Ola amiguiños e amiguiñas!! Este luns a maioría do alumnado de Primaria, tivo a sorte de contar coa visita de Carlos Gallego para facer un obradoiro de Collage.
Carlos Gallego é ilustrador e deseñador gráfico. Entre outras ocupacións ilustra libros de texto para distintos cursos de Educación Primaria e Secundaria; tamén libros de narrativa; proxectos publicitarios...
Durante o obradoiro os compañeiros e compañeiras de primaria empregaron a técnica de collage como método para comprender e representar o mundo que nos rodea dunha maneira creativa. Mediante distintos exercicios foron descubrindo diferentes estratexias para converter sinxelos recortes de papel en todo tipo de elementos naturais e obxectos cotiáns.
Ola amguiños e amiguiñas!! Esta semana celebramos o "Día Mundial da Saúde". Este ano comeza co eslogan "Comezos saudables, futuros esperanzadores". O 7 de abril é unha data que serve para lembrar a importancia que ten a nosa saúde e insistir na importancia da prevención da enfermidade e promoción da saúde, algo que depende de cada un de nós.
Así o entenden as nosas familias que estiveron mandando recetas saudables ao LAMBECAZOLAS (premede aquí) e tamén o entendemos nós. Así a mestra de 6º de infantil enviounos este vídeo para animarnos a seguír unha alimentación saudable.
Ola amiguiños e amiguiñas!! Xa sabedes que na escola facemos un montón de actividades!! Esta semana Lía Enríquez e Sara de 6º decidiron facer un noticiario contando todas as novas que están a pasar no cole e que pasarán. Está xenial!! Agardamos que sigan contando máis novas de todo o que irá acontecendo ata final de curso.
Agora escoitade as novas que seleccionaron para emitir para o comedor do cole!!
Ola amiguiños e amiguiñas!! Hoxe celebramos o "Día Mundial de Concienciación sobre o Autismo". A asociación AÚPA DEZA para contribuir á concienciación sobre o autismo un ano máis creando o hashtag #AchégaTEAoMeuSorriso.
Con el pretenden enfatizar o valor do sorriso como forma de comunicación, de empatía e de inclusión.
A proposta foi expoñer os vosos sorrisos nunha árbore chamada "A árbore dos sorrisos" nunha estrutura aportada por AÚPA DEZA.
Ola amiguiños e amiguiñas!! Xa temos nas ondas o novo programa de RADIO GARABULLO. Parabéns á hora de comer e curiosidades do tempo de lecer.
Nesta ocasión os locutores foron Hugo Fuentes, Lucía, Xoán e Eire de 4º. Tocaba darlle os parabéns aos nacidos nos meses de decembro a marzo e contarnos algunha cousiña máis. Escoitade!!
Ola amiguiños e amiguiñas!! Coma ben sabedes, ao longo destes últimos días, xornais e revistas acompañánnos ao longo de toda a xornada. Ademais dos que habitualmente veñen ao cole contamos con outros distintos para facer actividades variadas.
Así puidemos investigar unha nova dende a perspectiva de distintos xornais.
Crear as nosas propias noticias partindo de unha idea ou dunha reflexión de aula.
Facer pequenos editoriais de aula contando o que está a pasar na escola.
Preparar programas de radio para a nosa emisora...
A clase de 5º de primaria decidiu facer a súa propia nova a partir dunha imaxe. Así traballaron por equipos!!
Por outra banda os nenos e nenas de 3º buscaron a información nun medio que xa casi queda esquecido... As revistas!!
Aquí podemos velos comentando as curiosidades que nelas atopan.
Como vedes xornais e revistas, radio e TV,... fan chegar a nós as novas que acontecen no mundo. Ademais de ser un material moi importante para completar as nosas aprendizaxes.
Lede xornais, escoitade a radio e vide a contarnos e comentarnos as vosas noticias.
Ola amiguiños e amiguiñas!! Xa sei que fai moito que celebramos o "Día de Rosalía". Foron moitas as actividades que programamos e que fomos facendo ben e con tempo. Ben sabemos que Rosalía non se celebra un día so.
Para aprender moito de Rosalía o seu homenaxe cos mandadiños do Entroido traendo unha flor posta no seu honor. Aprendemos moito da súa faceta literaria e decidimos facer un recital, como xa vistedes nos vídeos do Día de Rosalía que xa publicamos.
Coñecer a Rosalía e achegarse á natureza. Tiña predilección por unhas frores que estudamos pintamos e tamén prantamos: os pensamentos.
Ademais de traballar a súa vida e a súa obra con moitas propostas que fomos vendo neste Blog. Con todo o aprendido fomos á biblioteca a xogar cos escornabots. As preguntas eran adaptadas aos nosos niveis pero podo asegurarvos que poucos nenos coñecen mellor á nosa autora que vós.
Ola amiguiños e amiguiñas!! Ao longo desta semana tivemos a Semana da Prensa. Coma cada ano mercamos xornais para aprender a importancia da Prensa escrita. Pero non debemos esquecer que non é a única forma de acceder ás novas que acontecen ao noso redor. A información pode chegar a través da Radio, dos xornais dixitais e de páxinas serias que dan a información obxectiva e contrastada.
Non deixedes de tentar facer as vosas novas e enviárnolas. Danos igual o medio a empregar e a nova a contar. Agardamos impacientes por saber todo o que podedes investigar e contar!!
Ola amiguiños e amiguiñas!! Onte contamos coa visita da nai de Martina Blanco de 5º de infantil. Trouxeron un conto moi divertido dunha nena que sempre dicía NON!! Coñecedes a alguén que diga NON a todo? Pois neste conto tedes a unha!! Pero seguro que a nai atopa o xeito de facela cambiar de opinión!
Ola amiguiños e amiguiñas!! Este programa de Radio é unha invitación do alumnado de 3º a continuar lendo esta entrada do Blog e a participar nas actividades que nos propoñen.
Xa estamos de volta!! Atrás deixamos o Entroido, pero o traballo continúa. Achégase o 8M. O "Día Internacional da Muller" e o alumnado de 3º achéganos un montón de propostas!!
Sabedes que este ano traballamos con contos...Pois, buscando un conto os nenos e nenas de 3º atoparon unha biografía de Ada Lovelace, unha muller pioneira na ciencia e na informática. Foi tan importante que dende 2009, celébrase o "DÍA DE ADA LOVELACE" o segundo martes de outubro, para visibilizar o traballo das mulleres STEM (mulleres que destacan no mundo da ciencia, tecnoloxía, enxeñería e matemáticas).
A clase estivo traballando co conto e grazas a isto fixo esta reportaxe dende a Aula de Polos Creativos.
Aquí tedes o póster:
Ademais, para todos os que recordedes a serie dos Lunnis de Leyenda ( e tamén para os que non) propoñémosvos que disfrutedes dass ocurrencias coas que os personaxes dan a coñecer a Ada Lovelace. Con canción incluída!!
Agora si, non todo vai ser observar. Para poñer aínda máis, se cabe, en valor ás mulleres ó longo da historia, esta clase estivo experimentando co Lapis 3D. Elaboraron rostros de mulleres importantes da ciencia e das letras, contando, por suposto, con exemplos galegos. Explícannos como se emprega este lapis para que logo probedes todos.
Ola amiguiños e amiguiñas!! Uxía e Daniela de 5º fixeron unha entrevista a Sara, a nosa conserxe. Unha máis dentro desta comunidade educativa. Tanto limpa as aulas, como nos fai unha cura ou anota a todos para o comedor. Sabedes cantos anos leva xa no cole?
Ola amiguiños e amiguiñas! Estaredes preguntándovos quen son Mario e Diego, ou non. Seguro que xa o sabedes!!
Mario e Diego son dous dos responsables da creación da "Escola de Xenerais de Bandeira" ademais de antigos alumnos desta escola . Ao longo destes meses estiveron formando a moitos de vós en todo o que implica o "Alto dos Xenerais Infantil". Dende escribir as arengas, como se recitan, a súa rima, as pequenas bromas entre os participantes,..
As nosas reporteiras Carla e Noa de 5º quixeron entrevistalos e dispostas cos seus chalecos de reporteiras e a súa gravadora fixéronlles esta marabillosa entrevista.
Ola amiguiños e amiguiñas!! Como cada ano contomos coa visita dos nenos e nenas que participan no Alto dos Xenerais Infantil. Estiveron o mércores 26, da man da Escola de Xenerais e fixeron o "Alto" en primicia para nós. Dámoslles as grazas a todos e todas en especial a Uxía que, aínda que non vén a este cole, aceptou vir a facer o Alto para todos nós.
Ola amiguiños e amiguiñas!! O mércores na "Hora de Ler" tivemos a sorte de contar coa visita dos papás de Laura de 2º de primaria e de Lucía de 5º de infantil. Viñeron a contar un conto chulísimo: A que sabe a Lúa de Michael Grejniec, editado por Kalandraka. Encantounos porque o contaron dun xeito diferente e moi divertido. Non deixedes de miralo!!
Ola amiguiños e amiguiñas!! O luns celebramos o "Día de Rosalía". Foron moitas as actividades que se foron facendo para homenaxear a esta grande escritora galega. Dende crear un recuncho nas escaleiras do cole dedicado á poeta, pasando pola plantación de pensamentos ou xogando cos escornabots para ver cantas cousas sabemos da nosa galega ilustre. Rematamos as actividades cun pequeno Recital. A continuación iremos plasmando pequenos vídeos onde se recollen os mellores momentos da conmemoración do "Día de Rosalía".
Ola amiguiños e amiguiñas!! Xa saen os primeiros mandadiños do Meco. Que guapos saídes todos coas vosas flores. Mil formas de lucir un complemento diferente.
Ola amiguiños e amiguiñas!! Achégase o "Día de Rosalía de Castro" e lembrámosvos que ademais de todas as cousiñas que tedes para traballar na aula podedes voltar a ver este vídeo que se fixo hai anos no cole ou o traballo de Rosalía que fixeron os vosos compañeiros e compañeiras de 4º o ano pasado.
TRABALLO DE ROSALÍA: Feito polo actual alumnado de 4º o curso pasado en colaboración co CEIP Otero Pedrayo de Amoeiro
VÍDEO DE ROSALÍA: Este vídeo fíxose hai anos no cole con algúns de vós e con compañeiros que xa non están. Serve para aprender moito de Rosalía. E agora é o momento de recordalo. Despois de velo podedes pasarvos pola biblioteca que tedes un xogo fantástico para ver o que aprendestes.
Ola amiguiños e amiguiñas!! Xa chega o Entroido e para adiantar os vosos disfraces os nenos e nenas de 2º propóñennos os mandadiños do Entroido para este ano. Ide buscando unha cousiña para cada día. Xa sabedes!
Ola amiguiños e amiguiñas!! Esta semana Lía Enríquez e María Fé de 6º estiveron en Radio Garabullo para recomendarnos un conto moi chulo. Luna LLena de Antoine Guillope. Así nolo presentan:
Ola amiguiños e amiguiñas!! Hoxe os nenos e nenas de 4º de infantil visitaron a biblioteca e aprenderon a facer as súas chapas. Mirade como traballaron e o ben que o pasaron.
Ola amiguiños e amiguiñas!! Mañá dia 19 de febreiro o alumnado de 4º visitará a emisora de Radio Pontevedra, Cadena SER, en Pontevedra para recibir unha formación de Radio na propia emisora. Despois participará en directo na emisión do programa "Hoy por hoy Pontevedra", para conectar no dial 98.7 FM ou picando na imaxe.
Ola amguiños e amiguiñas!! Hoxe os nenos e nenas de 1º de Primaria interpretaron "Os tres Porquiños" e "Carapuchiña Vermella" para o alumnado de infantil. Tiñan ata entradas e foi moi divertida. Pasámolo xenial!!
Ola amiguiños e amiguiñas!! A pasada semana celebramos o "Día dos Namorados e da Amizade". Despois dunha semana de traballo en Polos Creativos con materiais variados as distintas aulas fixeron pulseiras para agasallar aos compañeiros e compañeiras . Queredes ver como quedaron e o felices que fomos intercambiando os nosos agasallos?
Ola amiguiños e amiguiñas!! O pasado 13 de febreiro os nenos e nenas de infantil visitaron a biblioteca. Estiveron mirando contos e xuntos leron Chuvisca un conto de Fernando Pérez Hernando da editora Kalandraka.
Despois aproveitaron para facer unhas chapas para levar de recordo.
Ola amiguiños e amiguiñas!! Os nenos e nenas de 2º foron a Polos Creativos para facer chapas con motivo do Día Mundial da Radio. Aproveitaron para deixar un titorial de como se emprega a chapadora e fixéronnos un cartel moi chuli. GRAZAS!!
Ola amiguiños e amiguiñas!! Como ben sabedes participamos na "Liga Saudable" PLÁTANO DE CANARIAS. Dende este blog favorecemos que poidades entrar nos enlaces para xogar dende a casa e participar neste concurso tan divertido. Os compañeiros e compañeiras de 3º pasaron a primeira ronda gañando un PREMIO para o cole. Moitos Parabéns polo voso traballo!!! Pinchade na imaxe para velo.
Ola amiguiños e amiguiñas!! Este foi o programa que fixeron os nenos e nenas de 1º para presentar aos seus compañeiros e compañeiras de 5º e celebrar así o "Día Mundial da Radio".
Este ano o alumnado de 5º de primaria participou na celebración do Día Mundial da Radio emitindo dende Radio Garabullo un podcast sobre o Cambio Climático, colaborando así con Rede Espora e Ponte nas Ondas. Non esquezamos, ademais, que este ano o "Día Mundial da Radio" está dedicado "A radio e o cambio climático". Con esta iniciativa preténdese dar apoio ás emisoras de radio na cobertura periodística deste tema.
Rede Espora fixo con varias emisoras doutros coles un programa especial. Premede na imaxe e de cara ao final (no minuto 39) e poderedes escoitar a participación do alumnado de 5º.
Ponte nas Ondas tamén emitiu o noso programa dende a súa canle. Premede na foto para escoitalo, temén poderedes escoitar os de outras Radios Escolares. Programas interesantes e divertidos sobre o "Cambio Climático".
Ola amiguiños e amiguiñas! O semana pasada foi o aniversario de Carmen de 4º. Lola, Henar e Martina de 4º decidiron facerlle unha entrevista para saber como pasou o seu día. Escoitámolas?
Ola amiguiños e amiguiñas!! O pasado mércores tivemos a sorte de contar coa visita da mamá de Leire de 3 anos que ver a facer unha visita a infantil e aproveitou para contarnos dous contos: Voy a comedte e "lmer.
Ola amiguiños e amiguiñas!! Os vosos compañeiros e compañeiras de 4º despois de traballar co conto "A bolboreta Arlequina" quedaron prendados polas curiosidades das bolboretas. Decidiron investigar e isto foi o que descubriron.
Ola amguiños e amiguiñas!! Hoxe no patio de infantil tivemos a sorte de ter unha fermosa visita. Despois de tanto escoitar falar da "Bolboreta Arlequina" unha bolboreta veu a posarse nas mans de Aroa de 5º de infantil. Que emocionante!!
Ola amiguiños e amiguiñas!! Hoxe comezaron a saír as primeiras mochilas de lectura de infantil. Con moita ilusión viñeron no recreo a escoller os seus contos. Ollade que contentos!!
Ola amguiños e amiguiñas!! Este ano celebramos o "Día Escolar da Non Violencia e da Paz" dun xeito diferente. Falando e aprendendo moitas cousas e palabras bonitas da man de Rosalía Morlán. Grazas a asociación AÚPA DEZA tivemos a sorte de coñecer a esta escritora tan marabillosa, autora de "A bolboreta Arlequina".
Pasámolo moi ben e aprendemos moitas cousas. Dende aquí damos as grazas a asociación AÚPA DEZA e a Rosalía por unha xornada que os nosos nenos e nenas non esquecerán. De momento picando na foto o comentario da prensa e pronto máis cousiñas da visita de Rosalía.
Ola amiguiños e amiguiñas!! Acabamos de rematar a Semana dedicada á Paz.
Cada ano o 30 de xaneiro celebramos o "Día Escolar da Non Violencia e a PAZ. A educación en e para a tolerancia, a solidariedade, a concordia, e o respecto aos Dereitos Humáns, a non violencia e a paz son os motivos para conmemorar esta data e para NÓS a lectura o camiño.
A lectura cos compañeiros e compañeiras dentro da aula, e a lectura dos maiores aos pequenos.
Os nenos e nenas de 6º achegáronse aos cursos de infantil, 1º e 2º de primaria para contarlles un conto da PAZ e falar del cos pequenos.
Queredes velos contar?
Aquí temos a María Fe, Marco e Lía Enríquez contando a infantil Juan Gris de Zuriñe Aguirre.
MaTeo, Xabi e Ramón escolleron Pétala de Pep Bruno.
Noela, Lía García, Sara e Theodora escolleron A guerra dos números de Juan Darien.
Ola amiguiños e amiguiñas!! Achégase o "Día da Paz" e estamos a preparar as lecturas propias para estas datas. Este ano contamos coa axuda do alumnado de 6º que nos axudou a escollelas.
Tamén tivemos a axuda especial de Lía Enríquez de 6º, encargada de facer un cartel con lettering para as lecturas da paz libres. Por outra banda, e empregando as novas tecnoloxías: O CANVA, Mariña de 5º fixo o cartel para as "LECTURAS POLA PAZ".
Ola amiguiños e amiguiñas!! Como xa sabedes o pasado xoves tivemos a visita dos Xenerais de Bandeira para animar a todos e todas a participar na Escola de Xenerais do Ulla e... Quen sabe? Acabar formando parte do Alto dos Xenerais Infantil de Bandeira.
Unha arenga feita por un Xeneral foi o reclamo, e xa sabemos que moitos e moitas de vós estades apuntados e outros preparándose para este Entroido tan fermoso da Bandeira.
Se queredes coñecer máis cousas do Entroido non esquezades pasar pola biblioteca que vos esperan lecturas de Entroido de Bandeira e do resto de Galicia.
O Ceip de Bandeira convídavos a coñecer, coa axuda de Garabullo, a nosa Biblioteca e a mergullarvos no fascinante mundo dos libros. Neste curso viaxaremos a miles de experiencias inesquecibles... AGARDÁMOSVOS!!!!
Buscar este blog
PDI "CREATECA"
Cada conto aporta aprendizaxes infinitas. Preme na imaxe e segue aprendendo
BIBLIOTECA CREATIVA 2023-2024
Premendo na imaxe podedes ver as actividades de Biblioteca Creativa
LECTURA E FAMILIA
Premendo na imaxe poderedes acceder ás actividades relacionadas con este proxecto
Bibliotecas Escolares
RADIO NA BIBLIO
Preme na imaxe e poderás ver todos os "Podcast" de Radio Garabullo para RADIO NA BIBLIO
.jpg)
.jpg)
.jpg)
