Ola amiguiños e amiguiñas!! Como xa sabedes entre todos escollemos unhas cancións fantásticas para celebrar o 25N. Todas elas seguindo o lema "Florece e medra libre". Cada clase tivo o seu motivo. Todas animan a seguir adiante con forza e así o sentimos o martes cando todos xuntos celebramos o 25N "Día Mundial da Eliminación da Violencia contra a Muller" .
Ola amiguiños e amiguiñas!! Hoxe é o 25 de novembro Día Internacional da Eliminación da Violencia contra a Muller.
Este día serve para lembrar que todas as persoas debemos tratar ás demais con respecto, cariño e igualdade. As nenas e as mulleres teñen dereito a vivir libres, seguras e felices, e nós tamén podemos axudar a conseguir un mundo mellor sendo xustos, apoiándonos e falando sempre con respecto.
“Florece e medra libre”
Este ano, no cole todo o alumnado participou na creación dun mural moi especial
Baixo o lema “Florece e medra libre”, fixemos dúas flores enormes. En cada un dos seus pétalos escribimos letras de cancións que animan ás mulleres a florecer, crecer, ser fortes e confiar en si mesmas.
O mural lembra que, igual cas flores, todas as persoas necesitamos coidado, apoio e liberdade para medrar. Quedou precioso grazas ao traballo de todas as aulas!
Para acompañar esta conmemoración, dende a biblioteca recomendamos un conto moi especial: Maruxa de Eva Mejuto. É unha historia chea de simpatía e humor que nos fala do inxenio que ten Maruxa para acadar a igualdade. Un libro perfecto para ler en familia ou na aula. Aos compañeiros de 1º e 2º de primaria encantoulles!!
Ola amiguiños e amiguiñas!! Hoxe tócanos felicitar aos compañeiros e compañeiras de 5º pola súa participación no concurso ""Canta y baila contra el bullying" convocado pola empresa Giotto e a Asociación Española contra o Acoso Escolar. Onte enterámonos de que gañaron na súa categoría e que participan na final do día 25 de novembro.
Supoñemos que todos e todas queredes ver o vídeo gañador... Aquí volo deixamos.
Ola amiguiños e amiguiñas!! Sabíades que o alumnado de 5.º participa no concurso “Canta y Baila Contra el Bullying”?
Pois si! O alumnado de 5.º de Primaria está a participar no concurso “Canta y Baila Contra el Bullying”, unha iniciativa que promove o respecto, a empatía e a convivencia positiva a través da música e da danza.
Para o certame, os nenos e nenas interpretaron e gravaron a canción “Aquí pintamos todos” na radio do colexio, unha experiencia moi divertida que esperta unha gran motivación en todo o grupo. Eles mesmos crearon a coreografía, demostrando a súa creatividade, a capacidade de colaboración e o compromiso coa mensaxe da canción.
Así foron gravando as distintas escenas do videoclip, que despois se montaron para dar forma ao resultado final. A ilusión foi tal que outros compañeiros e compañeiras do centro xa están aprendendo a canción, de tanto escoitala durante os ensaios, nos recreos e nos corredores do colexio.
Todo este proxecto xurdiu a raíz da charla que o alumnado tivo co escritor Eloy Moreno sobre o acoso escolar, unha experiencia que os fixo reflexionar e os animou a actuar. Desa inspiración naceu a súa participación no concurso, cunha mensaxe clara e chea de cor:
“Todos pintamos contra o bullying”.
Ola amiguiños e amiguiñas!! Sabiades que o alumnado de 2º pasa todas as semanas pola biblioteca para traballar na áreas de ciencias sociais. Cando vos animades vós?
Ola amiguiños e amiguiñas!! O pasado martes tivemos a posibilidade de poder mercar contos para a nosa biblioteca dende o cole. Neste caso decidimos que fosen os vosos compañeiros e compañeiras de 5º os que nos axudaran a escoller algúns contos para a biblioteca.
Como sabedes a vosa opinión é a que conta. Non deixedes de suxerirnos os contos que máis vos gustan ou aqueles que pensades que son imprescindibles na nosa biblioteca. Seguimos agardando as vosos propostas.
Ola amiguiños e amiguiñas! O 24 de outubro é o "Día das Bibliotecas Escolares" e coma cada ano celebrámolo cunha actividade na biblioteca. Este ano vimos un vídeo feito polo alumnado de 6º e despois participamos nunha ximcana con algúns xogos creativos e educativos. Xogos cos que pasar un bo rato, que estimulan a imaxinación, a creatividade e favorecen a aprendizaxe de forma lúdica e significativa. Para rematar a actividade, os Axudantes da Biblioteca fixéronlle un agasallo a todos e todas.
Aquí tedes un vídeo resumo da xornada:
Ola amiguiños e amiguiñas!! Hoxe, 24 de outubro, celebramos o "Día Mundial das Bibliotecas Escolares" baixo o lema: "Contra a Desinformación: Bibliotecas".
Os axudantes da biblioteca saben o importante que é este espazo para desenvolver as habilidades necesarias para recoñecer e combater a desinformación, para atopar ferramentas para pensar críticamente e para acceder a información fiable.
Así, decidiron facer un vídeo para falar da biblioteca seguindo este lema.
Non imos a contar nada máis do tema, o mellor e que vexades o vídeo!!
Ola amiguiños e amiguiñas!! O Día das Bibliotecas Escolares está á volta da esquina. Para celebralo decidimos aumentar os xogos e ir co alumnado de 6º, os axudantes da biblioteca, a mercalos á libraría do pobo. Foi un paseo estupendo e chegamos cargados de sorpresas. Ollade!!
Durante a sesión, interviñeron varios relatores que achegaron diferentes puntos de vista sobre o tema, o que fixo que o encontro fose moi enriquecedor.
Ao remate da charla, tiveron a oportunidade de participar nunha rolda de preguntas en directo, na que lle preguntaron a Eloy Moreno se realmente existe máis acoso do que parece nos centros educativos. As súas respostas resultaron moi interesantes e axudou a reflexionar sobre a importancia de detectar e actuar ante este tipo de situacións.
O alumnado de 5º pensa que foi unha experiencia moi enriquecedora, aprenderon moito e tomaron notas de todo o que comentou para poder seguir traballando sobre o tema.
Ola amguiños e amiguiñas!! O curso está rematado pero aínda quedan cousiñas por amosar. O alumnado de 6º quixo facer un vídeo de despedida a Marisa pola súa xubilación. Un vídeo en nome de toda a escola que resumo o importante que foi a nosa mestra Marisa para todo o centro. Feliz xubilación!!
Ola amiguiños e amiguiñas!! O curso rematou, pero aínda quedan cousiñas por amosarvos. O alumnado de 6º estivo na aula de Polos Creativos fedellando e aprendendo moitas cousas dos circuítos.
Ola amguiños e amiguiñas!! Como ben sabedes dende a biblioteca promovemos actividades de todo tipo dirixidas a mellorar a lectura, escritura, expresión oral, creatividade, imaxinación,... Este ano dende Biblioteca Creativa e en colaboración con Polos Creativos e a titoría de 5º fixéronse moitas actividades interesantes e dirixidas a completar os traballos de aula. Queredes saber coma traballaron?
Fixenron probas con LEGOS:
Iniciáronse na programación co xogo “cody
roby”
Empregaron o Boli 3D (Celebración do 8M)
Ola amiguiños e amiguiñas!! Onte tivemos a sorte de contar coa visita da man de Manuela de 4º de infantil. Xuntou a todos e todas na biblioteca en dúas tandadas para falar de "Pepa a Loba". Cinguindo a maxia das lendas e a realidade, a imaxinación, a música e a interpretación fíxonos pasar uns momentos moi divertidos e de aprendizaxe. Grazas Cris pola túa colaboración.
Ola amiguiños e amiguiñas!! Xa chega o fin de curso e o programa de Parabéns tamén remata. Un curso máis os parabéns e as novas do cole acompañaron os comedores do cole dándolle ese aire festivo e compartindo ese momento que tanto nos ilusiona a todos coma é o día do noso aniversario e a celebración con todos e todas no comedor.
Ola, amiguiños e amiguiñas!! O luns pasado os nenos e nenas de 4º tiveron a sorte de contar coa visita de Fátima, a nai de Sabela. Participaron nun obradoiro de costura no que coseron un "Xogo de Tres en Raia". Primeiro fixeron unha bolsiña na que bordaron a súa inicial e decoraron coma quixeron. Despois coseron a bolsa coa máquina de coser e recortaron as pezas do seu "Tres en raia". Pasárono xenial e vese que isto de coser non se lles da nada mal!!
Ola, amiguiños e amiguiñas!! Se vos falo de "Nós tamén creamos".... Sabedes de que se trata?
Pois o Programa NÓS TAMÉN CREAMOS é un programa que ten por obxectivo fomentar o uso e a aprendizaxe do galega o través da creación audiovisual, concretamente mediante a realización de curtametraxes de animación coa técnica do STOP MOTION (empregando fotos para que semelle que as figuras, obxectos ou debuxos teñan movemento).
Este ano o alumnado de 2º e 5º de primaria participou neste programa facendo actividades moi distintas e divertidas dirixidas a dar vida ao conto Navega Caracol de Armando Quinteiro publicado en OQO.
Entre as actividades fixeron :
En segundo, aproveitando o Nadal, fixeron un "Taumatropo de Nadal". Queredes saber que é, e como se fai? Ollade!!
En quinto xogan con obxectos e fotografía, hai algún grupo que escolle o propio corpo... e seguen a experimentar cambiando a velocidade do fotograma:
Ola amiguiños e amiguiñas!! Ao longo de todo o mes de maio tivemos a sorte de contar coa visita de Cristina Collazo os mércores pola tarde. Papás, mamás, avós e avoas e incluso os irmás máis pequenos ou maiores participaron con vós netes obradoiros tan divertidos onde non só aprendemos moito de oralidade, improvisacion e creatividade senón que tamén lembramos moitos ditos, refráns e cancións populares.
Ola amiguiños e amiguiñas!! Hoxe Darling de 3º estivo na nosa emisora de Radio Garabullo para ler un conto escrito e inventado por ela. Quixo facer deste xeito un "Audiolibro" para que todos pequenos e grandes poidamos lelo e escoitalo. A ver se vos gusta!!
Ola amiguiños e amiguiñas!! Hoxe Lía González de 3º estivo na nosa emisora de Radio Garabullo para ler un conto escrito e inventado por ela. Quixo facer deste xeito un "Audiolibro" para que todos pequenos e grandes poidamos lelo e escoitalo. A ver se vos gusta!!
Ola amiguiños e amiguiñas!! Xa estamos a rematar o curso e queremos saber que pensades da biblioteca e das actividades que oferta. Aquí deixamos unha enquisa para que fagades e nos axudedes a mellorar.
Ola amiguiños e amiguiñas!! Hoxe o alumnado de 2º ensinounos a facer un xoguete empregando produtos de refugallo. Toda infantil e 1º ciclo pasou pola biblioteca a facer o xoguete. Queredes saber como se fai e o divertido que é?
Ola amiguiños e amiguiñas!! Ao longo deste mes de maio o alumnado de 4º tivo dúas sesións de formacion de Radio na Biblio da man de Cristina Collazo.
Aprenderon a importancia dun bo quecemento corporal e da voz, a preparación da mesma, a vocalización, os cambios de ton e de ritmo así como a modulación.
Non esquecer que aínda que sempre debemos levar unha escaleta que nos de confianza no momentos da gravación na radio, tamén debemos estar preparados para a improvisación, a creatividade, a espontaneidade...
Con todo o aprendido e improvisando fixeron este conto para Radio Garabullo. Queredes escoitalo? Despois podedes ver os mellores momentos deste divertido Obradoiro.
Ola amiguiños e amiguiñas!! O pasado luns o 2º e 3º ciclio de primaria contou cun obradoiro moi especial.
A Deputación de Pontevedra, con motivo da celebración das Letras Galegas 2025, dedicadas ás cantareiras e a poesía popular oral, da man da Fundación Legar ofreceronnos representacións musicais didácticas dirixidas a promover o interese pola música de raíz.
Ao longo de 2 horas dunha forma activa e participativa realizaron un percorrido pola historia da nosa música de raíz, dende os instrumentos primitivos ata os máis comúns hoxe en día.
Ola amiguiños e amiguiñas!! O pasado luns celebramos as "Letras Galegas" no cole. Foi unha xornada acompañada de lecturas compartidas en galego, música e aprendizaxe. Aquí tedes algúns momentos.
Tivemos apradriñamnetos lectores onde maiores e pequenos compartiron un contiño en galego.
Ola amiguiños e amiguiñas!! O curso non rematou, así que as actividades do Lembecazolas e as receitas saudables seguen a ser ben recibidas.
A pasada semana a mestra de 6º de infantil, Leticia, fixo unhas tortitas de plátano co seu fillo. Quedaron tan ricas que decidiu ensinarlle a súa clase a facelas e organizar así "Un fantástico e divertido venres de merenda".
Nós aproveitamos para ensinarvos as súas receitas e recomendar un par de libros de receitas que podedes atopar na biblioteca para ampliar as vosas merendas!!
Comezamos con Frutas divertidas de Iryna Stepanova. A creatividade e a froita unidas para facer ricas merendas.
.jpg)
.jpg)
Ola amiguiños e amiguiñas!! Seguimos coas actividades de Biblio Creativa. Grazas a aplicacións coma CANVA e as posibilidades da Biblio Creativa estamos a mellorar a nosa cartelería. Que opinades? Vides a crear carteis á Biblioteca?
Ola amiguiños e amiguiñas!! Un ano máis celebramos as "Letras Galegas" no cole. Este ano está dedicado á poesía popular oral, personificada en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandereteiras de Mens (Malpica). É unha representación colectiva que quere recoñecer a importancia da poesía popular oral, que acompaña a nosa sociedade desde sempre.
Nós quixemos recoller un pouco desa tradición oral nas nosas pandeiretas. Escaneando os códigos QR podedes ver como cada aula interpretou a súa cantiga ao seu xeito. Queredes velas?
Pasade polo cole e vide a escanear as nosas pandeiretas!!
Ola amiguiños e amiguiñas!! Un ano máis a "Fachada do cole" amanece celebrando as Letras Galegas e aos seus homenaxeados. Queredes ver como loce a nosa fachada?
Ola amiguiños e amiguiñas!! Como vén sendo habitual na nosa escola o alumnado de 5º e 6º tivo unha formación coa Guardia Civil. Tamén as familias.
Charlas que trataban temas moi importantes e de actualidade: adiccións, perigos das redes, ciberseguridade,...
Ola amiguiños e amiguiñas!! Non deixedes de pasar pola entrada do cole para ver aprender cousiñas das homenaxeadas nestas Letras 2025. Este ano a cartelería destinada aos coles é Cantareiras: poesía populara oral, elaborado polo CEIP Celso Emilio Ferreiro, de Cerceda.
Ola amiguiños e amiguiñas!! Este ano o alumnado de 6º estivo preparando un programa de radio para darnos a coñecer un pouco a tradición das cantareiras e pandereteiras. Foi un traballo que contou coa colaboración das rapazas do cole que tocan e cantan en "Xirandola". O resultado un "Podcast" de Radio moi interesante para coñecer un pouco mellor as nosas letras e escoitar o ben que o fan as vosas compañeiras.
ESCOITADE!!!
Ola amiguiños e amiguiñas!! Seguimos coas actividades dedicadas á celebración das Letras Galegas. Nesta ocasión seguimos as propostas do Seminario Galán.
Comezamos cos Xogos?
Ola amiguiños e amiguiñas!! Un ano máis chegamos cunha proposta da "Primavera das Letras" para conmemorar as Letras Galegas.
Queredes xogar e aprender seguindo a súa proposta? Picade nas imaxes!!
Ola amiguiños e amiguiñas!! Este ano a Dirección Xeral de Promoción da Igualdade propón "Aprende coas mulleres galegas", unha serie de actividades para coñecer e afondar na vida de diferentes referentes intelectuais de Galicia.
Nesta ocasión, e aproveitando a celebración das nosas letras, propón a seguinte unidade didáctica.
Ola amiguiños e amiguiñas!! Un ano máis o noso centro CEIP Ramón de Valenzuela e o CEIP Plurilingüe Ramón Otero Pedrayo de Amoeiro uníronse a través das clases de 4º de primaria para compartir algo propio das súas escolas ou pobos. Nesta ocasión decidiron presentar á persoa que lle da nome ao seu centro e compartir todo o que foron aprendendo. Este foi o resultado.
Os nosos compañeiros de 4º fixeron un PDF co noso mestre e escritor Ramón de Valenzuela;
Ola amiguiños e amiguiñas!! Hoxe celebramos o "Día Mundial contra o Acoso Escolar".
O acoso é un fenómeno que afecta a millóns de nenos e adolescentes en todo o mundo.
Moitos países e organizacións internacionais impulsaron o "Día Mundial contra o Acoso Escolar coma unha xornada para visibilizar, analizar e frear as conductas agresivas e sistemáticas que se producen nalgúns entornos educativos. Este día non é unha data conmemorativa, é un símbolo dun compromiso global para garantir un ambiente seguro e respetuoso para todos os estudantes.
Os compañeiros e compañeiras de 4º quixeron axudarnos a entender mellor esta data a través de dous camiños.
Por outra banda coa emisión dun programa de radio: "Invisible nunca máis" tendo como referencia esta historia e dando consellos de como afrontar situacións de "Acoso".
