Ola amiguiños e amiguiñas!! O pasado mércores 15 de febreiro contamos coa visita de dous cacharelos. Tapando a cabeza unha careta que lembra a obra "O Mascarón de Laxeiro", o traxe cheo de cintas de cores amarelas, laranxas e vermellas que lembran as lapas das lumieiras de San Xoan, na cintura catro ou cinco chocas que marcan o paso do Cacharelo e dan ese aire de festa, sorpresa e medo. Correndo co seu son acompasado e na man un toxo "Os Cacharelos de Lalín" chegan ao patio chamando a atención de maiores e pequenos. Pouco a pouco os nosos cacharelos paran o seu xogo para dar a coñecer o seu pequeno Entroido. Un Entroido de barrio que está a nacer e que pouco a pouco está a gañar gran recoñecemento na vila e na comarca.
s tivemos a sorte de poder facerller unha pequena entrevista. Escoitade!!
E se queredes... Aquí podedes ver que ben o pasamos...
0 comentarios:
Publicar un comentario