viernes, 24 de diciembre de 2021

POSTAIS DE NADAL CON LUCES (Digicraft)

Ola amiguiños e amiguiñas!! Hai uns anos que contamos con Paola Guimerans na escola, ensinounos a aplicar os circuitos as nosas creacións e poder engadirlles luces e sons. Aproveitando as súas ensinanzan cambiamos as nosas sesións de DIGICRAFT pola creación de postais con luces led. Queredes ver o que foi un traballos con postais e luces led? Pois ollade!!


lunes, 20 de diciembre de 2021

RECOMENDACIÓNS DE LECTURA

Ola amiguiños e amiguiñas!! Xa chegan as vacacións, o tempo de lecer, os agasaios... E coma sempre un ano máis o equipo de biblioteca estivo dándolle voltas aos andeis para buscar uns contos bonitos, interesantes, divertidos, variados,... para que todos e todas. Despois de moito ler, e moito pensar estas son as recomendacións de lectura que propoñemos para o NADAL.

Animádesvos a pedirlle aos Reis algún deles e contarnos que vos parecen? Agardamos por vós na Biblioteca para que nos contedes o que pensades destas recomendacións. A min encántanme todos os contos!! E a vós?


viernes, 3 de diciembre de 2021

ADORNAMOS O COLE

Ola amiguiños e amiguiñas!! Xa entramos no mes do Nadal e que mellor xeito de sentir esta época de festa que decorando o noso cole. Este ano, partindo do proxecto "Fortes coma Carballos" decidimos decorar o cole aproveitando ramiñas caídas, polas rotas,... e todo aquelo que atopamos cando imos de paseo polo monte... E, a verdade, que deixamos o cole ben fermoso. Este ano os adornos eram máis fermosos que os comprados. Ollade!!



jueves, 25 de noviembre de 2021

AS TRES MARUXAS E O 25 DE NOVEMBRO

Ola amiguiños e amiguiñas!! Hoxe en Radio Garabullo naceu un novo programa: "As tres Maruxas" da man de Irene, Patricia y Antía de 4º. Cada mes "As tres Maruxas" abordarán unha conmemoración con entrevistas e investigacións creando un programa do máis divertido e interesante.

Nesta ocasión abordaron o 25 de novembro "Día Internacional da Eliminación da Violencia contra a Muller". Un fantástico programa que non debedes deixar de escoitar.


miércoles, 24 de noviembre de 2021

SOMOS FORTES E LIBRES - 25 DE NOVEMBRO

Ola amiguiños e amiguiñas!! Somos fortes e libres así di o retrouso que se repite na canción "Que non mo neguen" das TANXUGUEIRAS.

As tanxugueiras son mulleres fortes, valentes e empoderadas. Cantareiras dunha nova década. Olaia Maneiro, Aida Tarrío e Sabela Maneiro, son as máximas expoñentes dunha xeración aberta á evolución e reformulación das músicas de creación colectiva galega.

"O Día Internacional da Eliminación da Violencia contra a Muller" é unha data que debemos ter en conta no calendario pola súa importancia. Os nenos e nenas temos moi claro que todos somos iguais e temos os mesmos dereitos e oportunidades, pero sentimos que non todos os maiores pensan igual. Para celebrar o 25 de Novembro queremos mandar unha mensaxe de igualdade e liberdade empregando a canción das Tanxugueiras "Que non mo neguen" e facendo da súa letra o noso lema: SOMOS FORTES E LIBRES!!


Programa 3 "As novas á hora de comer e curiosidades do tempo de lecer"

Ola amiguiños e amiguiñas!! Esther de 6º e Jaime de 5º seguen emitindo en directo os martes para o comedor da escola dende Radio Garabullo. Como cada semana, encárganse de traernos as novas do que estamos a facer na escola e de todo o que acontece na nosa contorna.


miércoles, 17 de noviembre de 2021

RADIO GARABULLO

Ola rapaces e rapazas!! Xa sabedes que Radio Garabullo está comezando unha nova temporada. Onte tivemos un novo programa de "As novas á hora de comer e curiosidades do tempo de lecer" con Esther de 6º e Jaime de 5º"; falaron do magosto e das cousas que  se están a preparar para as vindeiras semanas. Non deixedes de escoitalo e animádevos a crear os vosos propios programas cos vosos amigos, cos compañeiros da clase, cos mestres,... Radio Garabullo está esperando as vosas propostas. Vide pola biblioteca coas vosas ideas!! 


martes, 9 de noviembre de 2021

Nova temporada de "As novas a hora de comer e cuirosidades do tempo de lecer"

Ola amiguiños e amiguiñas!! Novas sorpresas!! Radio Garabullo comezou a unha nova tempada de emisións radiofónicas. Hoxe, e en directo para o comedor da escola, Esther de 6º e Jaime de 5º deron comenzo unha nova edición do seu programa "As novas á hora de comer e curiosidades do tempo de lecer". Un programa divertido e un pouco tolo que todas as semanas dará a coñecer todo o que se coce na nosa escola e na súa contorna. Escoitade!!


martes, 2 de noviembre de 2021

SAMAÍN 2021

Ola amiguiños e amiguiñas!! Que tal o pasáchedes no Samaín? Xa vin que todos e todas decoráchedes as vosas cabazas medorentas e divertidas. As vosas disfraces foron do mellor. Unha festa na que tamén aprendimos moitas palabras terroríficas e coma sempre acompañamos coa tradición e a lectura. Unha festa inolvidable. 

Queredes ver como nos divertimos? Pois ollade!!


miércoles, 27 de octubre de 2021

A FESTA DAS BIBLIOTECAS ESCOLARES

Ola amiguiños e amiguiñas!! Xa estamos outra vez funcionando. Dende a primeira hora do luns as paredes da nosa biblioteca vibraron coas vosas visitas. Foi un día de presentación e de maxia onde ata eu cobrei vida grazas ós vosos compañeiros de 6º. A biblioteca abriu ás súas portas e agardaba con moitas sorpresas e agasallos: os contos de Os Bolechas, pulseiras da biblioteca, as normas, os carnés, un vídeo moi chulo,... un montón de cousas que recollemos neste vídeo para que non esquezades o ben que o pasamos.

lunes, 25 de octubre de 2021

DÍA DAS BIBLIOTECAS ESCOLARES

Ola amiguiños e amiguiñas un ano máis!! Hoxe celebramos na escola o "Día das Bibliotecas Escolares". A festa da nosa biblioteca. Cantas gañas tiña de vervos de novo buscando historias fantásticas polos meus andeis, investigando para completar as vosas aprendizaxes nos ordenadores ou nos libros de consulta ou simplemento creando, aprendendo e gozando das posibilidades da nosa biblioteca.

Que marabilla ver coma eu Garabullo, coa axuda dos vosos compañeieros e compañeiras de 6º, cobrei vida para compartir con todos e todas un intre inesquecible na biblioteca. Alí vimos un vídeo que aquí deixo para que vexades canto queirades e pensedes cal será o proxecto de investigación que dende a biblioteca propoñemos para este ano. Tamén houbo sorpresas. Contos para todos e unha pulseira que seguindo o lema das "Bibliotecas Escolares" lémbravos que "A biblioteca ten a palabra"... E dende hoxe vós tamén a tedes para contarnos cousas, para investigar, para imaxinar, para crear,... A biblioteca somos todos e todas!! Agardamos por vós!! VÉMONOS NA BIBLIOTECA!!

domingo, 20 de junio de 2021

DIGICRAFT DESPÍDESE AO GRANDE!!

Ola amiguiños e amiguiñas!! Remata o curso e as actividades que con el comezamos como é o caso do proxecto Digicraft, aínda que agardamos continuar con el para o vindeiro ano. 

As últimas sesións foron máis divertidas dirixidas a coñecer o "Sphero" e outras facetas do Kit de Digicraft como foi a de interpretar distintas composicións músicais... Cousa que aproveitamos para meterlle o gusaniño de Digicraft ós máis pequenos!!

Empezamos con "Indiana...bot. Coñecendo a Sphero"


Sal se podes!!


Xilófono de chan

SEGUIREMOS SEMPRE FACENDO CAMIÑO!!

Ola amiguiños e amiguiñas!! Xa estamos rematando o curso  e polo tanto os nosos proxectos... Aínda así vós seguides insistindo en facer rutas e tramos do Camiño de Santiago!! Neste caso, o alumnado de 6º conseguiu sairse co seu e fixo unha ruta ata o "Muiño de Covián". Seguiremos Facendo Camiño.

QUEN É LADYBUG?

Ola amiguiños e amiguiñas!! Quen é Ladybug? Xa sabemos que todos os nenos e nenas desta escola saben quen é!! O que non temos tan claro é que o saiban os nosos maiores... Cando falamos de Ladybug nunca saben de quen falamos... Así que Yesi de 2º decidiu facer un podcast na radio para contarlle a todos e todas os que non o saiban quen é esta rapaza capaz de converterse nunha "Xoaniña" para salvar ó mundo...

Escoitade a Yesi contándonos: Quen é Ladybug?

lunes, 14 de junio de 2021

EDUCACIÓN INFANTIL FACENDO CAMIÑO

Ola amiguiños e amiguiñas!! O curso está a piques de rematar e tamén as actividades que se están a facer na nosa escola.

O pasado 8 de xuño os nenos e nenas de infantil fixeron o percorrido que vai dende Bandeira ata a Capela de San Blas. Con esta andaina completaron os 19 kilómetros que forman o camiño ao seu paso polo Concello de Silleda. Ollade que ben o pasaron coñecendo a súa contorna!!

domingo, 13 de junio de 2021

OBRADOIRO DE POESÍA DE 6º

Ola amiguiños e amiguiñas!! O alumnado de 6º realizou un Obradoiro de poesía na aula.

Despois de ler e aprender moitas cousas deste novo xénero literario decidiron lanzarse e crear os seus propios poemas. Hoxe deixáronnos aquí o resultado do seu traballo. Rima, ritmo, emocións, sentimentos,ideas,... todo recollido na obra dos vosos compañeiros e compañeiras de 6º.



Obradoiro de Poesía de 6º

jueves, 10 de junio de 2021

FACENDO CAMIÑO

Ola amiguiños e amiguiñas!! Os nenos e nenas de 1º estiveron investigando sobre o Camiño de Santiago e fixeron un listado de consellos para o peregrino en tempo de COVID. A medida que facían o traballo comezaron a xurdir outras dúbidas, así que decidiron facer un libriño onde recoller un resumo das cousiñas que aprenderon acerca do Camiño de Santiago.

Un traballo moi interesante que rematou cunha andaina por un tramo do Camiño de Santiago e a visita dun albergue "Casa Leiras", albergue dirixido polos papás de Zoe e Gaia. Alí conseguiron unha simbólica credencial de "Peregrinos de Facendo Camiño" entre outras cousas que completaron unha xornada inesquecible e divertida.


Facendo camiño 1º

LECTURAS DE 5º

Ola amiguiños e amiguiñas!! Hoxe traemos lecturas compartidas. O alumnado de 5º, coa axuda de Mª Jesús a mestra de PT, creou, redactou, debuxou e leu a outros cursos contos escritos por eles mesmos. Con esta actividade non só se traballou a lectura, senón a expresión oral e escrita, a composición de textos e a lectura en voz alta. Lecturas compartidas e sempre respetuosas coas medidas de seguridada derivadas do COVID.


martes, 8 de junio de 2021

1º E 2º FAN O CAMIÑO

Ola amiguiños e amiguñas!! O venres 4 de xuño os nenos e nenas de 1º e 2º foron dende Bandeira a Dornelas para vivir en primeira persoa un tramo do Camiño de Santiago. Coma os seus compañeiros de outros cursos armáronse con luvas e bolsas para ir recollendo o lixo que atoparon ó seu paso.

A excursión rematou en Dornelas, no Albergue Casa Leiras e grazas a Andrea e Cristina, os seus donos, e pais de Zoe e Gaia, puideron ver o albergue e entrevistar a Cristina que lles contou moitas cousas e curiosidades do Camiño de Santiago, dos peregrinos e dos Albergues.


lunes, 7 de junio de 2021

A ZOWIDANZA

Ola amiguiños e amiguiñas!! As actividades de DIGICRAFT xa casi están rematando. Entramos nas últimas sesións nas que os protagonistas son os robots. Nesta ocasión os nenos e nenas de 1º, 2º e 3º estiveron coñecendo a Zowi un robot moi divertido, aprenderon a programalo e a poñelo a bailar... 


3º, 4 e 5º FACENDO CAMIÑO

Ola amiguiños e amiguiñas!! Continúan as saídas e as pequenas excursións para coñecer pequenos tramos do camiño que pasan pola nosa contorna. Nesta ocasión tocoulle ós compañeiros e compañeiras de 3º, 4º e 5º que o martes 1 de xuño fixeron un tramo dende O Foxo e Bandeira. A experiencia moi divertida ademais de exemplar, pois armáronse con luvas e bolsas e foron recollendo o lixo que atoparon polo camiño. Ollade os paraxes tan fermosos que visitaron!!


domingo, 6 de junio de 2021

4º FACENDO CAMIÑO

Ola amiguiños e amiguiñas!! Continúan chegando os vosos traballos do Camiño de Santiago.

Nesta ocasión da man dos compañeiros de 4º que convertéronse en investigadores do Camiño e trouxeron dúas curiosidades moi interesantes:

Por unha banda unha receita relacionada co camiño para lamber os dedos:

Tamén estiveron ollando a prensa e as novas relacionadas co camiño para traernos unha noticia moi diferente, unha nova que lle pon música ó Camiño de Santiago:

sábado, 5 de junio de 2021

DÍA MUNDIAL DO MEDIO AMBIENTE

Ola amiguiños e amiguiñas!! Hoxe 5 de xuño celebramos o "Día Mundial do Medio Ambiente". Esta celebración ten a finalidade se sensibilizar á poboación mundial da importancia de coidar os nosos ecosistemas e fomentar o respecto polo medio ambiente.

Os nenos e nenas de 1º quixeron conmemorar e seguir o lema que se propón "Reimaxina, recupera e restaura". Aproveitan esta data para contribuír a mellorar o noso entorno, para facer as paces coa natureza e para amosar que todas as cousas que facemos no cole pódennos converter en axentes activos na protección e coidado do medio ambiente, e así o amosan neste vídeo.


martes, 1 de junio de 2021

Despedida de "As novas á Hora de Comer"

 Hoxe tocou a despedida do programa de "As novas á Hora de Comer e curiosidades do tempo de lecer". Non será o último programa deste ano, pero si deste curso.

Uxía de 4º e Esther de 5º prometen voltar o vindeiro ano con máis novas e curiosidades. Como curiosidade, hoxe contamos coa visita de Íker de 5º e Irene e Érika de 4º que se achegaron ó estudo de Radio Garabullo para rendirlle unha pequena homenaxe ós compañeiros e compañeiras de 6º.


lunes, 31 de mayo de 2021

6º FACENDO CAMIÑO

Ola amiguiños e amiguiñas!! Os peregrinos do CEIP Ramón de Valenzuela comenzan a facer pequenos tramos do camiño de Santiago, que pasan pola nosa contorna. Nesta ocasión foron os nenos e nenas de 6º que fixeron o tramo Ponte Taboada-Castro de Toiriz. A ruta merece a pena!!


RAP XELA ARIAS

Ola amiguiños e amiguiñas!! Nesta escola sodes incansables. Traballades moito día a día na aula e aínda así seguides colaborando e participando nas conmemoracións e datas especiais de todos os xeitos inimaxinables. Contos, cadros, murais, programas de radio,... sodes uns artistas. Os compañeiros e compañeiras de 6º deixaron en Radio Garabullo unha mostra da súa capacidade creativa facendo un RAP que tiña como tema a vida de Xela Arias. Un xeito diferente de honrar á nosa poeta, traductora, mestra,... homenaxeada neste ano no "Día das Letras Galegas"


viernes, 28 de mayo de 2021

NOTAS DE AQUÍ

Os programas de radio continúan para o comedor. Hoxe deixamos o enlace a "Notas de Aquí" da man de Candela Agra e Ana Molinos de 6º que van a falar de Paco Cerdeira máis coñecido coma Pakolas.

martes, 25 de mayo de 2021

DITOS E REFRÁNS

Ola peregrinos!! Pouco a pouco van saíndo os vosos traballos. Moito aprendemos do camiños e agora toca compartir para aprender moito máis.

Os compañeiros e compañeiras de 3º recolleron ditos e refráns que aquí deixan para que recuperemos cando precisemos.

Tanto a través desta presentación ou do vídeo amosado máis abaixo!

Bo camiño!!




O CAMIÑO DE SANTIAGO POR INFANTIL

Ola amiguiños e amiguiñas!! Como traballades todos e todas. É marabilloso ver o voso inxenio e creatividade. Mirade que Lupbook e que xogo idearon os nosos compañeiros e compañeiras de infantil para colaborar no noso proxecto "Facendo Camiño". Un traballo fantástico e moi divertido!!




lunes, 24 de mayo de 2021

INTELIXENCIA ARTIFICIAL E ROBÓTICA

Ola amiguiños e amiguiñas!! DIGICRAFT continúa a súa andaina. Avanzamos nas actividades e entramos no mundo da intelixencia artificial e da robótica.

Non deixedes de ver o ben que traballades en cada unha das sesións. Interese, diversión, motivación e aprendizaxe... todo unido da man de DIGICRAFT.

Explorando Sistemas:

Exploradores de Internet:

Coñecendo o noso entorno coa Intelixencia Artificial:

Na busca da Arte Perdida:

Non poñamos etiquetas, os Robots teñen cerebro:

miércoles, 19 de mayo de 2021

A Praza do Obradoiro un museo na rúa para todos

Ola amiguiños e amiguiñas!! Sabedes que día é hoxe? Hoxe celebramos o "Día Internacional dos Museos! Baixo o lema "O futuro dos museos: recuperar e reimaxinar". Isto é o que nos propón o alumnado de 2º.

Grazas a unha lectura que xurdiu no libro de lingua decidiron recuperar parte do patrimonio material que temos da nosa man para lembrarnos a súa importancia. Uniron o noso proxecto "Facendo camiño", unha sesión da aula da clase e unha data coma a de hoxe para falarnos na radio dun museo a pé de rúa: A PRAZA DO OBRADOIRO. Para que coa nosa imaxinación nos traslademos a esa praza a ver os fogos de artificio da noite de Santiago Apóstolo; que imaxinemos ós peregrinos cando entran na Praza do Obradoiro e as súas vivencias, que imaxinemos e recuperemos a nosa Praza, a Praza do Obradoiro e a súa historia.


martes, 18 de mayo de 2021

UNHA VISITA EN MAIÚSCULAS

 

Así agardaba a nosa biblioteca polos que foron axudantes da biblioteca o pasado ano. Nenos e nenas de 6º que tiveron que deixar o noso cole sen un adeus, sen unha aperta e sen poder darlles as grazas pola súa axuda e por crer en min, dándome tanta vida.

O pasado venres achegáronse ao cole para recibir unha aperta simbólica dos ex-compañeiros e compañeiras que os agardaban nas ventanas para aplaudirlles e dicirlles o moito que os botamos de menos.

Coas medidas COVID correspondentes, fixeron unha visita á biblioteca onde recibiron da man da que sempre será a súa mestra, do equipo de biblioteca e do equipo directivo, uns agasallos e un mimos que esta pandemia lles roubou.

Momento felices de biblioteca dos nenos e nenas que conseguiron que eu Garabullo siga vivo vixiando esta biblioteca. Grazas rapaces e rapazas do instituto pola vosa visita. Únome nos desexos dos que formamos este cole para que teñades moita sorte no voso novo camiño.


O RETO DE GARABULLO

Ola amiguiños e amiguiñas!! Gustouvos o reto do pasado venres? Xa vin que todos tiñades moi claro quen era a homenaxeada este ano polas Letras Galegas. Chegaron a min todas as vosas respostas e xa vexo que todos sabedes quen é Xela Arias e moitas máis cousas da ilustre mestra, poetisa e traductora galega.

Tamén me gustaría lembrar a Ricardo Carvalho Calero protagonista das "Letras Galegas 2020" e que por mor do COVID non lle rendemos a debida homenaxe.

Ambos foron inmortalizados a pasada semana na fachada do cole continuando cunha fermosa tradición instaurada dende o ano 2016 con Manuel María, grazas a Picho, o noso pintor de man, que sempre está disposto a facer cousas para os nenos e nenas do cole de Bandeira.

Déixovos coa mirada inconformista e creativa dos nosos ilustres galegos e coa vosa mirada inxenua e segura cando conseguíchedes superar o reto e acadar a vosa chapa de Xela Arias. Xa sabedes que agardo por vós na biblioteca para facer as vosas chapas personalizadas!!



Agora sodes vós os protagonistas!! Agárdovos na Biblioteca para crear as vosas chapas!!!

NOTAS DE AQUÍ 10

Xela é a protagonista do mes. A homenaxeada nas nosas letras tiña tamén que aparecer nos nosos programas de radio. Nesta ocasión será en "Notas de Aquí" da man de Candela e Ana de 6º que nos achegan á obra de Xela a través da música da "Banda da Loba".

"A banda da Loba" é un grupo de música galega integrado por cinco mulleres que uniron as súas traxectorias individuais para crear un proxecto colectivo. No programa de hoxe falarán do seu disco dedicado a Xela Arias que leva por título "Hasme oír".

XELA ARIAS POLO ALUMNADO DE 5º

Ola amiguiños e amiguiñas!! Seguimos sacando á luz os traballos de Xela Aria. O alumnado de 5º fixo un monográfico da poeta e traductora. Unha experiencia de aprendizaxe que rematou cun programa de radio onde Xela cobra vida para contarnos moitas curiosidades. Escoitade!!

miércoles, 12 de mayo de 2021

PARABÉNS NA HORA DE COMER

Ola amiguiños e amiguiñas!! Como ben sabedes Radio Garabullo está emitindo en directo os mércores o programa de "Parabéns na hora de comer".

Cada mércores do mes de maio Tania, Uxía e Carla de 6º irán felicitando a todos os compañeiros e compañeiras polo seu aniversario. 

O primeiro programa foi o día 5 de maio e felicitaron a todos os nados no primeiro trimestre do ano (Xaneiro, febreiro e marzo) e hoxe 12 de maio ós nados no 2º trimestre (Abril, maio, xuño).

Seguide escoitando a nosa emisora xa que neste programa ademais de felicitar o aniversario hai moitas sorpresas e curiosidades.

1º programa:

2º programa:

martes, 11 de mayo de 2021

LETRAS GALEGAS I

O día das "Letras Galegas" achégase pouco a pouco.
Dende hai uns días na entrada do cole tedes unha exposición de contos e libros de Xela Arias. Tanto os seus poemarios coma aquelas obras que foron traducidas por elas. 


As vosas obras empezan tamén a agromar!! Hoxe colgamos un programa de radio feito polo alumnado de 1º. Investigou sobre poesía e Xela e fixeron un podcast para contarnos o que aprenderon. Ademais contaron coa participación dunha mamá para completar o seu traballo. Un resultado excelente. Escoitade!!

AS NOVAS DA HORA DE COMER RECIBE UN AGASALLO

Ola amiguiños e amiguiñas!! Un luns máis Esther de 5º e Uxía de 4º emitiron en directo para o comedor do cole, cunha pequena sorpresa.

Como ben sabedes, hai un par de semanas, Gúmer Portas, de Radio Lalín, pasou unha tarde co alumnado de 4º falando da súa experiencia na radio e deulles uns cantos consellos para a emisión en directo e tamén para facer novos programas.

Despois dunha entrevista moi divertida e amena foron á Radio. Alí Gúmer prestouse a colaborar con Radio Garabullo, cando así o desexáramos, e esta semana, agasallounos cunha entrada para o programa dos luns. 

Hoxe Esther e Uxía presentaron a entrada de Gúmer, ademais de falar das novas do cole e das actividades que faremos para celebrar as nosas letras, as "LETRAS GALEGAS". 

Escoitade!!

miércoles, 5 de mayo de 2021

XELA ARIAS, Letras Galegas 2021

Xa chegou maio cheo de flores e letras. As nosas letras galegas. Toca celebrar a nosa lingua e rendirlle homenaxe a aqueles autores e autoras que escolleron o galego para escribir os seus contos, novelas, poemas,... Este ano a escritora, tradutora, poetisa a quen lle rendimos homenaxe é Xela Arias.
Se queredes  saber máis de Xela Arias aquí vos deixamos enlaces moi interesantes e divertidos. Premede na imaxe e... a xogar e aprender!!

As propostas de todos os ano dos Seminario Galán, sempre coa súa parte didáctica e a o seu pequeno reto en forma de xogo.


Outra posibilidade é acceder as propostas que trae a Real Academia Galega a través da Primavera das Letras


E xa para rematar deixamos as propostas de algúns centros educativos para coñecer a Xela Arias e para xogar con todo o que dela aprendemos.


E...  Por suposto, para xogar empregando todos os coñecementos que xa temos!!


Sen esquecer todos os recursos que podedes atopar no Portal da Lingua Galega


 

domingo, 2 de mayo de 2021

4º de Primaria entrevista a Gúmer Portas

O pasado xoves o alumnado de 4º tivo unha interesante entrevista con Gúmer Portas locutor de Radio Lalín, unha emisora local do Concello de Lalín.
Os rapaces e rapazas de 4º estaban moi documentados. Sabían moitas cousas do traballo e das inquedanzas do seu invitado polo que pasaron unha xornada moi divertida e entretida.
Gúmer aproveitou tamén para loar o bo traballo que o alumnado fai en Radio Garabullo e deulles algúns consellos para os seus programas.
Despois da entrevista visitaron as instalacións de Radio Garabullo e Gúmer prometeulles facer algo interesante con eles de cara ó vindeiro ano.
Grazas Gúmer pola túa simpatia e polos consellos!!

sábado, 1 de mayo de 2021

DÍA MUNDIAL DOS DEREITOS DO CONSUMIDOR

O pasado 15 de marzo celebramos o "Día Mundial dos Dereitos do Consumidor". Os vosos compañeiros e compañeiras de 5º sentiron moita curiosidade por esta data e estiveron investigando. Trátase dun tema moi importante e moi complicado de entender!!! Decidiron adaptalo a nós e ampliar a información nun programa de radio adicado ós "Dereitos do consumidor" Escoitade!!


viernes, 30 de abril de 2021

AMIGAS por Lía Enriquez de 2º

 A pasada semana estivo dedicada ó "Día do Libro". Foron moitas as actividades que fixemos, entre outras recomendacións lectoras, contos bailados e contados, programas de radio,...

Lía de 2º quixo aproveitar a oportunidade e recomendarnos un conto que a ela lle gustou moito Amigas de Laures Ace, un premiado álbum ilustrado basado en la amistad de Ana, Carla, Indira e Alicia. Elas xogan, aprenden e medran xuntas. Co paso do tempo a súa amizade fortalécese coma unha árbore que elixen para encontrarse.

Escoitade o que conta Lia na radio.


domingo, 25 de abril de 2021

DÍA MUNDIAL DO LIBRO 2021

Día Mundial do Libro e dos Dereitos de Autor
é unha celebración para promover o goce dos libros e da lectura. Cada 23 de abril, sucédense celebracións en todo o mundo para dar a  coñecer o poder máxico dos libros... Para nós o mellor xeito de facelo e poñer ós nosos pequenos en contacto con libros. Deixarllos mirar, ulir, tocar e ser eles os que, por un día,
escollan os libros e merquen os libros da nosa biblioteca.

Así comezamos unha semana dedicada ó libro. Fixemos unha pequena feira. Cada aula pasou pola entrada do cole para escoller dous libros. Dúas novidades que segundo eles non deberían faltar na nosa biblioteca. Dende infantil á sexto pasamos todos. Tocamos os libros, sentimos as súas historias e ulimos a súa maxia e despois de moito debater escollemos os dous libros por aula. A moitos soubolles a pouco e tiveron que ir á biblioteca a pedirlle a Garabullo algún imprescindible que non puideron escoller...


En Radio Garabullo estivo presente a lectura. Houbo radio en directo todos os días para o comedor, e o día 23 durante os patios de recreo. Nesta emisións fixéronse recomendacións de Libros CD. Libros co poder de axudar a combater o aillamento do COVID, reforzar os lazos entre as personas, amosar outro xeito de lectura e coma todos os libros estimular as nosas mentes e a nosa creatividade.

Tamén houbo un apadriñamento lector moi fermoso unhas nenas de 2º aproveitaron esta data para ler un conto para todos os compañeiros e compañeiras do cole. Un conto para o comedor. Un apadriñamento lector común a todos e todas moi emocionante. Sara e Yesica de 2º dedicáronlle a toda a comunidade educativa o conto A escaleira no comedor do luns axudadas por Candela e Carla de 6º

Aproveitamos esta semana para traer ós nenos e nenas de infantil á biblioteca. Todos puideron aprender como funciona agora e como facer para levar o seu contiño porque o COVID non pode acabar coa lectura nin coas bibliotecas.

Para rematar pequenos e maiores decidiron contar, cantar e bailar un conto para todos. Un conto moi divertido e entretido no que todos participamos. Un conto para ver, para bailar, para cantar, para ler, para rir!! Pete el gato: I love my white shoes



miércoles, 21 de abril de 2021

MARÍA FUMAÇA

A recomendación do libro CD que traemos hoxe é María Fumaça!!

María Fumaça naceu do amor e a loita por axudar e facer feliz a Ruí, un neno con parálisis cerebral. O que xurdiu coma un agasallo de Nadal para o pequeno Ruí da man da súa madriña, a cantante galega Uxía Senlle, e un grupo de amigos músicos, convertieuse nunha das propostas musicais infantís máis coñecidas en Galicia.





Escoitade a Uxía e Esther en Radio Garabullo falando de María Fumaça

UXÍA LAMBONA E A BANDA MOLONA

Ola amiguiños e amiguiñas!! Nesta semana dedicada ao libro CD ou á música das nosas bibliotecas non podíamos deixar pasar de largo as propostas de Uxía Lambona e a Banda Molona.

Uxía Lambona e a Banda Molona é unha formación musical que naceu cun obxectivo preferente, facer música en galego. Os seus concertos trunfan entre o público familiar e algúns temas, como “A Carolina” ou “Parabéns”, son xa auténticos himnos.

Uxía Lambona e a Banda Molona” caracterízase, entre outras cousas, por recoller os clásicos populares galegos para darlles o seu toque particular, facendo versións tan inesperadas, pero ao tempo tan acaídas, como A Carolina rapeada, O GhatoPaco rockeiro ou "O Sacristán de Coimbra" reggae. Pero incluso se atreven a adaptar cunha letra moi pegañenta o mítico tema “Thunderstruck” de AC/DC ata convertelo no seu divertido e movido Fame” ou coller o “Greased Lightning” de Grease para transformalo no seu coñecido Muxía & Roll.
Na biblioteca contamos cos tres CDs que teñen editado ata o de agora. 

UXÍA LAMBONA E A BANDA MOLONA


UXÍA LAMBONA: A BAILAR COMA TOLOS



UXÍA LAMBOBA: ASTRONAUTA SIDERAL


Esther e Uxía as nosas locutoras de radio favoritas falaron desta banda no seu programa especial dedicado ó "Día do Libro". Escoitade:


lunes, 19 de abril de 2021

AS NOVAS Á HORA DE COMER: A semana do Libro

Ola amiguiños e amiguiñas!! Hoxe no programa "As novas á hora de comer" de Radio Garabullo recomendaron un conto musicado moi interesante e divertido. Un conto que nos gusta moito a todos e todas e que as vosas compañeiras empregan no seu programa de radio. Falamos de EXTRA de Paco Nogueiras:

A actualidade convértese en melodía e canción neste xornal musical cheo de ritmo, bo humor e diversión: información de todas as temáticas, opinión, pasatempos... noticias que entran polos ollos, as mans e as orellas!!

Lembrade: EXTRA musicado por Paco Nogueiras e ilustrado por Marc Taeger; da editorial Kalandraka.

martes, 13 de abril de 2021

A ESCALEIRA, interpretado por Sara e Yesi de 2º

Ola amiguiños e amiguiñas!! Hoxe Radio Garabullo contou cunha visita moi especial. Sara e Yesica de 2º foron a contar o conto: A Escaleira de Beatriz Montero, un conto moi divertido e un tanto cantarín. Escoitade a ver se vos gusta!

lunes, 12 de abril de 2021

AS NOVAS DE GARABULLO: Facendo Camiño

Ola amiguiños e amiguiñas!! Un ano máis celebramos a Semana da Prensa. As novas foron estudadas e analizadas nas aulas cos titores e especialistas. Cada curso traballou a prensa dende distintos puntos de vista aproveitando os xornais que se mercaron ao longo desta semana.

Como nos gustou moito o traballo dos xornalistas decidimos facer unha gacetilla con novas do Camiño de Santiago. Participamos todos os cursos e creamos un xornal moi curioso, divertido e entretido.

Todos temos o noso pero aquí deixamos unha copia para que lle botedes un ollo.

 


PINTANDO O CAMIÑO

Ola amiguiños e amiguiñas!! Hoxe deixamos un vídeo da participación do alumnado de 6º na actividade "Trasdeza pinta o Camiño" impulsada polo Concello en colaboración co Xacobeo 2021. A experiencia comezou cun traballo de aula a través de cadernos didácticos, unha saída por un tramo do Camiño de Santiago, O Foxo-Bandeira; na que coñeceron os recursos patrimoniais da zona. Estiveron acompañados e  guiados polo persoal de amarelas e polos mestres do centro.

A actividade inclúe unha xornada de pintura en vivo, con Amalia López Brea "Luchi", dun dos enclaves de interés escollido polo alumnado. 

Unha actividade fantástica e moi interesante que serviu para ampliar os coñecementos e actividades do noso proxecto de centro "Facendo Camiño"


AS NOVAS DA HORA DE COMER

Ola amiguiños e amiguiñas!! Un día máis Radio Garabullo emitiu en directo para o comedor do cole. Uxía de 4º e Esther de 5º encargáronse de poñernos ao tanto das novas do cole. Hoxe cunha visita especial: Elena de 5º!!

MONTAMOS UN GRUPO MUSICAL E O MISTERIOSO OBXECTO ENCERRADO

Ola amiguiños e amiguiñas!! Os maiores están a piques de rematar co Itinerario 1 "Realidade aumentada e videoxogo" para entrar no mundo da "Intelixencia artificial e robótica". 

Cada actividade que fan supón un reto para acadar un obxectivo e moita diversión. Todas as actividades son moi interesantes e divertidas. Mirade que ben o pasamos en Digicraft os maiores!!

"Montamos un grupo musical"

"O misterioso obxecto encerrado"

DIGICRAFT 6-8 ANOS DA POR REMATADO UN ITINERARIO PARA SOMERXERSE NUNHA NOVA AVENTURA

Ola amiguiños e amiguiñas!! Como ben sabedes as actividades de Digicraft seguen adiante. Hoxe demos por rematado unha parte de realidade aumentada e videoxogo cos nenos de 6 a 8 anos para adentrarnos no mundo da intelixencia artificial e a robótica.
Por falta de tempo non realizamos todas as actidividades propostas  no Itinerario 1 pero aínda quedan moitos anos no cole para ir traballando nelas. 
Apetécevos ver o que fixemos nas últimas actividades?

"O ataque dos virus"



"Aventura dixital"


"Axudamos a Patatín"

Consellos para facer o "CAMIÑO DE SANTIAGO" en tempos COVID

 Ola amiguiños e amiguiñas!! Os nenos e nenas de 1º pasaron por aquí para deixar uns conselliños para facer o camiño.

Os días medran e pronto chegarán as vacacións de verán e moitos e moitas querrerán facer o Camiño de Santiago; pero... COIDADO!! Nesta época marcada polo COVID temos que ter en conta unha serie de precaucións para evitar os contaxios. O alumnado de 1º déixanos as seguintes recomendacións...






jueves, 8 de abril de 2021

O "Día Mundial da Saúde" na Radio

Ola amiguiños e amiguiñas!! Coma ben sabedes o pasado 7 de abril foi o Dia Mundial da Saúde. Os nenos e nenas de 2º quixeron achegar esta data a todos nós a través de distintas actividades e para explicárnolo un pouco máis foron a radio e deixáronnos este pequeno resumo das actividades propostas para estas datas. Hai consellos de todo tipo e o mellor de todo foi que ata nos recomendaron uns contos moi fermosos e interesantes.

Achegádevos, vide, vide... e escoitade!

DÍA MUNDIAL DA SAÚDE

Ola amiguiños e amiguiñas!! Hoxe celebramos o "Día Mundial da Saúde".

Como sabedes ben, as conmemoracións están condicionadas polo COVID, pero os compañeiros e compañeiras de 2º quixeron preparar unha actividade moi interesante para achegarnos a todos e todas a esta data. A través dos seus consellos e dos de dúas nais aprendimos moitas cousas interesantes sobre saúde. (premede aquí para ampliar toda a información)

Por outra banda tamén quixeron contribuír co Proxecto Facendo Camiño, elaborando O botiquín andante dos peregrinos.



martes, 23 de marzo de 2021

LABORATORIO DE RADIO

 Ola amiguiños e amiguiñas!! Aquí seguimos con actividades. Neste ocasión para mellorar a nosa autonomía na radio. Os nenos e nenas de 4º, 5º e 6º tiveron unha formación na que aprenderon a interpretar textos e meter sons para acompañar a súa interpretación!! Pasáronno moi ben lendo pequenas historias acompañados de cunchas, botellas, maracas ou pedras que fixeron as veces de temporal ou de choiva e incluso o son de petar na porta.


domingo, 21 de marzo de 2021

REFRÁNS DO CAMIÑO POR 3º

Ola amiguiños e amiguiñas!! Os compañeiros e compañeiras de 3º estiveron investigando sobre refráns relacionados co Camiños de Santiago. Fixéronse cunha pequena escolma moi curiosa e interesante e decidiron vir a contárnolo á Radio. Queredes escoitar os Refráns do Camiño? Pois dádelle ao play!!


AS NOVAS DA HORA DE COMER!!

Ola amiguiños e amiguiñas!! Un día máis Radio Garabullo emitiu en directo para o comedor do cole. Uxía de 4º e Esther de 5º encargáronse de poñernos ao tanto das novas do cole. Non volo perdades!!


O HIPOPÓTAMO HIPÓLITO

Ola amiguiños e amiguiñas!! Radio Garabullo está a coller forza e xa empezan a bulir os programas. Nesta ocasión Sandra de 6º presenta a Marco de 2º que quixo pasarse pola radio a contarnos un conto: O hipopótamo Hipólito

Escoitade a ver se vos gusta....

Para a semana máis contos aquí no Blog e na nosa canle de Radio Garabullo. Non deixedes de escoitarnos!!


lunes, 15 de marzo de 2021

DÍA DE ROSALÍA 2021

Ola amiguiños e amiguiñas! Como todos os anos durante o mes de Febreiro celebramos o "Día de Rosalía". Os nenos e nenas achegámonos de moitos xeitos a vida e a obra da escritora galega.

Este ano de pandemia, onde temos que estar separados, unímonos nunha actividade común. Grazas as carautas cedidas por OZOCOGZ papelaría, todos nos convertemon por uns intres en Rosalía de Castro  vivindo a súa vida e recitando a súa obra.

Ollade este resumo dunha xornada inesquecible!!

AS NOVAS DA HORA DE COMER

Ola amiguiños e amiguiñas!! Un día máis Radio Garabullo emitiu en directo para o comedor do cole. Uxía de 4º e Esther de 5º encargáronse de poñernos ao tanto das novas do cole. Non so do que está a acontecer senón tamén do que vai a pasar nas vindeira semanas. E con este xa son 8 programas en directo para o comedor!! 


RAP polo 8 de marzo

O RAP é un estilo de música de baile orixinado nos anos 80 nos barrios negros e hispanos de Nueva York e outras grandes cidades americanas. Caracterízase polo seu ritmo monótono e sincopado, sen apenas acompañamento instrumental, onde a voz se converte na protagonista. Os seus textos cantados e rimados buscan en moitas ocasións letras para a loita contra moitos temas coma a violencia, o machismo, a desigualdade,..

Os vosos compañeiros e compañeiras de 6º quixeron dar un paso máis na loita pola igualdade dándolle as súas rimas un ritmo de RAP e coa axuda de Blanca fixeron o seu proimeiro RAP das Pioneiras Galegas que abriron camiño.


domingo, 14 de marzo de 2021

POEMAS 8 DE MARZO

Chegou o 8 de marzo o "Día internacional da Muller", unha data que todos e todas traballamos na aula. Nestes días escoitamos moitas cousas desta data nas aulas, na tele, na casa,... e seguiremos escoitando.

Hoxe os nenos e nenas de 6º despois de ler e aprender moitas cousas das nosas pioneiras fixeron pequenas estrofas sobre algún dato destas grandes mulleres galegas que conseguiron vencer as barreiras que lles estaban impostas e foron pioneiras, en diferentes ámbitos polo que conseguiron facer.

E que mellor xeito de facer que chegue a todos nós que a través da radio? Así foi o programa feito polo alumnado de 6º para conmemorar esta data para Radio Garabullo!!