lunes, 25 de febrero de 2019

III Encontros Escolares de Entroido

Ola amiguiños e amiguiñas!! Un ano máis tivemos os nosos Encontros Escolares de Entroido, tal coma viñamos anunciando. De momento non colgamos o Alto dos Xenerais infantil porque queremos sorprender ás xentes da Bandeira que queiran pasar a ver o "Noso Alto" o sábado 2 de marzo. Pero si deixamos as fotos dunha xornada que os alumnos de 5º e 6º viviron o pasado mércores en Vila de Cruces.
Divertídevos con elas!!!


martes, 19 de febrero de 2019

ATRANQUES ESCOLARES DOS XENERAIS DO ULLA

Xa está aquí o Entroido. Escoitamos, nos recreos, coma os maiores preparan, un ano máis, as súas "arengas" para o "Alto dos Xenerais" (o alto infantil, claro está). Coma en anos anteriores compartiremos o noso alto con outros centros que están traballando, coma nós, para conseguir que os Atranques dos Xenerais do Ulla, continúen no tempo. É a nosa tradición e non debemos permitir que se perda.
Este ano foi o CEIP Cerdeiriñas de Piloño o que nos xuntará mañá no Auditorio de Vila de Cruces para celebrar os III Encontros do Entroido. Alí ademáis do noso cole e o de Piloño tamén estarán, coma en outras edicións, o IES Marco do Camballón, o CEIP Nosa Señora da Piedade e o CEIP de Merza.
Tamén contamos coa axuda de asociacións como a Asociación Cultural do Vello dos Cornos, Asociación amigos de Salgueiros e a Asociación Cultural Cornamentas de Piloño; así coma o apoio dos concellos de Vila de Cruces e de Silleda.
Agardamos que sexa unha xornada inesquecible que xa vos contaremos.
Un saúdo e... VIVA O ENTROIDO! 

ANTÓN FRAGUAS

Ola amiguiños e amiguiñas!!
Este ano as letras galegas 2019 están dedicadas a Antón Fraguas, escritor, historiador, antropólogo e etnógrafo moi amante da súa terra e dos seus costumes e tradicións.
Non ten contos nin poemas dos que nos gustan aos nenos e nenas pero a través da súa biografía veremos o interesante e grande home que foi e aprenderemos moito das nosas tradicións.
Polo momento mándovos as aulas este libro escrito por Héctor Cajaraville: «Antonio Fraguas. O bo mestre, o mestre bo»
que conta moitas cousas deste escritor e Mestre, grande persoeiro da cultura galega do século XX.




lunes, 18 de febrero de 2019

ASTRONOMÍA 1º

Ola amiguiños e amiguiñas!!! Hoxe déixovos o resultado dun proxecto de investigación de "Astronomía e o Espazo" feito polos nenos e nenas de 1º. O resultado o plasmaron nestas representacións plásticas do Universo. Gústanvos??


viernes, 15 de febrero de 2019

UN E SETE

Brais e Paulino escolleron un libro de Gianni Rodari Uno y siete onde atopamos a historia dun neno que a súa vez era sete nenos. Cada un dos nenos era totalmente diferente pero ao mesmo tempo todos completamente iguais… Semella que é un lío verdade?
Pois non deixedes de escoitar este conto e veredes coma todo é máis fácil de entender.




martes, 12 de febrero de 2019

AQUÍ ES MI CASA

Aquí es mi casa é un libro de Jerome Rullier que ensina en apenas trece imáxenes cousas sobre o espazo dun mesmo, sobre a amizade, a integración, as claves da convivencia... un libro estupendo para aprender a rirnos da fronteiras e dos límites que nós mesmos nos marcamos.
Así o ven e contan Silvia e Euxea.
Non volo perdades!!

domingo, 10 de febrero de 2019

Por que?

Aquí temos a Miguel e Isaac cun álbum ilustrado de Nikolai Popov: Por que?
Para o autor "Se os nenos e nenas poden entender a insensatez da guerra, se se dan conta do fácil que é caer nun ciclo de violencia, quizais no futuro se convirtan en impulsores da paz".
Os vosos compañeiros fixeron os diálogos e así quedou a historia.
Agardo que vos guste!!


viernes, 8 de febrero de 2019

NADARÍN

Cristian, Santiago e Saúl escolleron o conto  Nadarín de Leo Lionni, un libro ideal que invita a pensar e aprender valiosas leccións vitais. O valor da diferenza e o respecto debido a quen é diferente. A superación dos medos, a forza de vontade para gozar do que nos rodea e coma mensaxe final lembrar que " A unión fai a forza"
Ollade a ver se vos gusta.
Un saúdo e vémonos na Biblioteca

martes, 5 de febrero de 2019

BAJO EL MISMO CIELO

Continuamos coa actividade de "Lemos en PAZ". Hoxe tocoulle a Rosalía e Ainhoa ler cos nenos e nenas de infantil.
Escolleron Bajo el mismo techo no que Britta Teckentrup fainos ver que todos vivimos baixo o mesmo ceo e a miúdo compartimos esperanzas e soños. É un fermoso álbum troquelado que valora todo aquilo que nos une aínda que sexamos diferentes.
Escoitade o conto... 

TODOS MENOS UNO

Lemos en PAZ é unha actividade que facemos todos os anos cando se achega o DÍA DA PAZ.
Este anos os maiores de 5º (colaboradores da biblioteca) decidiron ser os encargados de contarlle os contos en infantil. Entre moitos seleccionaron aqueles que máis fáciles eran de contar e de que infantil entenderá o valor de PAZ. 
As primeiras en contar o seu conto foron ZAIRA E ALBA. O conto que escolleron foi Todos menos uno. Un conto de Éric Battut. Narra a historia dun chícharo que quere ser diferente ao resto dos que vivían na súa mesma planta.
Mirade o vídeo veredes coma vos gusta.





lunes, 4 de febrero de 2019

CDU renovada

Ola amiguiños e amiguiñas!! Sabedes o que é a CDU? Pois é un consello de como clasificar e colocar todos os libros da biblioteca para que poidamos atopalos. Nós seguimos a que propoñen as Bibliotecas Escolares de Galicia. Este ano houbo unha pequena renovación da man de Óscar Villán que fixo uns debuxos que nos engancharon  e que decidimos aproveitar. Sabendo que cada vez se unen máis bibliotecas a esta CDU esperamos que pouco a pouco sexa máis doado atopar os libros en calquera biblioteca galega, ao facelo todos do mesmo xeito. Este foi o resultado.
Gústavos?


domingo, 3 de febrero de 2019

DÍA DA PAZ

Ola amiguiños e amiguiñas!! Lecturas na aula, palabras fermosas en distintas linguas e expresadas a través da plástica, lecturas compartidas e música rodearon este ano o noso "Día da Paz". 
O resultado material de tantas cousas vividas o temos na nosa "PIRÁMIDE DA PAZ". A lembranza das vivencias do que foron uns días interesantes, de aprendizaxe, de empatía e solidaridade quedan recollidos neste vídeo.
Un saúdo e xa sabedes… 
VÉMONOS NA BIBLIOTECA!!!

sábado, 2 de febrero de 2019

SAEN AS MOCHILAS VIAXEIRAS 2019

Ola amiguiños e amiguiñas!! Coma cada ano saíron xa as mochilas viaxeiras cargadas de contos, de maxia e ilusión. Entre lecturas, música, fotos e vídeos podedes gozar dunha fantástica semana de mochila viaxeira. Non esquezades levala as vosas casas e aprender un montón disfrutando.
Un saúdo e xa sabedes… VÉMONOS NA BIBLIOTECA!!