Foi escrito por Rosalía Morlán e todo o que se recaude coa venta deste conto é para a asociación AÚPA DEZA. Aproveitando o Festival de Nadal o alumnado de 4º decidiu representar o conto e invitar aos membros da Asociación para vender os contos na entrada do cole.
Grazas a todos e todas por unha xornada marabillosa!!
Ola amiguiños e amiguiñas!! Xa se achegan as vacacións. Seguro que xa tedes un montón de actividades e xogos programados. Pero, para os momentos de frío e casa, para os momentos de lecer no sofá cunha mantiña deixámosvos estas recomendacións de lectura. Contos para todos neste tempos de Nadal!!
Ola amiguiños e amiguiñas!! Onte tivemos a sorte de ter no cole a Cristina Collazo e a Manu, os pais de Manuela de 3 anos. Ambos son músicos de recoñecida fama.
Foron os elfos elexidos polo "Apalpador" para avisarnos de que o Nadal está a chegar. Coas súas castañas cargadas de relaxación, amizade e música fixéronnos pasar un ratiño moi divertido e ver que xa chegan as vacacións!!
O alumnado de 5º non quixo perder a ocasión de facerlles unha entrevista para Radio Garabullo e isto foi do que falaron.
Grazas Cristina e Manu polos momentos tan marabillosos e doces que compartimos.
Ola amiguiños e amiguiñas!! Hoxe Zoe e Cova estiveron na biblioteca preparando unha entrevista para Antonio, director do centro e o seu titor. Tiñan moitas gañas de saber en que consistía a dirección dun centro. Unha vez preparado o traballo levaron ao "Dire" a nosa emisora e isto foi o que lles contou.
Ola amiguiños e amiguiñas!! Queremos compartir con vós unha nota de cara ao día do Festival de Nadal. Xa non falta nada...
Ola amiguiños e amiguiñas!! Unha ano máis xuntámonos todos para compartir momentos de Nadal. Todo o cole, grandes con pequenos, escribimos as nosas "Cartas". Cartas Máxicas cargadas de desexos, de ilusións e de agasallos. Unha mañá divertida e marabillosa!!
Escribindo as cartas!!
OLLADE!!!
O SENTIDO DA VISTA por Martín:
O SENTIDO DO GUSTO por Florentino:
O SENTIDO DO OÍDO por Manu:
O SENTIDO DO OLFACTO con Xiana e Fabiola:
Ola amguiños e amiguiñas!! O alumnado de 4º achegouse a Radio Garabullo para falar da actividade que están organizando os nenos e nenas de 6º de Infantil para conmemorar o "Día Internacional das Persoas con Discapacidade"
Ola amiguiños e amiguiñas!! Xa temos nas ondas o novo programa de RADIO GARABULLO. Parabéns á hora de comer e curiosidades do tempo de lecer.
Este podcast foi emitido por Martina, Henar, Carmen e Lola de 4º. Unhas auténticas locutoras de radio. Escoitade todo o que nos teñen que contar e parabéns a todos os nados nos meses de agosto, setembro, outubro e novembro.
Ola amiguiños e amiguiñas! O pasado 25 de novembro celebramos o "Día Internacional da Eliminación da Violencia contra a Muller" creando unha PORTA VIOLETA entre todos e todas.
Un "Porta" simbólica para eliminar os signos de violencia e crear un mundo mellor.
A nosa inspiración os amigos e amigas, as aprendizaxes positivas, os libros e a música.
Ola amiguiños e amiguiñas!! Ao longo desta semana celebramos o "Día Munidal da Infancia".
Cada vez que vides á Biblioteca ollades os contos e ledes as súas historias e vivides as aventuras dos seus protagonistas. Este ano os nenos e nenas de 1º de Primaria encontraron uns contos que falaban dos nenos e nenas e dos seus DEREITOS.
Qué era iso dos DEREITOS? Como é que os nenos e nenas teñen DEREITOS e eles non os coñecen... Nin sabían o que significa a palabra DEREITO.
Agora que están a aprender moitas cousas cos libros da biblioteca, fixeron unha proposta para aprender máis dos DEREITOS DOS NENOS E NENAS. Aquí tedes unha das súas propostas:
- UN ENCRUCILLADO:
Ola amiguiños e amiguiñas!! O xoves pasado celebramos o Samaín no cole. Decoramos a entrada con motivos medorentos feitos con produtos do outono. Escribimos un conto entre todos dende infantil a 6º de primaria: "O Souto da Retorta". Trouxemos as roupas máis medorentas que tiñamos para celebrar este día. Vimos aos compañeiros e compañeiras de 6º como escenificaban o conto e rematamos este día de festa e tradición saboreando unhas riquísimas castañas.
Queredes ver o conto?
E se alguén quere ler o conto aquí o deixamos:
Ola amiguiños e amiguiñas!! O xoves 24 de outubro celebramos o "Día das Bibliotecas". Todas as aulas pasamos pola biblioteca para facer distintas actividades: vimos o vídeo de presentación da biblio feito polo alumnado de 6º; buscamos pistas pola biblioteca, xogamos con "True True", con scratch e a placa "tecla tecla" fixemos circuítos e escoitamos as normas da biblio; xogamos cos escornabots,... Pasamos un día moi divertido e neste vídeo podedes ver todo o que fixemos e o ben que o pasamos.
Ola amiguiños e amiguiñas!! Hoxe é o Día das Bibliotecas Escolares. Como cada ano os nenos e nenas de 6º prepararon un vídeo para dar a coñecer a Biblio e para lembrar algunhas das normas máis importantes.
Ola amiguiños e amiguiñas!! O xoves celebraremos o "Día das Bibliotecas Escolares" e con este motivo, Mariña de 5º, aproveitando unha sesión de "CANVA" fixo este cartel para anuncialo.
Lembrade o 24 de outubro celebraremos a festa da nosa biblioteca!!
Ola amiguiños e amiguiñas!! Xa chegan o Samaín e o Magosto. Estades preparados? Pois aquí deixamos as activvidades que estamos a facer!!
Ola amiguiños e amiguiñas!! O curso está a rematar, pero aínda quedan traballiños vosos para ir colgando por aquí. Esta semana Florentino de 5º de infantil visitou a nosa emisora con Irene de 6º. Quería contar un conto escrito e ilustrado por el en Radio Garabullo. Queredes escoitalo?
.jpeg)
Ola amiguiños e amiguñas! Estamos a rematar o curso e pouco a pouco esta biblioteca vai apagando as luces. Pero antes de despedirnos ata o vindeiro curso precisamos que nos avaliedes. Coma sempre sabemos que hai moito que mellorar e queremos saber a vosa opinión que para nós é fundamental. Agardamos as vosas respostas!!
Ola amiguiños e amiguiñas! O pasado martes tivemos na biblio unha formación de cómica para todos e todas. Moitos nenos e nenas dende 4º de infantil ata 6º de primaria pasaron pola biblio cos seus papás ou mamás a aprender moitas cousas dos cómics. Que tipo de comics hai, como se debuxan as personaxes e as súas emocións, como facer os diálogos, creamos un cómic entre todos (cadáver exquisito), aprendemos a mesturar cores para chegar a novas creacións,... Un montón de actividades coas que pasamos un momento divertido, de creación e aprendizaxe.
Ola amiguiños e amiguiñas!! Seguimos cos contos feitos polo alumnado de 2º. Hoxe toca escoitar tres minicontos fantásticos e imaxinativos, feitos de xeito cooperativo, escritos e ilustrados por eles mesmos. Son os contos que foron contando a todos polas aulas e hoxe gravaron na radio. Pronto deixaremos un vídeo testemuña desta actividades. Non deixedes de escoitalos!!
Conto de Alí, José e Lía Oro "El León Bueno"
Ola amiguiños e amiguiñas!! Gracias a Radio na Biblio tivemos a sorte de contar con Cristina Collazo que estivo co alumnado de 4º facendo unha formación e con todos os mestres do cole. Aprendemos moito dun xeito moi divertido.
A través de distintas dinámicas aprendemos a modular a voz, a prepararnos para un programa de Radio, a improvisar , a transmitir emocións,...
Pasámolo xenial!!
Ola amiguiños e amiguiñas!! Ao longo do trimestre os vosos compañeiros e compañeiras de 4º estiveron facendo novas amizades a través do correo.
Xa sabemos que hoxe en día todos estades comunicados a través das redes sociais. Sen embargo, non hai moito tempo, empregabamos o lapis e o papel. A través das cartas familias ou amizades intercambiaban a información das súas vidas e agardaban ansiosos a chegada dunha nova carta contando as novas dos seus seres queridos.
Isto fixeron os compañeiros de 4º. Intercambiaron cartas coa rapazada de 4º do CPI Plurilingüe de Vedra. Ao longo do trimestre foron presentándose, como son, que lles gusta, afeccións,... Mandan as súas cartas coidando a súa caligrafía e ortografía, variando os temas a tratar e establecendo conversas moi interesantes. Un impresionante traballo de redacción voluntario e moi motivante en colaboración co CPI Plurilingüe de Vedra ao que saludamos dende aquí e invitaremos pronto para coñecernos en persoa.
Ola amiguiños e amiguiñas!! Durante a pasada semana aprendemos que hai moitos xeitos de contar un conto. Grazas ao robotiño "True true" puidemos gozar do conto Os petos de Loreto e descubrir todo o que Loreto gardaba nos bolsillos do seu abrigo. Todos e todas pasamos pola biblioteca e xogamos e pasamos un bo rato con este conto e "True true".
Ola amiguiños e amiguiñas!! O pasado xoves o alumnado de 3º e 5º pasou o día con Jon González ilustrador e debuxante. Fai traballos de pintura e do mundo do cómic. Versiona as súas series favoritaa e crea os seus propios personaxes, fai ilustracións personalizadas e traballa tanto en papel coma en dixital.
Afirma que lle encanta debuxar con lapis e rotulador e así llo transmitiu aos vosos compañeiros e compañeiras nestas sesións de creación de cómics.
Grazas a faceta deste autor ilustrador e a Biblioteca Creativa os vosos compañeiros pasaron unha xornada inesquecible.
Ola amiguiños e amiguiñas!! Sabíades unha das cousas coas que
eu, Garabullo, gozo? É ollándovos na biblioteca collendo contos, xogando,
debuxando, facendo chapas, investigando... En definitiva dádolle vida ao
meuespazo preferido: A biblioteca!! Pero cando sodes vós, os nenos os que
creades cousiñas aínda estou máis feliz e orgulloso.
A pasada semana os nenos e nenas de 2º pediron ir á radio para
gravar contos e receitas creadas por eles. Fun a mascota da biblioteca máis
feliz que poidades imaxinar e aquí tedes un dos contos. O conto de Blue escrito
e lido por Clara, Hugo e Gabriel de 2º.
Ola amiguiños e amiguiñas!! Nesta ocasión quen se achegou aos estudos de Radio Garabullo foi Daniel de 2º para aconsellarnos unha merenda saúdable e moi fácil de facer. Ademais penso que estará boísima. Escoitade!!
Ola amiguiños e amiguiñas!! Sabíades unha cousa? Cando os mestres e mestras do cole traen a alguén para falar con vós e contarvos cousas sobre o seu traballo, sexa ilustrador, escritora ou investigadora... Sempre teñen medo de que algo falle, de que non vos guste ou de que vos aburra. Aínda así arriscan e pasan cousas e momentos tan bonitos coma o do pasado 9 de maio con Érica Esmorís.
Érica Esmorís é unha grande escritora que conduce unha furgoneta e a que lle encantan os animais. Se non fose escritora traballaría de veterinaria. É unha muller moi alta e cos cabelos longos. Fala despacio e claro e dende que empezou a súa conversa con 3º e 4º enganchounos de tal xeito que cando rematou a súa charla e marchou.... Todos os nenos e nenas de 3º e 4º voltaron a coller os libros en préstamo desta muller máxica que desprende creatividade por todos os lados.
Nesta ocasión falamos de Patio de luces e de Nena e o mar.
Patio de luces, XI Premio de Narrativa Infantil Cidade de Málaga
.jpg)
Nena e o mar Premio Merlín de Literatura Infantil 2015
Ola amiguiños e amiguiñas!! O alumnado de 4º representado por Izan, Martín e Uxía decidiron facerlle unha entrevista a Érica Esmoría aproveitando unha visita ao centro.
Gañadora do Premio cidade de Málaga polo libro "Patio de Luces", libro que está a ler o alumnado de 3º. e Premio Merlín 2025, pola novela "Nena e o mar" que están a ler os nenos e nenas de 4º.
Foi unha charla moi amena e divertida onde Érica abriuse aos nosos reporteiros e contoullo moitas cousas dos seus libros e dos seus futuros proxectos.
Ola amiguiños e amiguiñas!! Ao longo deste mes celebrarmos o "Día de Europa". A data clave é o 9 de maio xa que celebramos a Paz e a unidade en Europa. O alumnado de 6º escolleu esta data como eixo central das súas investigacións. Ao longo de todo o curso foron vendo como os distintos países que formamos Europa conservan a súa identidade a través da súa cultura, costumes, tradicións... Fixeron unha fermosa exposición na entrada do cole que non podedes deixar de visitar.
Entre tanto déixovos aquí un vídeo resumo do seu traballo.
Ola amiguiños e amiguiñas!! O pasado 7 de maio o alumnado de 5º e 6º de primaria tivo a sorte de participar nunha charla moi interesante: "Aprender a Salvar Vidas".
Ao longo das dúas horas que durou, o alumnado foi aprendendo cousas moi básicas e importantes relacionadas cos primeiros auxilios, entre elas a importancia das siglas PAS (Protexer, Avisar, Socorrer) e de chamar ao 112.
Vós saberíades atopar na biblioteca algún manual relacionado cos Primeiros Auxilios?
Rétovos a atopalo e mentres non deixedes de ver este vídeo que sempre pode axudar en caso de necesidade.
Ola amiguiños e amiguiñas!! Xa temos á volta da esquina o "Día das Letras Galegas". Este ano está dedicado a Luísa Villalta. Para homenaxeala decidimos facer unha coreografía do seu poema "Cruel Filosofía" interpretado pola "Banda da Loba e Tomé Mouriño".
Algunhas compañeiras de 3º foron as encargadas de inventala e deixáronnos este vídeo para que a aprendamos.
Estades preparados para bailar?
Ola amiguiños e amiguiñas!! Como cada ano o Seminario Galán e Primavera das letras fan unha selección de xogos, actividades e textos para axudarnos a coñecer mellor á persoa homenaxeada polas Letras Galegas. Podedes acceder a Seminario Galán picando aquí ou A Primavera das Letras picando aquí.
Nós coma cada ano facemos unha selección de actividades que deixamos aquí no blog para que sexa moito máis accesible e para que aprendamos moito. Xogamos?
O XOGO DOS BIRLOS
Ola amiguiños e amiguiñas!! Despois dunha semana de libros e intercambios solidarios de contos por alimentos non perecedeiros, conseguimos unha boa cantidade de alimentos, que foron doados á concelleira de Benestar Ánxela Troitiño. Así foi recollido nos xornais deste venres e así de guapos saídes. Picade na foto se queredes ler a nova.
FARO DE VIGO
Ola amiguiños e amiguiñas!! O pasado 24 de abril tivemos unha xornada de portas abertas ás Familias. Recomendacións lectoras, falar dos nosos contos favoritos e dos seus personaxes e facer chapas para facer deste día unha xornada inesquecible. Aquí tedes un resumo!!
Ola amiguiños e amiguiñas!! Como cada ano celebramos o "Día do Libro" con Apadriñamentos Lectores. Lecturas que pequenos e non tan pequenos compartides lecturas e momentos de imaxinación, lectura e aventura.
É un ratiño moi especial para todos e así o demostrades. Ollade!!
Ola amiguiños e amiguiñas!! Ao longo da pasada semana celebramos a Semana do Libro. Houbo moitas actividades dende recomendacións de libros ata apadriñamentos lectores. Unha das que fixemos todos os recreos da semana foi o intercambio de alimentos non perecederos por libros froito do expurgo. Conseguimos moitos alimentos que pronto serán entregados ao Concello para repartir entre as familias que o precisen. Tamén fixemos un photocall onde posábades co voso novo conto así de guapos e guapas.
Ola amiguiños e amiguiñas!! O mércores 24, os nenos e nenas de infantil celebraron a Semana do Libro con Mariela, a nai de Martina Blanco. Achegous a nosa biblioteca a contarlles un conto moi divertido e moi bonito: Por catro esquiniñas de nada. A verdade que estivo moi entretido e o pasamos moi ben. Queredes escoitalo?
Ola amiguiños e amiguiñas!! Acabamos de rematar a Semana do Libro e que mellor xeito que facendo recomendacións lectoras. Ao longo da semana moitos dos vosos compañeiros e compañeiras pasaron pola biblioteca durante os recreos para falar das súas lecturas favoritas. En tres pequenos vídeos poderedes ver recomendacións de todo tipo. Dádelle ao "play" e gozade con estes consellos.
Chirlosmirlos é unha enciclopedia de xogos populares, resultado dun labor de investigación e de organización realizado ao longo de varios anos. Reúne máis de catrocentos xogos, coas súas variantes e propostas de adaptación ou renovación nalgúns dos casos.
Tédelo na Biblioteca para dinamizar máis e mellor o voso tempo de lecer.
Ola amiguiños e amiguiñas!! Un ano máis chega a Semana do Libro. As recomendacións lectoras chegarán da vosa man pero... aquí deixamos uns libros novos e suxerentes para as vosas lecturas. Dádenos a vosa opinión.
Estiveron a facer un PROXECTO SOBRE A AUGA, coa axuda de Eva a profe de prácticas. Investigaron e fixeron un montón de experimentos para aumentar as súas aprendizaxes e entender mellor o que aprenderon.
.jpeg)
O Día das Artes Galegas foi establecido pola Real Academia Galega de Belas Artes en 2015 para exaltar e promover a creación galega. Escolleuse como data de celebración o 1 de abril, xa que esa data de 1188 aparece na epígrafe dos linteis do Pórtico da Gloria.
.jpeg)
Os compañeiros e compañeiras fixeron unha exposición para falarnos da súa vida e da súa obra, pero non quixeron rematar o seu traballo, sen probar as súas posibilidades creativas, e facer as súas propias creacións.
.jpeg)
