ROSALÍA DE CASTRO, O CARBALLO COMA SÍMBOLO DE GALICIA

Ola amiguiños e amiguiñas!! Hoxe que celebramos o "Día de Rosalía" aproveitamos para falarvos dun bosque que fascinou á nosa poeta: O Bosque do Banquete de Conxo. Rosalía era unha amante dos bosques e xa en 1881 denunciaría corta incontrolada de carballos. Fíxoo nun poema titulado "Los robles", recollido no seu libro En las orillas del Sar, e na súa novela El primer loco, que ten coma escenario este bosque. Podemos dicir que a súa obra é hoxe unha das primeiras proclamas ecoloxistas e de defensa das árbores de toda España.

Neste bosque hai un Carballo que se está a facer moi famoso nas redes sociais por participar nun concurso con outras árbores famosas para converterse na Árbore Europea do Ano.

Nós sumámonos a esta inciativa e animamos ás familias a votar polo Carballo do Banquete de Conxo pola súa importacia histórica e pola súa simboloxía. Neste ano en que o noso proxecto leva o lema "Fortes coma árbores" sexamos "Fortes coma Carballos" e votemos polo Carballo do Banquete de Conxo.

Premede na imaxe para ampliar a información.

 

BIBLIOTECAS CREATIVAS CON ALBERTO PEREIRAS

Ola amiguiños e amiguiñas!! Cada día dende a biblioteca apoiamos novas formas de acceder á información, á creatividade, aos recursos,... a través da experimentación, da creación e da investigación,... mellorando así as nosas aprendizaxes.

A pasada semana contamos coa visita no cole de Alberto Pereiras que entrou na nosa biblioteca para amosarlles ao alumnado de 5º e 6º outra forma de ver o mundo detrás das cámara. Fixeron fermosas montaxes e aprenderon, nunhas poucas sesións, a utilidade da edición para amosar contidos, recomendacións lectoras, aprendizaxes,... Nesta entrevista que lle fixeron podedes coñecer un pouco máis de Alberto Pereiras.

DÍA DOS NAMORADOS OU DA AMIZADE

Ola amiguiños e amiguiñas!! Este luns foi o "Día dos Namorados" ou "Día de San Valentín". Sabíades que a orixe de San Valentín vén do século III, en Roma, cando un sacerdote chamado Valentín opúxose a unha orde do emperador Claudio II que decidiu prohibir os matrimonios entre persoas xóvenes porque consideraba que así terían mellores soldados sen ataduras sentimentais?

Como Valentín celebraba igual os matrimonios o emperador mandou capturalo e, alegando desobediencia e rebeldía, sentenciou a morte a San Valentín, o 14 de febrero do ano 270. De ahí, que o 14 de febreiro se celebre o día dos namorados.

Esta data celébrase en moitos países con moitas variantes, así o "Día dos Namorados" en Finlandia ou Estonia tamén é unha homenaxe á amizade. En Perú aproveitan para ensalzar a poesía e nós no CEIP Ramón de Valenzuela fartos de tanto grupo burbulla e de tanta separación de COVID decidimos celebralo con agasallos interaulas. Por sorteo, preparamos fermosos corazóns con pequenas sorpresas e frases de amizade e compañerismo para outra aula; e buscamos libros de amizade e amor para compartir na "Hora de Ler". Separados pero xuntos así celebramos o "Día dos Namorados e da AMiZADE" no CEIP Ramón de Valenzuela.

Alto dos Xenerais (Día da Radio)

Ola amiguiños e amiguiñas!! Hoxe é o 13 de Febreiro o "Día Mundial da Radio". Unha conmemoración que pretende, entre outras cousas, facer visible a importancia que a radio tivo como medio de comunicación ó longo da historia.

Ponte nas ondas fixo un chamamento a todos os centros educativos galegos e portugueses para que enviaramos algún traballo co patrimonio inmaterial para amosar no portal ESCOLA NAS ONDAS o día de hoxe o 13 de febreiro con motivo do Día Mundial da Radio.

E nos decidimos colaborar. Coma ben sabedes, algúns dos vosos compañeiros e compañeiras de 5º e 6º quixeron colaborar con Ponte nas Ondas e investigaron as distintas manifestacións do Entroido do Ulla para recoller audios de "Altos" dos anos 1985, 1986, 1987 de Bandeira e, nesta emisión tan especial, vencellada ao patrimonio inmaterial, contan a orixe desta mascarada e deixannos escoitar as arengas dos Xenerais que fixeron hitoria no "Alto dos Xenerais" de Bandeira. Non vos perdades esta emisión.

DÍA INTERNACIONAL DA NON VIOLENCIA E A PAZ

Ola amiguiños e amiguiñas!! Hoxe é 30 de xaneiro: "Día Internacional da non violencia e a PAZ" unha data agardada por todos nós. Símbolo de algo que está agromando na entrada do noso cole. Somos "Fortes coma árbores" e hoxe máis que nunca "Fortes coma Carballos".

Un carballo forte que une a todo o cole nunha follaxe de corazóns e desexos de unión, paz, ecoloxía, coidado do noso ambiente, empatía, solidaridade, colaboración...
Unhas pombas que levan a nosa mensaxe e fannos lembrar a importancia e o valor da xente e do que nos arrodea,...

Unha canción que nos une a todos e todas, aínda que separados no espazo unidos nunha soa voz...

Un símbolo de Paz que foi tecido entre todos. O noso traballo individual de aula pasou a ser unha representación conxunta, amosando ao mundo que a colaboración é o camiño para vencer á realidade que estamos a vivir.

 

Hoxe comeza un Día da PAZ que estará envolto en música e lecturas e que pouco a pouco, ao longo do ano irá dando paso a que este "Fortes coma Carballos" que está agromando na entrada do noso cole, siga megrando e aproveitando as fortalezas de cada un de nós, para converse nun "FORTES COMA AS ÁRBORES".

Calendario 2022

Ola amiguiños e amiquiñas!! Aquí deixo unha pequena sorpresa!! O noso calendario do 2022, que coma sempre está relacionado co noso proxecto.

Este ano que centramos a nosa atención nas árbores grazas ao proxecto "Fortes coma Carballos" decidimos dedicar cada mes a un froito! Grazas aos códigos QR podedes achegarvos a algunhas curiosidades dos amorodos, limóns, laranxas, uvas...

Queredes poder descargar o calendario? Aquí o deixamos para que llo regaledes a avoas, tías, primos, padriños,...

NARVAL, UN PROFE GENIAL

Ola amiguiños e amiguiñas!! Pouco a pouco a biblioteca vai recobrando o seu "bule-bule" despois dun tempo de arranxos e recolocacións. Son moitas as novidades lectoras que nos están a chegar. Unha delas foi Narval un profe genial que decidín ensinarvos esta semana na que celebramos o "Día Internacional da Educación".

Estamos ante un conto ideal para levar a aula e enriquecer o vocabulario do noso alumnado dun xeito alternativo e moi divertido.

Neste libro Narval e Medu convértense en profesores suplentes! Estos dous amigos atopan unha mañá un banco de peixes. Desafortunadamente, Mr Globo, o seu maestro, está enfermo e a clase terá que ser cancelada... Ata que o Profesor "Narval" e a supermestra "Medu" ofrécense como voluntarios para dar a clase.

Que pasará? Pois xa sabedes!! Vinde correndo a por Narval un mestre xenial que está agardando por vós...

As novas da hora de comer e curiosidades do tempo de lecer (Programa 6)

 Ola amiguiños e amiguiñas!! Jaime de 5º e Esther de 6º volven, despois das vacacións de Nadal, co seu programa "As novas á hora de comer e curiosidades do tempo de lecer" que emiten en directo para o comedor do cole. Hoxe viñan cargados de novas de actualidade e algunha que outra curiosidade. Queredes escoitalos? Pois xa sabedes... Dádelle a play!!

LEMOS EN PAZ

Ola amiguiños e amiguiñas!! Chega o Día da Paz e coma sempre preparámonos coas lecturas.

Cada ano temos unha selección de lecturas para "Ler en Paz" coa nosa aula de primaria e outras máis sinxelas que os compañeiros e compañeiras de 6º prepararon para infantil.

Son lecturas fermosas aínda que este ano como novidade están relacionadas, tamén, co noso PDI: Fortes coma Carballos.

En primaria propoñemos:

Paso a paso:

Un bosque en mí:

Unha longa viaxe:

El cielo de Afganistán:

Abajo los muros:

Para infantil propoñemos un Kamishibai de Wangari e o conto Nadarín:

NI MÁS NI MENOS

Sabedes que celebramos o día 3 de Decembro? Pois si, foi o "Día Mundial das Persoas con Discapacidade". Unha data moi importante e que todos e todas debemos ter en conta pois busca promover os dereitos e o benestar das persoas con discapacidade en todos os ámbitos da sociedade, así coma concienciar sobre a súa situación en todos os aspectos da vida política, social, económica e cultural.

Lía Enríquez e Marifé de 3º saben que é unha data importante e que nós os nenos e nenas aprendemos moito a través dos contos, así que foron á radio a recomendar un conto moi interesante que aborda este tema. Un conto que todos podedesdescargar gratis en internet e que fai que aprendamos moito da discapacidade. Escoitádeas!!

E se queredes ler o conto.... Aquí o deixamos... Gústavos?

Ni más ni menos (cuento infantil) de Atenas Quintal