O DÍA DA PAZ

Ola nenos e nenas!! Outra vez Garabullo anda a matinar cousiñas para darlle vida a nosa Biblioteca.
Sabedes que estas últimas semanas foron adicadas á PAZ, Garabullo puxo unha mesa con contos relacionados coa PAZ. Pero.... matinando, matinando chegou a conclusión de que non todos puidemos ler as contos propostos... Como o tempo era pouco e os contos moitos e moi fermosos decidiu deixarvos unha foto das portadas dos contos para que se queredes voltar a eles poidades facelo. Velaí vai a foto! (Se pinchades encima da foto veredes mellor as portadas)

Chocolata

Os rapaces e rapazas de 5 anos amósannos un novo xeito de ver os contos. O elexido foi Chocolata un conto de Marisa Núñez & Helga Bansch. Aquí queda o resultado dun precioso e interesante traballo. Agardamos que vos guste.

Os contos de despois de NADAL

Xa remataron as vacacións. Os reis valeiraron as súas sacas e deixaron centos e centos de xoguetes e contos nas casas de todos os nenos e nenas do mundo... Pero.... esqueceron algo moi importante... Esqueceron un camelo... se queredes saber o que aconteceu preguntade na biblioteca.

Un camelo na cornisa
Elia é unha rapaza que pensa que o peor día do ano é cando rematan as vacacións de Nadal e hai que recoller todos os xoguetes que trouxeron os Reis. Pero este ano a rapaza terá unha visita moi especial. Xusto antes de ir cara a escola, Elia escoita tusir preto da ventá. Quen poderá ser co frío que vai?
Buscádeo. Agardo que vos guste...

El sueño de Lu Shzu

      Como xa sabedes este é o conto co que colaboramos no BUBISHER. Tamén o mercamos para a nosa Biblioteca. Sería bonito que viñerades a ler este conto e poder pensar que nalgún lugar do Sahara haberá un neno ou unha nena ou incluso un papá ou unha mamá lendo o conto ao mesmo tempo ca nós. Dalgún xeito conectaremos todos a través dun mesmo conto.

Este conto fala de Lu Szhu unha nena dagonmei que traballaba nunha fábrica de xoguetes. Antes, cos seus dediños montaba pezas pequenas para as bonecas. Co tempo, medrou e levárona a unha mesa a empaquetar. Cando a pequena viu aquelas bonecas enteiras, tan bonitas, con aqueles vestidos de cores... entón quixo ter unha! e....
Se queredes saber o que pasou... xa sabedes! o conto espéravos na Biblioteca, como todos, desexando ser ollado, tocado,  gozado... por todos os nenos e nenas do cole.

BUBISHER

En saharaui BUBISHER significa paxaro de boa sorte. Bubisher é tamén o nome dun autobús-biblioteca que circula entre os campamentos do Sahara para acercarlles o mundo da lectura, dos contos, da información... a nenos, nenas e maiores. É o que nós chamamos unha Biblioteca con rodas.
As Bibliotecas de moitos centros educativos colaboran co BUBISHER enviando algún conto. A nosa biblioteca regaloulle o conto El sueño de Lu Shzu.

Con iso enviamos tamén a nosa ilusión aos rapaces e rapazas saharauís para que coñezan o marabilloso mundo la lectura.

Se queredes saber algo máis do BUBISHER mirade este video explicativo. É moi interesante e axudaranos a entender a labor tan bonita de tantos voluntarios e voluntarias que queren levar a lectura, neste caso, aos campamentos de refuxiados do Sahara.

UN LIBRO POLO NADAL

Ola nenos e nenas!!! Un ano máis chega o Nadal. Ven un tempo frío... Apetece quedar na casa quentiños e cun chocolate... Estamos xa tumbados no sofá e... Que facemos? LER. Siiii ler!!!
Aquí deixo unhas recomendacións de lectura para todas as idades. Libros de todo tipo. Libros que nos van a levar a vivir historias preciosas. Lede os libros e contádeme á volta das vacacións que vos pareceron, se foron divertidos ou cal vos trouxeron os Reis. Agárdovos na Biblioteca para saber das vosas experiencias.

BO NADAL  FELIZ LECTURA A TODOS !!!

Os MEDOS do SAMAÍN

Tendo en conta a proposta feita por GARABULLO dos MEDOS, amosamos o seguinte vídeo. É unha resume de todos os medos que foron recollidos no MURAL DO SAMAÍN.
Agardo que vos guste

ME MUERO DE RISA

Me muero de Risa así é o título do conto que inventaron os nenos e nenas de 1º para aportar algo ao SAMAÍN. Agardamos que vos guste moito. Nós pasamolo en grande escribindo este pequeno conto e dándolle unha visión máis graciosa aos contos de medo.

Open publication - Free publishing - More divertida

Este conto foi inventado tendo como referencia o conto que tedes na Biblioteca

Contos de Medo

Tomando como referencia a historia de "Marcelino Pardo", pertencente ao libro Os outros feirantes de Álvaro Cunqueiro, algúns nenos e nenas de 6º escribiron uns contos. En todos eles aparece un ou máis personaxes fantásticos, "estraños" o que por outra banda fai que sexan unha interesante lectura de SAMAÍN
Agardamos un fantástico e divertido intre de lectura.

Open publication - Free publishing - More contos

Rimas e Lendas

Os nenos e as nenas de 5º deixan aquí recollidas unhas rimas e lendas do SAMAÍN.
Un simpático esqueleto volas vai amosando!
Son moi divertidas!

Open publication - Free publishing - More contos