jueves, 17 de diciembre de 2015

RECOMENDACÓNS DE LECTURA


Ola amiguiños e amiguiñas!!
Xa estamos na recta final. As vacacións chegan cedo e nós liados cos  preparativos para o festival, os últimos exames e as actividades que temos que rematar para empezar as vacacións, e gozar do noso tempo de lecer. E... que mellor xeito que aproveitar as vacacións de Nadal que adicando un cachiño do noso tempo a lectura?
Déixovos unha selección duns contos moi divertidos e interesantes para ler nas vacacións ou pedir de agasallo nestas datas.
Un saudiño e xa sabedes... VÉMONOS NA BIBLIOTECA!!!

miércoles, 2 de diciembre de 2015

Os contos do Magosto

Ola amiguiños e amiguiñas!!
Xa case está a rematar o outono. Un outono que trouxo contos como Feliz Feroz, Un cóndor en Madrid ou A vaca Victoria... entre outros.
Mentres as  follas secas e douradas caían chegaba o San Martiño e toda escola reuniuse no patio para a un so berro lanzar os trompos no recreo.
As carreiras e os xogos tradicionais sucedéronse no Magosto que rematou coas mellores castañas asadas do mundo. As castañas de Mejuto que máis que estourar... querían avisar de que a festa non podía rematar!!
Xogamos, comimos castañas, pintamos as fazulas, botamos carreiras e como non? Cantamos tamén... 
O outono segue traendo frío e agora na biblioteca atoparedes os mellores contos para quecer lendo....
Un saúdo e xa sabedes VÉMONOS NA BIBLIOTECA!!!



martes, 1 de diciembre de 2015

ATA SEMPRE MESTRE NEIRA VILAS

Esta fin de semana dixémoslle adeus a un grande escritor, amigo, mestre,...
Neira Vilas dicía que as cousas pequenas son as que aportan pequenos momentos de felicidade. El trouxo un deses momentos de felicidade á nosa escola. Falando con todos, dende os cativos de 3 anos ata os maiores de 6º de primaria, foi quen de atraparnos nas súas historias e nos seus contos.
Nestes días non atopamos mellor xeito de homenaxealo que recordando aqueles momentos tan importantes para nós e que forman xa parte da nosa biblioteca e das nosas vidas!!!




NOVIDADES DE LECTURA

Ola amiguiños e amiguiñas!!!
Xa tedes as novidades que foron chegando ao longo do mes de novembro a nosa biblioteca. Non perdades a oportunidade de ser vós que as recomendedes!!.
Un saúdo e xa sabedes...VÉMONOS NA BIBLIOTECA!!!


miércoles, 25 de noviembre de 2015

Tod@s contra o maltrato

Ola amiguiños e amiguiñas!!!
Hoxe celebramos unha data especial: O Día contra a Violencia de Xénero.
A través de Todos contra o maltrato os nenos e nenas de 6º comezan unha actividade  que terá o seu remate o Día da Paz.
Un vídeo que quere facernos cavilar na forza da palabra, dos xestos, das actitudes... ollemos un vídeo que non pode deixarnos indiferentes.
Esta é a presentación que os rapaces e rapazas de 6º fan do seu vídeo:


DÍA INTERNACIONAL CONTRA A VIOLENCIA DE XÉNERO

"Considérase violencia de xénero ao maltrato contra a muller por selo.

Queremos mostrarvos un vídeo no que participamos os alumnos e alumnas de 6º para conmemorar esta data. Na realización do mesmo,  serviunos de inspiración un vídeo contra o acoso escolar,  titulado: El poder de las palabras.

Actualmente a gran maioría da sociedade considera inxustificable calquera agresión física, que ademais de verse facilmente, pode deixar marca; pero a violencia ten un sentido moito máis amplo.

Nós centrámonos no poder que teñen as palabras para facer dano  á persoa, neste caso á muller.

Este vídeo ten unha segunda parte que consiste na representación das mesmas escenas, pero de forma respectuosa. Realizaremos este traballo desde agora,  ata o Día da Paz".

Parabens rapaces e rapazas por un fantástico traballo que ansiamos ver rematado!!!


viernes, 6 de noviembre de 2015

TI ERES A VIDA

Ola nenos e nenas!!
Hoxe diríxome a vós para lembrar unha actividade que fixemos todos xuntos a mediados de outubro.
Ao longo de setembro e outubro, unha cadea de radio, CADENA 100, andaba a organizar uns concertos. Quería recaudar cartos para investigar unha dura enfermidade que sofren moitas mulleres: O CANCRO DE MAMA.
"Maldita Nerea" é o nome dun grupo que compuxo un tema para esta ocasión. Os cartos recaudados tamén serán invertidos na investigación desta enfermidade. O compositor da canción pedía vídeos onde saíra a frase "TU ERES LA VIDA".
Dende a escola quixemos contribuír a facer o noso vídeo pero non o puidemos mandar a tempo. Mais sabemos que nunca é tarde para enviar o noso apoio a esas grandes loitadoras, porque como di a canción ELAS SON A VIDA.
Un saúdo e xa sabedes... VÉMONOS A BIBLIOTECA!!!



Ollade como fixemos o cartel!!!!


Click to play this Smilebox slideshow
Create your own slideshow - Powered by Smilebox
This photo slideshow made with Smilebox

A biblioteca nos Recreos

Ola amiguiños e amiguiñas!!
Grazas polas vosas visitas á biblioteca durante os recreos.
É unha ledicia ver como vides a ler, traballar, coller contos, xogar,... 
Temos unha biblioteca viva e esta é a mostra.
Un saúdo e xa sabedes... VÉMONOS NA BIBLIOTECA!!!



GARABULLO vai a 2º

Ola amiguiños e amiguiñas!!!
Saúdo especialmente aos nenos e nenas de 2º. Hai un par de semanas deixáronme un montón de debuxos na miña caixa de conversas.
Vendo a ilusión e as gañas de traballar deste curso fixo que fora ata a súa aula e lles pedira que prepararan contos para lerlles
aos nenos e nenas da escola.
Esta semana descubrín que xa fixeron equipos e que teñen os contos seleccionados.
Agora tócalles traballar!!
Dende aquí doulle as grazas e deixo a foto que nos fixemos cando os fun visitar.
Estou desexando escoitar os vosos contos!!
Un saúdo e xa sabedes...VÉMONOS NA BIBLIOTECA!!!

miércoles, 4 de noviembre de 2015

Yo mataré monstruos por ti

Ola amiguiños e amiguiñas!!!
Aproveitando as festas de Samaín, Lucía de 5º recomenda que leades "Yo mataré mostruos por ti".
de Santi Balmes, da editorial Principal de los libros. Neste conto vemos como Martina é unha rapaza que ten medo polas noites. Pensa que debaixo do solo da súa habitación escóndese un mundo no que viven uns monstruos que camiñan cabeza abaixo. Que pasaría se a frontera entre os dous mundos se rompera?
Xa tedes o libro na Biblioteca!!!
Luci deixa a súa recomendación e ...
Xa sabedes... VÉMONOS NA BIBLIOTECA!!!


martes, 27 de octubre de 2015

DÍA DAS BIBLIOTECAS

Ola amiguiños e amiguiñas!!!
Hoxe celebramos o Día das Bibliotecas.
Grazas a axuda dos rapaces e rapazas de 6º, os novos axudantes de biblioteca, puidemos celebrar este día cun vídeo co que ademáis de divertirnos lembramos as normas da Biblioteca.
Presentamos un novo ano cheo de sorpresas. A biblioteca vai amosar máis vida que nunca.
Veredes coma este ano, eu, Garabullo, vou aparecer nas vosas aulas (en 2º xa estiven).
Ides presentar os contos que me pedides e contar moitos contos. Investigar e explorar vai a ser o noso punto de partida, a meta aprender moito e divertirnos no camiño.

León de Bibliteca

Ola amiguiños e amiguiñas!!
Aquí queda o vídeo de León de Biblioteca!!
Os nenos e nenas de 6º estiveron explorando as posibilidades dun conto para abrir as portas da Biblioteca e chegaron a esta adaptación do libro de Michelle Knudsen. Con el celebramos o Día das Bibliotecas con toda a escola.
Agardo que vos guste
Un saúdo e xa sabedes... VÉMONOS NA BIBLIOTECA!!!



lunes, 13 de julio de 2015

QUE PLANTAMOS PARA XANTAR?

Ola amiguiños e amiguiñas. Para rematar este curso 2014-2015 cheo de ilusión e traballo e darlle entrada ao novo curso, decidín publicar o voso traballo de investigación. Un traballo que, o longo do curso, fúchedes facendo nas aulas. Baixo o título de QUE PLANTAMOS PARA XANTAR? cada ciclo tivo que adicarse a investigar sobre distintos temas: 
- Infantil sobre Os froitos de Outono.
- 1º ciclo sobre Os Cereais
- 2º ciclo sobre A Pataca
- 3º ciclo sobre O solo e a auga
Buscamos información na rede, preguntamos na casa, investigamos na biblioteca, e descubrimos e aprendimos moitas cousas.
Relacionamos o noso saber con contos, con cuadros ou arte  e levámolo á aula e aos nosos compañeiros onde lles contamos o aprendido con murais expostos polos pasillos, con power points ou con cancións.
Hoxe sabemos un pouco máis da auga, do solo, da pataca, dos cereais e dos froitos de outono... e o voso saber quedará aquí recollido nas seguintes entradas e nos libros que deixáchedes para a biblioteca.
Grazas polo voso traballo!!!
Un saúdo e xa sabedes... VÉMONOS NA BIBLIOTECA!!!


 Infantil OS FROITOS DO OUTONO


 1º ciclo OS CEREAIS



2º ciclo A PATACA



3º ciclo O SOLO E A AUGA

 
 

O SOLO NO HORTO

Os alumnos de 6º investigaron o solo e amosáronnos a importancia que ten para que as nosas colleitas sexan boas. Non volo perdades.

O Solo No Horto

A AUGA NO HORTO

A proposta de investigación feita polos nenos e nenas de 5º para o PDI foi A auga no horto. Este é o resultado dun traballo moi interesante.


A Auga No Horto.

A PATACA

O alumnado de 2º ciclo investigou sobre a pataca. Aquí tedes un montón de curiosidades sobre a pataca. Incluso algunhas receitas riquísimas!!!







OS CEREAIS

Cando dende a biblioteca propuxemos o título de QUE PLANTAMOS PARA XANTAR? para buscar temas de investigación que uniran a toda a escola os de 1º ciclo escolleron Que plantamos para xantar? Investigaron sobre este tema e aprenderon moitas cousas. Como peche ao seu traballo cantaron unha canción. Este foi o resultado do seu traballo.






OS FROITOS DO OUTONO

Os rapaces e rapazas de infantil investigaron e traballaron cos froitos do outono. Descubriron montones de cousas e este é o resultado do seu traballo. Se queredes velo aquí volo deixo, lembrade que tamén o tedes na biblioteca para ollar tanto como queirades.
 

Os Froitos Do Outono

jueves, 9 de julio de 2015

REMATOU O CURSO

Felices Vacacións!!!
Con cantas ganas tomamos estas vacacións!!! Xa toca descansar despois dun ano de tanto traballo.
Non podo rematar este ano sen dar as grazas a todos os que facedes que a biblioteca sexa tan fermosa, a todos e todas as que a coidades e facedes que os libros teñan vida. .Aqueles que facedes que cada recuncho da biblioteca sexa especial.
En especial grazas ao equipo directivo que se vai José, Mercedes e María por coidar da biblioteca e por apoiar a Garabullo en todo. Por decir que si a todo o que esta mascota di ou propón. Tamén desexarlles moita sorte a Susana, Merche e María que forman o novo equipo directivo. Sabemos que vai a haber moito traballo porque a biblioteca somos todos e todas.

Grazas aos alumnos e alumnas de 6º por axudar na biblioteca sempre, poñendo o seu tempo de lecer ao noso servizo e sempre coma un premio. Sempre cumprindo a vosa labor con tanta ilusión. Agora tedes que levar a vosa ilusión pola biblioteca ao instituto. Seguide facendo revivir os libros nas vosas mans. Non esquezades que a biblioteca forma parte xa das vosas vidas e sempre estará aberta para vós.
Felices Vacacións e xa sabedes:

VÉMONOS NA BIBLIOTECA!!!

 

martes, 23 de junio de 2015

PARECE UNHA ROSA

O curso remata e con el as actividades xa comezadas,
Os rapaces e rapazas de 5 anos infantil descubriron a poesía de Rosalía de Castro. Ao longo deste ano foron a biblioteca para coñecer os seus poemas dun xeito diferente. A través da lectura, da interpretación escrita, dos debuxos, das actividades plásticas entenderon mellor o que Rosalía lles contaba.
Hoxe amosámosvos o seu traballo  co poema "Parece unha Rosa".







 
O mesmo pasou na aula de 2º . Este ano tamén quixeron achegarse á figura da poetisa. Participaron na actividade de "Eu son Rosalía cando..." e descubriron a súa poesía. Quedaron engaiolados co libro e poema Parece unha rosa.
 
 
O gusto por un mesmo poema xuntou  a dúas aulas. Así 5 anos infantil e 2º decidiron liberar o seu poema no horto. Había  que honrar á figura de Rosalía de Castro. E fixéronno mellor que ben.


RECOMENDACIÓNS DE LECTURA VII


Os rapaces de 5º fixeron un pequeno club de lectura.
Escolleron o libro O misterio dos fillos de Lúa. Contan que a Lúa, a gata, desaparécenlle os gatiños ó día seguinte de telos. Por iso miaña tristeira e busca compañía. David, que reclama explicación para todo, non entende este misterio. Quen lle leva os fillos a Lúa?  Decide, coa axuda da súa novia Branca, que non ha parar ata ter a resposta.
Este foi o resultado do seu traballo e con el rematamos as recomendacións de lectura dese ano
Agardo que vos gusten.
Un saúdo e xa sabedes... VÉMONOS NA BIBLIOTECA!!!
 

martes, 16 de junio de 2015

RECOMENDACIÓNS DE LECTURA VI

Ola amiguiños e amiguiñas:
Rematamos as recomendacións de lectura dun xeito moi diferente. Esta vez recomendamos fábulas, chistes e cun contacontos impresionante.

A Pablo de 3 anos infantil encántalle o conto "Loboferoz" da editorial OQO. Recomenda este conto léndolle un anaco aos compañeiros no patio. Non volo perdades!!


A Noelia e a Sara de 2º úneas o seu gusto polas fábulas. Sara prefire "Fábulas con moraleja" de Servilibro Edicións; mentres que Noelia amosa máis interés polas "Fábulas del Mundo" da editorial LIBSA.


E para rematar, un final feliz con Lois de 2º que recomenda ler chistes "365 chistes infantiles" da editorial Susaeta.

Agardo que todas estas recomendacións fosen do voso gusto.
Non esquezades que a lectura lévanos a un mundo imaxinario, a un mundo de fantasía,
Que ler é a única actividade que pode facerse en calquera sitio do mundo, que pode disfrutarse so e acompañado e que grazas a ela pasamos momentos inesquecibles.
Lembrade:

 "LEMOS PORQUE NOS PETA"
"LEMOS ONDE NOS PETA"
FELICES LECTURAS!!!
 
 




lunes, 15 de junio de 2015

RECOMENDACIÓNS DE LECTURA V

E continuamos coas recomendacións. Dende o horto e dende a Biblioteca, sós ou cos compañeiros, para ler todo vale e as lecturas todas distintas e todas maravillosas, dende o conto, a poesía ou libros de sentimentos. Escoitade as recomendacións dos vosos compañeiros e compañeiras.

Axel de 3º recomenda "Os tres Bandidos" de Tomi Ungerer editado por Kalandraka.


 
 
Para Luisa de 2º "La Princesa de las Nieves" editado por Piruleta é un conto fermoso que ten una bonita historia de amor.

Paula de 2º recomenda o conto-poema de Rosalía de Castro "Parece una rosa", primeiro libro da colección de poemas Lúa Lueira de Espiral Maior.



Elena de 2º le coa súa nai todas as noites "El libro de los sentimientos para niños" porque así sabe como se sinte mamá e pode entendela mellor. Está escrito por Marta Montaña e Jesús Ballaz en B de Blok


Para rematar Lía de 2º recomenda "O Rabaño" de Margarita del Mazo e Guridi, editado por la Fragatina. Un conto para pasar un rato moi divertido.

 

 

viernes, 12 de junio de 2015

RECOMENDACIÓNS DE LECTURA IV

E seguimos coas recomendacións!!
Ollade como calquera sitio é válido e todas as lecturas valen.

Mateo de 3º  pasa momentos estupendos co cómic e recomenda "El mal trago de Obelix" de Uderzo e editado por Salvat

 
Xabi de 2º está feliz lendo no horto. O seu conto preferido é "La mariquita perezosa" da  Editorial Zendrera Zariquiey , mirade que ben o pasa...
 
 
Marcos de 3º le historias máis longas e con intriga... "Gerónimo Stilton y sus viajes al Reino de Fantasía" editado por Planeta. Verdadeiras aventuras para disfrutar durante o verán!!!
 



Lucas e Marco de 5º xa teñen un recunchiño onde ler, deixan escapar susurros e  risas. O conto que escolleron son cómics de "Os Simpsom"

 
Contiunuade aconsellándonos contos e non esquenzades que na Bandeira "Lemos porque nos peta" e "Lemos onde nos peta".
 


miércoles, 10 de junio de 2015

RECOMENDACIÓNS DE LECTURA III

Seguen a chegar recomendacións de lectura!!!
Hoxe vades a ver como calquera recuncho da biblioteca ou calquera zona de xogo vale para ler un bo libro.
Hoxe as recomendacións veñen da man de:

Pablo e Rubén de 3º recomendan "Mortadelo e Filemón contra Jimmy e Cachondo" de Ibáñez, semella moi divertido e case que da envexa o ben que o pasan!!
 

Para Arón de 2º "El pez que sonreía" De Jimmy Liao, da editora Barbara Fiore é un conto especial de amizade entre un home e un peixe.


Samuel de 2º  prefire aprender máis cousas dos animais con "¿Quién come a quién?" de Andrea Mizielinska da editorial Libros del zorro rojo.


Sabela de 2º busca un momento de risa lendo "A casa da mosca chosca" de Eva Mejuto Rial e editado por Kalandraka.


 Carme de 2º xunto cos protagonistas do conto quere saber o que esconde "O abrigo misterioso" de Jeannette Jenning editado por Kalandraka.

 
Finalmente Silvia de 1º disfruta un montón con "Chivos chivones" adaptado por Olalla González da editorial Kalandraka
 

Haberá aquí un conto que vos guste... podedes levalos para a casa na mochila do verán. Pasade pola biblioteca!!!



ADIÓS RÍOS, ADIÓS FONTES

Ola amiguiños e amiguiñas!!
Os nenos de 5 anos de infantil, ao longo deste ano, estiveron traballando a figura de Rosalía de Castro.
Empezaron a traballar con ela o 24 de febreiro, o Día de Rosalía, homenaxeando a esta muller, interpretaron varios dos seus poemas. Hoxe deixáronnos un dos máis sonados "Adiós ríos, adiós fontes".
Continuaremos con máis sorpresas. Disfrutade con este poema!!


martes, 9 de junio de 2015

RECOMENDACIÓNS DE LECTURA II

Continuamos coas recomendacións de lectura feitas polos vosos compañeiros e compañeiras.
Hoxe temos as de:

Marta de 4º que escolleu Kika Superbruja de Knister, da editorial Bruño, ideal para pasar unha tarde de verán pensando en facer maravillosos feitizos.

 
Lois, Adán, Mikaela e Aroa de 3º que escolleron: Valores de Oro de Cristina Núñez Pereira, da editorial Palabras Aladas, porque saben que se perseguimos o noso soño podemos acadalo.
 
 
Para Eugenia de 4º, Cereza Guinda de Benjamin Lacombe e publicado en Edelvives é un conto fermoso. Temos que pensar o importante que pode ser unha mascota nas nosas vidas.
 
 
Rocío de 6º escolleu A zorra e as uvas de La Fontaine, da Editorial Susaeta. Dende pequeña disfrutou deste conto e agora tócavos a vós telo na vosa biblioteca
 
 
 
Agardo que vos gusten estas recomendacións. Deixo un vídeo onde contan eles  de primera man o que pensan destes contos.
 
 
 

Un saúdo e xa sabedes... VÉMONOS NA BIBLIOTECA!!!

sábado, 6 de junio de 2015

RECOMENDACIÓNS DE LECTURA

Ola amiguiños e amiguiñas!!
Preparados xa para as vacacións? Algúns dos vosos compañeiros aceptaron a proposta de aconsellar aqueles contos que máis lles gustaron.
Ao longo desta semana iremos colgando as vosas recomendacións. Tomade nota!!!
A primeira recomendación ven de Xoana de 5º con Co dedo no nariz de Daniela Kulot-Frisch da editorial Kalandraka.

Cristian de 4º ve Este Alce es mío moi divertido. É un libro de Oliver Jeffers editado polo Fondo de cultura Económica.

Claudia de 4º está a ler A historia interminable de Michael Ende. Editado por ALFAGUARA. Cóntao con tanta ilusión que xa mete a gaña de lela.

Estas recomendacións rematan con Sara e Cristina de 6º que decidiron recitar un poema do poemario O meu gato é un poeta de Fran Alonso publicado por Edicións Xerais e así amosarvos o que vos estades a perder.

Pasádeo ben con este vídeo e xa me contaredes. Mañá máis
Un saúdo e xa sabedes... VÉMONOS NA BIBLIOTECA!!!