viernes, 24 de febrero de 2023

DÍA DE ROSALÍA

Ola amiguiños e amiguiñas!! O pasado xoves 23 de febreiro foi o "Día de Rosalía". Xuntos celebramos o nacemento dunha muller que loitou pola súa terra, pola súa lingua e pola súa condición de muller que amaba escribir.

Un dos seus temas favoritos era a Natureza da que era defensora. A súa planta favorita os pensamentos e a súa árbore o roble.

Nós tamén quixemos rendirlle o seu merecido homenaxe. Limos os seus poemas e creamos distintas composicións para entre todos facer nacer a Flor de Rosalía que loce na entrada do cole.

O día 23 estivo cheo de actividades dende ver un vídeo da Biografía de Rosalía de Castro (picade no enlace para voltar a velo), facer chapas propias decoradas por vós e con a palabra que máis vos achegaba a Rosalía. Tamén fixemos a visita virtual á casa de Rosalía de Castro situada en Padrón e rematamos a xornada plantando pensamentos, a flor preferida da nosa autora homenaxeada, que agora locen nas fiestras da biblioteca.

Un fermoso día moi especial recollido neste vídeo:

miércoles, 22 de febrero de 2023

MÁSCARAS NATURARTE

Ola amiguiños e amiguiñas!! A natureza está presente en todo o que nos rodea e a nosa labor é coidala, respectala e valorala. A natureza é vida e a súa esencia está presente en todo. Este ano dedicamos o proxecto da biblioteca a combinar Natureza e Arte. Estamos aprendendo que dunha pedra temos un símbolo de paz, dun pau ou dunha tora dun tronco un adorno para Nadal, de papeis vellos corazóns de amizade....

Seguindo esta idea decidimos facer os nosos antefaces para o Entroido aproveitando o que imos encontrando no patio, nos camiños ou de camiño ao lixo. A verdade que fixemos antefaces ben bonitos e para mostra este resumo!!



OS CACHARELOS

Ola amiguiños e amiguiñas!! O pasado mércores 15 de febreiro contamos coa visita de dous cacharelos. Tapando a cabeza unha careta que lembra a obra "O Mascarón de Laxeiro", o traxe cheo de cintas de cores amarelas, laranxas e vermellas que lembran as lapas das lumieiras de San Xoan, na cintura catro ou cinco chocas que marcan o paso do Cacharelo e dan ese aire de festa, sorpresa e medo. Correndo co seu son acompasado e na man un toxo "Os Cacharelos de Lalín" chegan ao patio chamando a atención de maiores e pequenos. Pouco a pouco os nosos cacharelos paran o seu xogo para dar a coñecer o seu pequeno Entroido. Un Entroido de barrio que está a nacer e que pouco a pouco está a gañar gran recoñecemento na vila e na comarca.

Despois dunha mañá de carreiros e xogos cos cacharelo
s tivemos a sorte de poder facerller unha pequena entrevista. Escoitade!!

E se queredes... Aquí podedes ver que ben o pasamos...

martes, 21 de febrero de 2023

OS DISFRACES DO ENTROIDO

Ola amiguiños e amiguiñas!!! Chegou o Entroido cargado de risas, de emoción e de gañas de pasalo ben. Todos disfrazados e cada un ao seu xeito. Uns  máis inxeniosos, outros máis divertidos e outros máis tradicionais. Pero todos disfrazados e con gañas de pasalo moi ben e de comezar a festa e a parranda. Queredes lembrar o guapos que íbades todos? Ollade!!

lunes, 20 de febrero de 2023

ALTO DOS XENERAIS INFANTIL 2023

Ola amiguiños e amiguiñas!! Un ano máis tivemos a sorte de poder ser os primeiros en disfrutar do Alto dos Xenerais Infantil. Dende hai moitos anos, o noso querido José, creaba as arengas co alumnado do cole e os preparaba para o Alto Infantil. 

Este ano cambiou un pouco, pero o traballo foi o mesmo. José apoiando á organización do Entroido de Bandeira formou, un ano máis aos nenos e nenas do Alto. Coa gracia que os caracteriza e os conselliños que el sabe dar, foron compoñendo as súas arengas para darlle vida ao "Alto dos Xenerais Infantil". Un espectáculo emocionante e divertido que nos encanta ver cada ano.

Grazas a todos e a todas as que fixechedes posible este momento!!

miércoles, 15 de febrero de 2023

OS MANDADIÑOS DE GARABULLO do xoves

Ola amiguiños e amiguiñas!! 

Xa toca mandar 

o xoves está a chegar 

e o mandadiño hai que acatar


Cunha gravata

ou unha bufanda

tapa a garganta

para saír de parranda.



OBRADOIRO DE ORIGAMI

 Ola amiguiños e amiguiñas!! Os nenos e nenas de Valores de 3º investigaron sobre a hitoria e curiosidades do "Origami". Aprenderon a facer moitas cousas pregando papel e fixeron un mural para amosarnos o que descubriron.


Pero coma son moi inquietos e inquietas decidiron seguir co proxecto e contarnos todo o que aprenderon a través dun podcast que emitiron en Radio Garabullo.


Ademais impartiron un "Obradoiro de corazóns💕" en todas as aulas de infantil e primaria. Xa todos aprendemos a facer un corazón de origami e o lucimos hoxe para festexar o "Día de San Valentín" e o "Entroido". 

martes, 14 de febrero de 2023

Libriños collín polo San Valentín

Ola amiguiños e amiguiñas!! Hoxe celebramoso o San Valentín 💗, para nós o "Día do Amor e a Amizade 💖", e... que mellor xeito de compartir amizade e cariño que coa lectura? Coma sempre dende a Biblioteca deixamos moitos libros para compartir. Agardamos que gocedes dos momentos de lectura compartido!!



OS MANDADIÑOS DE GARABULLO do mércores

 Ola amiguiños e amiguiñas!! 

Xa estamos na metade da semana!!

Preparádevos para sorpresiñas...

E para unha boa foliada.


Non deixedes de cubrir

cun pucho a cachola.

Moito queremos rir!!

Nesta divertida troula




QUE SABES DO ENTROIDO?

Ola amiguiños e amiguiñas!! Xa está aquí o Entroido. Sei que sabedes moito deste tema que vén acompañado de disfraces e parrandas, pero... Atrevédesvos a xogar na aula con este xogo? Foi elaborado polo e EDLG do CEIP Emilia Pardo Bazán da Coruña e compartido con todos os coles galegos.


lunes, 13 de febrero de 2023

OS MANDADIÑOS DE GARABULLO do Martes

Ola amiguiños e amiguiñas!! Mañá xa é martes antes de Entroido e Garabullo deixa un novo recadiño. Coma é o "Día dos Namorados e da Amizade" un carazón tedes que traer, non vos podedes esquencer!!



DÍA MUNDIAL DA RADIO

Ola amiguiños e amiguiñas!! Hoxe celebramos o "Día Mundial da Radio". A radio é un dos medios informativos máis emblemáticos e dinámicos a pesar dos avances e novos sistemas de comunicación que apareceron no último século.

Para celebrar este día, Ponte Nas Ondas convidounos a participar creando un podcast no que contáramos as cousas que se fan na nosa radio. Irene de 5º e Uxía de 6º foron as encargadas de facer o programa. Falaron de todo o que se fai en Radio Garabullo e, como era de esperar, formamos parte dese grupo de "Escolas nas Ondas" que estiveron emitindo hoxe todo o día para España e Portugal.

Premede na imaxe, escoitade as vosas compañeiras e fedellade nas novas de Ponte Nas Ondas!!





domingo, 12 de febrero de 2023

OS MANDADIÑOS DE GARABULLO

Ola amiguiños e amiguiñas!! 

O Entroido está chegando 

e pensando e pensando 

e rimando rimando 

uns mandadiños fun elaborando.


Xa sabedes!!

Cada día novos mandadiños. 

Non esquenzades vir amañadiños!!




miércoles, 8 de febrero de 2023

DE QUE ME DISFRAZO?

Ola amiguiños e amiguiñas!! Achégase o Entroido e Cova e Carla de 3º prepararon un programa moi divertido para darnos consellos e ideas de disfrace. Queredes escoitalas?

OS IDIOMAS

Ola amiguiños e amiguiñas!! Esta semana naceu en Radio Garabullo un novo programa dedicado aos idiomas. Está dirixido por Cova, Zoe e Gaia e no seu primeiro capítulo ensínannos a saúdar en italiano. Animádesvos?

LECTURAS INTERCENTROS II

Ola amiguiños e amiguiñas!! O pasado mes de decembro comezamos unha aventura compartida con outros coles. Tiñamos que tentar reunir aos nenos e nenas de distintos cursos nunha lectura. Un dos centros seleccionaba un curso para que, a través de videoconferencia, lese un conto para os nenos e nenas dos outros coles. As lecturas son gravadas en audio ou vídeo, con estas gravacións obtemos un código QR que atoparedes na contraportada dos contos co fin de facilitar a lectura dos mesmos aos nenos e nenas con distintas dificultades.

Este mes de xaneiro o protagonista foi o noso cole. Aproveitando a celebración do "Día da PAZ" os nenos e nenas de 6º leron para os seus compañeiros e compañeiras de 1º e 2º e tamén a través de videoconferencia aos nenos e nenas do CEIP Xesús Golmar e do CEIP Manuel Rivero de Lalín e aos nenos e nenas do CEIP Vicente Arias de la Maza de Vilatuxe.

Os contos escollidos foron Orellas de bolboreta, Chímpate Pepa! e Oso Atrapabolboretas e aquí podedes ver o ben que o fixeron.

Orellas de bolboreta:

Chímpate Pepa!:

Oso Atrapabolboretas:

martes, 7 de febrero de 2023

DÍA DA PAZ

Ola amiguiños e amiguiñas!! O "Día Escolar da non Violencia e a Paz" xa rematou pero sempre estará presente en nós. Lemos contos da PAZ, para poder escribir , escribimos para unirnos nun fermoso "Glosario" en formade lapis. Un lapis que nos levou a un conto: O lapis máxico de Malala. Un conto lido por todos os mestres e mestras para todos os nenos e nenas do cole porque aprendemos que: "Un neno, un mestre, un lapis e un libro podemos cambiar o mundo".

Un mundo que comeza na nosa escola onde todos xuntos fomos quen de facer que unhas pedras, imaxe de castigo e dor, fosen pezas fundamentais na creación do noso símbolo da PAZ.  Xuntos podemos cambiar o mundo!

LECTURAS EN PAZ

Ola amiguiños e amiguiñas!! O 30 de xaneiro celebramos o "Dia Escolar da non
Violencia e a PAZ". Durante a semana anterior preparámonos para esta actividade con lecturas e debates sobre a lectura. Cinco días e cinco lecturas que rotamos de 1º a 5º. 
Os compañeiros e compañeiras de 6º foron os encargados de achegarlles as lecturas aos máis pequenos do cole. 
Grazas a estas lecturas aumentamos o noso vocabulario e quixemos Escribir as palabras que aprendemos, creando o noso propio Glosario da PAZ.  Un glosario feito nun lapis que xa deixou a súa pegada en nós e agora na nosa biblioteca.



miércoles, 1 de febrero de 2023

Booktubers de 5º "El pequeño Nicolás"

Ola amiguiños e amiguiñas!! Xa sabemos que os "Booktubers" crean contidos para internet, tendo como tema principal os libros e os contos. Sen embargo, os nosos compañeiros de 5º decidiron facer de "Booktubers" ao seu xeito e aproveitaron Radio Garabullo para falarnos dun conto moi divertido e moi propio desta época do ano na que traballamos a PAZ. Trátase dos contos do "Pequeno Nicolás" as aventuras que lle acontecen na escola a un  neno moi travieso e que sempre acaba metido en leas...  Escoitade o que nos contan Irene, Andrés e Asier.

E... se ledes as aventuras do pequeno Nicolás, pasade pola Biblio a contarnos se vos gustaron.