Bicos e non balas de Antonio García Teijeiro é o poemario escollido polo alumnado de 6º.
Con este poemario amósannos que pola nosa boca poden saír palabras feas (balas) e fermosas (bicos). Podemos reclamar a berroversos, a paz. Velaquí unha selecciónde poemas sobre a paz de Antonio García Teijeiro, un dos poetas galegos que máis e mellor entenderon que non hai camiño para a paz, senón que a paz, e a poesía, son o camiño. Bicos en non balas
Imagine é un álbum ilustrado que da a coñecer unha canción coa queJohn Lennon quería invitarnos a crear un mundo en paz.
Os compañeiros e compañeiras de 4º escolleron este conto-canción para dar a coñercer este alegato cheo de forza , escrito cun amor impresionante e profundo pola humanidade e o seu futuro".
Non deixedes de escoitar IMAGINE, fermoso himno acompañado dunha mensaxe feita polos nenos e nenas de 4º ao final do conto.
Imagine polo alumnado de 4º
Ola amiguiños e amiguiñas!! Os nenos e nenas de 3º escolleron un conto de Dereck Munson: Pastel para inimigos.
Que acontece cando se presenta un verán perfecto pero o único inimigo que tes convértese no teu veciño... Que pode pasar cando o teu pai aconséllache facer un pastel para inimigos? Como rematará todo?
Non deixedes de escoitar Pastel para inimigos por 3º de primaria.
Ola amiguiños e amiguiñas!! Xa chegou o Día da PAZ e os nenos e nenas de 2º, na clase de valores, escolleron unha lectura de Gianni Rodari para acompañarnos nesta semana de lecturas pola PAZ dende a RADIO.
Escolleron facer unha lectura contada a través do propio conto para animarnos a seguila e lela con eles.
O narrador preséntanos a un neno que ao mesmo tempo son sete nenos. Cada un deles totalmente diferente pero ao memos tempo son todos completamente iguais... Curiosa historia que trae da man unha fermosa mensaxe de PAZ.
UN E SETE contada polos nenos de 2º:
Os nenos e nenas de 1º escolleron contarnos A guerra dos números.
O un era un número moi pequeno. Sempre estaba só e sentía envexa dos demais, que tan superiores lle parecían. Un día. o Rei Menos deulle os planos para construír unha arma terrible: O Signo MENOS.
Non deixedes de escoitar este conto para a PAZ proposto polos vosos compañeiros de 1º
Ola amiguiños e amiguiñas!! Os compañeiros e compañeiras de infantil escolleron o conto de ELMER para compartir con nós estas lecturas pola PAZ dende a radio.
Elmer, o elefante multicolor, é un clásico infantil que transmite valores positivos tan importantes coma a solidariedade, o respecto, a amizade e , sobre todo, a celebración da diferenza.
Non deixedes de escoitar e ver este conto que escolleu infantil para compartir con nós esta semana da PAZ. Podedes escoitalo directamente dende ivoox ou ver o vídeo apoiado en imaxes que as profes de infantil prepararon para nós.
ELMER de Infantil. Contos da PAZ pola Radio!!
Ola amiguiños e amiguiñas!!! Como cada ano imos a celebrar o Día internacional da PAZ e da non Violencia. Coma sempre empregando a ilusión e o inxenio decidimos contarnos contos a través da Radio. Contos que pasarán polas aulas e que escoitaremos e disfrutaremos durante a "Hora de Ler".
Imagine, Siete y uno, A guerra dos números, Elmer,... Invítovos a gozar destas lecturas que dende hoxe estarán colgadas para todos na Radio e no Blog.
FELIZ DÍA DA PAZ!!
Un día máis Esther e Uxía emiten en directo para o comedor do cole!! Coma sempre veñen cargadas de novas interesantes e algunha información da Biblioteca.
Se queredes saber o que está a pasar na biblio...
Escoitade Radio Garabullo e estaredes actualizados!!
Ola amiguiños e amiguiñas!!
Xa temos o itinerario lector en marcha. Os libros son os escollidos polos vosos titores e titoras. Xa sabedes que sempre buscamos aqueles contos que máis gusten e que se adapten ós vosos intereses e inquedanzas.
Aquí deixo o listado de lecturas do itinerario lector para este ano. Preparados para divertiros e aprender coa lectura?
Ola amguiños e amiguiñas!! Esta semana Radio Garabullo comezou a emitir en directo para o comedor do cole. Unha vez máis cargada de novas, parabéns e algunhas sorpresas.
Hoxe deixamos para todos e todas vós o primeiro programa de Radio Garabullo 2021!!
Ola amiguiños e amiguiñas!!
Nesta ocasión os compañeiros de 1º a 3º de primaria participaron nunha actividade na que tiñan que crear un proxecto de realidade aumentada no que puideron ver un obxecto en 3D sobre un debuxo coloreado por eles. Remataron a actividade xogando a un videoxogo no que tiveron que aprender a organizar eficazmente arquivos dixitais.
Aproveitade as vacacións e animade a papá e a mamá a entrar en Digicraft e experimentar coas actividades que alí vos propoñen picando no seguinte enlace:
https://digicraft.fundacionvodafone.es/actividades
Para convencelos amosádelle este vídeo e o ben que o pasamos!!
Felices Vacacións!!
Ola amiguiños e amiguiñas!!! Como ben sabedes seguimos coas actividades de DIGICRAFT.
"Empeza por A" é un xogo de preguntas e respostas cobre conceptos de tecnoloxía que implican a utilización de distintos buscadores de internet co obxectivo de atopar as respostas correctas.
Se na casa queredes aprender máis cousas de DIGICRAFT picade no enlace e experimentade nas casas coas vosas familias.
https://digicraft.fundacionvodafone.es/actividades
E mentres aquí deixamos un vídeo do ben que o pasamos nesta actividade.
Felices Vacacións!!
