rapazas!! Xa sabedes que Radio Garabullo está comezando unha nova temporada. Onte tivemos un novo programa de "As novas á hora de comer e curiosidades do tempo de lecer" con Esther de 6º e Jaime de 5º"; falaron do magosto e das cousas que se están a preparar para as vindeiras semanas. Non deixedes de escoitalo e animádevos a crear os vosos propios programas cos vosos amigos, cos compañeiros da clase, cos mestres,... Radio Garabullo está esperando as vosas propostas. Vide pola biblioteca coas vosas ideas!!
Ola amiguiños e amiguiñas!! Novas sorpresas!! Radio Garabullo comezou a unha nova tempada de emisións radiofónicas. Hoxe, e en directo para o comedor da escola, Esther de 6º e Jaime de 5º deron comenzo unha nova edición do seu programa "As novas á hora de comer e curiosidades do tempo de lecer". Un programa divertido e un pouco tolo que todas as semanas dará a coñecer todo o que se coce na nosa escola e na súa contorna. Escoitade!!
Queredes ver como nos divertimos? Pois ollade!!
Ola amiguiños e amiguiñas!! Xa estamos outra vez funcionando. Dende a primeira hora do luns as paredes da nosa biblioteca vibraron coas vosas visitas. Foi un día de presentación e de maxia onde ata eu cobrei vida grazas ós vosos compañeiros de 6º. A biblioteca abriu ás súas portas e agardaba con moitas sorpresas e agasallos: os contos de Os Bolechas, pulseiras da biblioteca, as normas, os carnés, un vídeo moi chulo,... un montón de cousas que recollemos neste vídeo para que non esquezades o ben que o pasamos.
Ola amiguiños e amiguiñas!! Remata o curso e as actividades que con el comezamos como é o caso do proxecto Digicraft, aínda que agardamos continuar con el para o vindeiro ano.
As últimas sesións foron máis divertidas dirixidas a coñecer o "Sphero" e outras facetas do Kit de Digicraft como foi a de interpretar distintas composicións músicais... Cousa que aproveitamos para meterlle o gusaniño de Digicraft ós máis pequenos!!
Empezamos con "Indiana...bot. Coñecendo a Sphero"
Ola amiguiños e amiguiñas!! Xa estamos rematando o curso e polo tanto os nosos proxectos... Aínda así vós seguides insistindo en facer rutas e tramos do Camiño de Santiago!! Neste caso, o alumnado de 6º conseguiu sairse co seu e fixo unha ruta ata o "Muiño de Covián". Seguiremos Facendo Camiño.
