Entroido no CEIP de Bandeira

Ola amiguiños e amiguiñas!!
Xa levamos un tempo escoitando o "Alto dos Xenerais" infantil. Un alto no que moitos participades... Dende hai un tempo compañeiros e compañeiras vosos están preparando as súas "arengas" e recitándoas en tempos de lecer para facernos gozar cos seus lances mañá.
Os rapaces e rapazas de segundo xa lanzaron os seus "vivas"... respondendo as preguntas de Garabullo quere saber...
Os rumores dos distintos disfraces e as sorpresas do concurso de mañá son o rumor que percorre a escola ao longo desta semana...
As fotos cos xenerais e de xenerais están enchendo a escola do entroido que mañá comezamos.
Pasádeo ben nestas festas!!
Sorte no concurso e coas arengas
Agardo as respostas de Garabullo quere saber!!
Saúdos e xa sabedes... VÉMONOS NA BIBLIOTECA!!!

DON POL E PEQUENO PIN

Ola amiguiños e amiguiñas!!
Íker e Xiana, grazas á axuda de Carmen, a Orientadora, estiveron a facer un dobre traballo.
Por un lado aprenderon a importancia do traballo en equipo, da colaboración e do respecto.Tras unha pelea descubriron que o mellor xeito de solucionar as diferenzas e o diálogo que tivo como resultado a presentación deste conto.
Por outro lado como preparar e contar un conto. Neste caso:

Don Pol e o pequeno Pin.
Xiana é Don Pin, un pequeno cangrexo desesperado por sentirse deforme, tras un encontro co vello polbo Don Pol (Íker) decátase de quen é. E... se queredes saber que pasa, lede o conto que tedes na biblioteca, ou escoitade como volo contan os protagonistas.
Agardo que vos guste tanto coma a min.
Un saúdo e xa sabedes... VÉMONOS NA BIBLIOTECA!!!

Libros con AMOR

Ola amiguiños e amiguiñas!!!
Que podo dicir que non saibades do día dos namorados?
Hoxe 14 de Febreiro é o DÍA DOS NAMORADOS. Hoxe é o día de compartir algo con aquelas persoas que fan a nosa vida máis fermosa e doce.
Eu comparto lecturas con amor. Lecturas que fan feliz a un amigo. Lecturas que fan sorrir a papá e a mamá. Lecturas para compartir cos compañeiros e compañeiras, na aula ou na rúa. Contos que fan que todos se sintan mellor e desprendan sorrisos. Eu comparto LIBROS CON AMOR!!
Agardo que vos gusten.
Saúdos e xa sabedes... VÉMONOS NA BIBLIOTECA!!!

Saen as "Mochilas Viaxeiras"

Ola amiguiños e amiguiñas!!!
Xa saíron as mochilas viaxeiras!!
Outro ano máis as mochilas saen ás casas. Levan os recordos das actividades feitas ao longo deste curso nos Cds de fotos e videos; aventuras que se encerran nas películas e nos contos; maxia e fantasía nos albumes ilustrados; gañas de aprender e compartir saberes nos libros para ler cos maiores, lecturas en varias linguas e música para caldear o ambiente nestas tardes de temporal.
Agardo que estas mochilas preparadas con ilusión e coidado fagan que pasedes unha fantástica semana.
Non esquenzades deixar un consello, unha crítica... ou incluso un contiño ou un debuxo feito por vós, para este Garabullo, que tanto goza e que tan feliz é cando ve como disfrutades lendo un conto.

Un saúdo e xa sabedes... VÉMONOS NA BIBLIOTECA!!!

GARABULLO QUERE SABER

Ola amiguiños e amiguiñas!! Xa sabedes que o entroido está a chegar. É ben sabido que é unha festa onde non poden faltar os disfraces, as risas o bo humor e as gañas de pasalo ben.
Teño entendido que Bandeira forma parte dun entroido tradicional xunto con outras localidades da zona. É o "Entroido da Ulla".
Pois Garabullo quere saber...
É certo meus nenos e miñas nenas! Quero aprender todo o que poida deste entroido. Por este motivo pídovos axuda. A través das preguntas que deixei colgadas nas escaleiras do cole, espero que poidades ilustrarme e informarme desta festa tradicional. Tedes material na biblioteca para documentarvos que, xunto coa axuda dos vosos mestres e mestras, e das vosas familias e amigos axudaravos a facer un traballo fenomenal.
Agardo impaciente!!
Un saúdo e xa sabedes... VÉMONOS NA BIBLIOTECA!!!

30 xaneiro 2014 DÍA DA PAZ

Ola amiguiños e amiguiñas!! Que emoción escoitar e ver como o conto OSO ATRAPABOLBORETAS cobra vida cos vosos debuxos e coas vosas voces.
Sempre soupen que algo de artistas tiñades pero aínda sodes mellores do que eu pensaba.
Aínda que non é o primeiro ano que dades vida a un conto e que traballades nove lecturas da Paz durante nove días, para conmemorar o día da Paz, seguides sendo quen de facer que eu "Garabullo" sexa moi feliz sendo a mascota da vosa Biblioteca e... de que me emocione vendo como ledes, como gozades coa lectura e cos contos que dende a biblioteca son propostos.
Aquí deixo o voso conto e as fotos das lecturas pola Paz... para que todos disfrutedes na casa e na aula coa familia e cos amigos.
Un saúdo e xa sabedes... VÉMONOS NA BIBLIOTECA!!!

Nove días para a PAZ

Ola amiguiños e amiguiñas!! Xa entramos nun novo trimestre.

Novas aprendizaxes e novas actividades van marcando o noso camiño... e así, dende hoxe camiñaremos cara á Paz.

Do mesmo xeito que o ano pasado, faremos o noso conto e as nosas lecturas pola Paz. 

Así pois será o conto OSO ATRAPABOLBORETAS o encargado de marcar o punto de partida para as lecturas pola PAZ. Dende hoxe e ao longo de nove días, as nove aulas da escola, irán rotando nove lecturas pola PAZ que finalizarán o día 30 de Xaneiro coa proxección do conto que entre todos fagamos.
Non esquezades o lema elexido este ano para a celebración desta data:

"As pequenas axudas ofrecen grandes cambios"

Un saúdo e xa sabedes... VÉMONOS NA BIBLIOTECA  

Lecturas pola PAZ 2014

LEMOS ONDE NOS PETA

Nun frío domingo de inverno, un grupo de mestres e mestras viñeron á biblioteca en busca de libros e aventuras. Preto da cheminea estábase de medo pero... non tiñamos as vistas da nosa Bandeira.
Cargados de contos, de música, de Nadal... saíron de excursión e conseguiron demostrar que se ben é facil "ler porque nos peta" máis doado é "ler onde nos peta".
As paisaxes que arrodean a nosa terra son fermosa... non perdades a oportunidade de ler nelas!!!
Bo Nadal a todos e todas!!!
Un saúdo e xa sabedes... VÉMONOS NA BIBLIOTECA!!! 

ABRAHAM CARREIRO ENSINOUNOS A TRUCOS PARA OS NOSOS DEBUXOS

 Ola amiguiños e amiguiñas!!!
Que ía dicir que con dous círculos podemos facer unha galiña ou un cabalo?
Que artísta!!!
Foi fantástico ter a un ilustrados como Abraham Carreiro toda unha mañá para nós, e, mellor aínda, que nos contara algúns truquiños para mellorar as nosos debuxos.
Grazas Abraham polo teu tempo e polos teus consellos. Aquí queda un pequeno guiño do que foi o teu paso pola escola.
Un saúdo e xa sabedes... VÉMONOS NA BIBLIOTECA!!!

UN LIBRO POLO NADAL

Ola amiguiños e amiguiñas!!!
As vacacións están agardando por nós.
Falta menos para as notas e as festas de Nadal.
O festival xa está case preparado, e o cole está tan fermoso que da pena deixalo así durante as vacacións.
Eu decidín quedar aquí lendo contos e libros preto da cheminea. Para min, o Nadal, é un tempo ideal para ler un conto cunha taza de chocolate quente. É un tempo ideal para regalar un libro ou incluso para pedirllo aos reis nas nosas cartas.
Se precisades algunha idea, se non tedes claro o que máis vos gusta... aquí deixo uns conselliños.
Non hai mellor agasallo que un libro polo Nadal.
Un saúdo e xa sabedes... VÉMONOS NA BIBLIOTECA!!!