UN MAGOSTO DE MEDO

Ola amiguiños e amiguiñas!! O pasado 31 de outubro celebramos o noso Samaín - Magosto especial. Entre gorros "medorentos", escapes room de halloween, conxuros fascinantes e disfraces incríbeis.... fomos disfrutando dunha mañá moi divertida e terrorífica que rematou coas castañas máis medorentas e ricas que poidades atopar! Mírade que ben o pasamos!!

O XOGO DA BIBLIOTECA

Ola amiguiños e amiguiñas!! Onte celebramos o Día das Bibliotecas Escolares. Un día no que todo o cole pasa pola biblbioteca para coñecela a través dos xogos e dos retos propostos por Garabullo. A través de xogos cos escornabots, de códigos QR e de vídeos aprendimos moitas cousas da organización da Biblioteca, dos seus proxectos e do seu lema. Non deixedes de ver os vídeos desta xornada tan divertida.

Feliz día das Bibliotecas e lembrade "Lemos porque nos peta".

ACHÉGASE O DÍA DAS BIBLIOTECAS ESCOLARES

Ola amiguiños e amiguiñas!!

A biblioteca pronto estará de festa. Achégase o Día das Bibliotecas Escolares e Garabullo será o protagonista neste día.

Que pasará?

AS REPORTEIRAS DE GARABULLO

Ola amiguiños e amiguiñas!! Esta fin de semana en Bandeira hai un certame de Bandas e as nosas reporteiras non queren deixar pasar a ocasión. Irene de 6º achegouse os micros de Radio Garabullo para adiantar o que ía ser o seu próximo programa. Queredes escoitalo?

DIGICRAFT

Ola amiguiños e amiguiñas! Hoxe chegou ao noso cole un agasallo de DigiCraft. Un agradecemento pola nosa participación neste proxecto que tanto gusta e que tanto nos engancha a todos e todas.

Grazas DigiCraft por este recoñecemento, por dotarnos de materiais didácticos e divertimos, cos que puidemos achegarnos ao mundo do videoxogo, da realidade aumentada, da intelixencia artifial e da robótica. Unha aprendizaxe moi motivante que doutro xeito nunca chegaría aos nosos nenos e nenas.

Agardamos poder continuar con esta iniciativa o vindeiro ano. Agora toca descansar e marchar para a casa con este doce agasallo. FELIZ VERÁN.

ATA SEMPRE 6º

Ola amiguiños e amiguiñas!! Hoxe achégome ata aquí para pechar este curso. Dende o Equipo da Biblioteca dicímosvos adeus e Felices Vacións a todos e todas.

Acabamos con certa tristura por ter a Biblioteca pechada e non poder despedirnos de vós coma nos gusta "Lendo porque nos peta".

Gustaríanos vervos un día máis xogando cos cubos de rubik, intercambiando opinións sobre as lecturas, debuxando ou facendo esas tarxetas de lettering que tanto vos gustan. Pero as obras e as inclemencias do tempo ofrécennos un imaxe máis melancólica dunha biblioteca anegada, desordenada, triste...

Aínda así de todo sacamos tallada e estamos seguros de que o vindeiro ano empezaremos con máis forza e ilusión, sedentos de lecturas e de novas vivencias neste recunchiño do cole, tan acolledor e familiar. Nesta nosa Biblioteca.

Non queríamos despedirnos sen antes felicitarvos a todos e todas pola paixón pola lectura e a ilusión e o sorriso coa que vides cada recreo.

Desexamos a todos e todas unhas felices vacacións e en especial ao alumnado de 6º: axudantes incondicionais da Biblioteca. Non esquezades que esta sempre será a vosa biblioteca e agardamos a vosa visita sempre. Sede felices e aprendede moito nesta nova andaina.

EN MAIO, PONTE... A XOGAR!

Ola amiguiños e amiguiñas!! En maio, Ponte... a xogar!! Esta foi unha proposta que chegou a Radio Garabullo de Ponte nas Ondas. Popón converter, durante o mes de maio os patios dos coles galegos e portugueses en grandes espazos de xogo no que , durante os tempos de lecer, se deixe ver a nosa cultura revivindo os xogos tradicionais. 

Como xa sabedes os nenos e nenas de 4º acolleron esta idea con moitas gañas e decidiron ir un pouco máis alá. Prepararon os xogos froito desta proposta e xogaron cos pequenos de 1º de Primaria que non coñecían ningún xogo dos propostos. 

O mellor de todo é que pouco a pouco todos fomos sumándonos ás propostas de 4º e o que máis e o que menos escolleu seguir o lema de PNO "En maio, Ponte... a xogar!!"

CONCURSO DE LOGOS NATURARTE

Ola amiguiños e amiguiñas!! Como ben sabedes o proxecto de investigacion "Naturarte" estivo acompañándonos todo o curso. Primeiro asomando nas distintas actividades para lanzarnos á investigación no 2º trimestre.

Foron moitas as cousas que fixemos baixo este lema e que hoxe pechamos, nesta data tan sinalado como é o 5 de xuño o "Día Mundial do Medio Ambiente".

A protección do Medio Ambiente implica a todos. O lema proclamado pola ONU é "Sin contaminación por plásticos" e seguindo este lema ao longo do ano traballamos a redución, reutilización e reciclaxe deste tipo de material. 

Ademais de colaborar con este tema participando na "Patrulla de Patios" encargada da limpeza do mesmo e a reciclaxe do lixo recollido, buscamos a utilización de materias da  natureza para crear arte e creamos recunchos bonitos. Todo dentro dun proxecto chamando Naturarte que hoxe damos por rematado.

Non podíamos dar peche a este proxecto sen escoller un logo para identificalo. Fixemos un concurso onde a vosa participación foi moi gratificante. Resultou duro escoller aos finalistas que foron : Uxía de 3º, Aloia, Nina e Lía Enriquez de 4º e Érika de 6º.

Todos os logos presentados foron fermosos e deixan ver o voso amor pola Natureza. Había que sinalar un gañador e por maioría gañou Aloia de 4º. 

Parabéns a todos e todas pola vosa participación.

NATURARTE 5º: Cestos con xornais e tintes naturais

Ola amiguiños e amiguiñas!! Hoxe toca presentar o proxecto de 5º. Como ben sabedes foron os encargados de formarnos e falarnos sobre o día 15 de marzo o "Día Mundial dos Dereitos do Consumidor". Unha data que deixou moi preocupados aos vosos compañeiros coa idea de reutilizar e reparar os produtos antes que tiralos e mercar outros novos.

Polo programa de Prensa Escola eran conscientes da cantidade de xornais que se tiraban. Buscando unha idea para colaborar co Proxecto Naturarte e aproveitalos decidiron xuntar a idea de reutilizar a prensa e facer cestos, que logo serían decorados con tintes naturais feitos con col, limón, remolacha... e unha gran variedade de materiais. E así xurdiu esta proposta que hoxe nos fan chegar. Ollade!!

NATURARTE Infantil: Escultura con Elementos Naturais

Ola amiguiños e amiguiñas!! Aquí estamos de novo para seguir falando de Naturarte un gran proxecto de investigación que ten cabida para todos. Nesta ocasión tocoulle a Infantil que crearon auténticas obras de arte con elementos naturais. 

Aproveitando os tempos de lecer foron recollendo todo tipo de materiais para as súas composicións: pedras, paus de madeira, follas, piñas, herbas,... todo o que os patios do cole ofrecían. Coma auténticos artistas foron mesturando os materiais e a súa creación e imaxinación e pega que pega foron saíndo un montón de fermosas obras que hoxe adornan a entrada do cole. Un aúténtico traballo de escultura, imaxinación e creatividade!!